កាលពីម្សិលមិញនេះ នាថ្ងៃទី ២៧ ខែកុម្ភៈ ឆ្នាំ ២០២១ មហាជនជាច្រើន ដែលប្រើប្រាស់ហ្វេសប៊ុកមានការចាប់អារម្មណ៍ និងភ្ញាក់ផ្អើលយ៉ាងខ្លាំង ក្រោយឃើញ ឧកញ៉ា ម៉ុង ឫទ្ធី បានសម្រេចចិត្តបេះផ្លែស្វាយ យកទៅឲ្យ សត្វសុី ព្រោះតែតម្លៃផ្លែស្វាយមានការធ្លាក់ចុះ រហូតដល់ពេលនេះ គ្មានអ្នកទិញតែម្តង។ ឧកញ៉ា ម៉ុង ឫទ្ធី បានបញ្ជាក់យ៉ាងច្បាស់ៗថា “ល្ងាចនេះ ប្រមូលផលផ្លែស្វាយកែវរមៀត យកទៅអោយសត្វសុីវិញម្តង ដែលកន្លងទៅពេលនេះ យេីងកំពុងតែប្រមូលផលនាំចេញទៅសហគមន៍អឺរ៉ុប ដោយសារតែវិបត្តិកូវីដ-១៩ ផ្លែស្វាយធ្លាក់ចុះតម្លៃរហូតដល់ពេលនេះគ្មានអ្នកទិញតែម្តង ។ ចម្ការស្វាយរបស់ខ្ញុំ នៅក្នុងតំបន់រមណីយដ្ឋាន អភិវឌ្ឍន៍កសិទេសចរណ៍ ម៉ុង ឫទ្ធីសែនជ័យ មានចំនួន ៥០.០០០ ដេីម អាចប្រមូលផលបាន ប្រមាណជា 300 Ton (បីរយតោន) ជារាងរាល់ឆ្នាំ សម្រាប់ពេលនេះ សត្វរបស់ខ្ញុំមិនអាចសុីអស់ទេ មានចំនួនច្រើនខ្លាំងណាស់ ។”។ លោកក៏បានបន្ថែមនៅក្នុង comment នៃផុសនេះថា “ច្រើនខ្លាំងណាស់ មិនអាចធ្វើការកែច្នៃកើតទេ បើកែច្នៃបានហើយ ក៏មិនរំពឹងថា មានទីផ្សារដែរ។”។ ឃើញបែបនេះ ហ្វេនៗ របស់ ឧកញ៉ា បានចូល comment ថា ៖ ច្នៃធ្វើដំណាប់ ឬជ្រក់, លោកពូបង្កើតរោងចក្រសុរាធ្វើពីស្វាយទៅ, ធ្វើដំណាប់ស្វាយទៅ ឯកឧត្តម ទុកបានយូរ, ច្នៃទៅជាស្វាយកញ្ចប់ អាចទុកបានមួយឆ្នាំទៀត, ខាតបង់ប្រាក់ច្រើនណាស់ ដោយសារកូវីដ។ ព្រមទំាងនៅមានការលើកច្រើនជាច្រើនទៀត ដែលបានជួយផ្តល់យោបល់ជូន ឧកញ៉ា ទាក់ទងផ្លែស្វាយនេះ។ ដើម្បីជ្រាប កាន់តែច្បាស់បន្ថែមទៀត សូមមើលរូបភាព ខាងក្រោមនេះ ទំាងអស់គ្នា ៖
អានបន្តមានការចាប់អារម្មណ៍ជាខ្លាំង! ក្រោយឃើញ ឧកញ៉ា ម៉ុង ឫទ្ធី សម្រេចចិត្តបេះផ្លែស្វាយ យកទៅឲ្យ សត្វស៊ី ដោយសារតែ…
