សូមជួយគាំទ្រផងបងប្អូន! បន្លែថ្មីៗ ស្រស់ៗ គ្មានសារធាតុ គី មី ដាំដោយផ្ទាល់ដៃរបស់ កងពលតូចថ្មើរជើងលេខ ៥១ មានលក់នៅផ្សារ…

ហ្វេសប៊ុកៈ បន្លែធម្មជាតិ របស់អង្កភាព កងពលតូចថ្មើរជើងលេខ ៥១ កំពុងទទួលបានការចាប់អារម្មណ៍យ៉ាងខ្លាំង ពីសំណាក់មហាជន ក៏ដូចជាបងប្អូនតាមបណ្តាញសង្គមហ្វេសប៊ុកជាច្រើន មានកោតសរសើរ រំភើបចំពោះ កងពលតូច ដែលបានដាំបន្លែ ដែលមានគ្មានសារធាតុគីមី អាចជួយដល់សុខភាព សម្រាប់អ្នកទទួលទានបានផងដែរ។ ជាក់ស្តែងនៅក្នុងគណនីហ្វេសប៊ុករបស់ កងពលតូចថ្មើរជើងលេខ៥១ បានបង្ហោះសារ អមជាមួយរូបភាពជាច្រើនសន្លឹក ពីការដាក់លក់ បន្លែធម្មជាតិ របស់អង្គភាព ដែលមានដាក់លក់ចំនួនតែបីថ្ងៃ គឺថ្ងៃសុក្រ សៅរ៍ អាទិត្យ។ ម្ចាស់គណនីហ្វេសប៊ុកខាងលើបានបន្ថែមទៀតថា ” បន្លែធម្មជាតិ របស់អង្គភាព កងពលតូចថ្មើរជើងលេខ៥១ មានលក់រយះពេល៣ថ្ងៃក្នុង១សប្តាហ៍ (ថ្ងៃសុក្រ សៅរ៍ អាទិត្យ) នៅផ្សារសហគមន៍ខេត្តបន្ទាយមានជ័យ។ សូមអរគុណពុកម៉ែបងប្អូន លោក លោកស្រី ដែលជួយគាំទ្របន្លែកងទ័ព និងគ្រួសារកងទ័ព ដើម្បីជួយលើកស្ទួយផលិតផលកសិកម្មក្នុងស្រុក ភូមិមួយផលិតផលមួយ”។

អានបន្ត

សូមប្រុងប្រយ័ត្នផងបងប្អូន! ក្រសួងសុខាភិបាល រកឃើញអ្នកកើតជំងឺកូវីដ១៩ ចំនួន ១៥នាក់ថ្មី ទៀតហើយ និងព្យាបាល ជាសះស្បើយម្នាក់

នៅមុននេះបន្តិច នាថ្ងៃទី ១១ ខែសីហា ឆ្នាំ ២០២០ បើយោងតាមរយៈហ្វេសប៊ុកផ្លូវការមួយឈ្មោះ “នាយកដ្ឋានប្រយុទ្ធនឹងជំងឺឆ្លង CDC” បា​នប្រាប់ឲ្យដឹងថា ៖ “ថ្ងៃនេះយេីង​រកឃេីញករណីជំងឺកូវីដ-១៩​ថ្មី​ #១៥នាក់​ និងជាសះស្បេីយ​ #១នាក់​ ។ រហូតដល់ម៉ោង​ ០៨:០០​ ព្រឹក​ ថ្ងៃទី ១១ សីហា ២០២០​ យេីងរកឃេីញករណីជំងឺកូវីដ-១៩​ ថ្មី​ ចំនួន​ #១៥នាក់​ (ករណីនាំចូល​ទាំងអស់ ជនជាតិខ្មែរទាំង២នាក់​មកពីសហរដ្ឋអាមេរិក និងជនជាតិចិន​១៣នាក់​ មកពីប្រទេសហ្វីលីពីន) ដូច្នេះចំនួនសរុប​ #២៦៦នាក់​ ជាសះស្បេីយចំនួន​ #១នាក់​ (ជនជាតិខ្មែរ) ដូច្នេះចំនួនសំរាកនៅពេទ្យ​កេីន #៤៦នាក់​ ចំនួនជាសះស្បេីយសរុប​ចំនួន #២២០នាក់​ និង #ស្លាប់គ្មាន​ ។ ជំងឺកូវីដ-១៩​ នៅតែបន្តគម្រាមកំហែងយេីងជាប់ជានិច្ច​ សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ​ នៅឃ្លាតឆ្ងាយពីគ្នា​ មិនចេញក្រៅផ្ទះបេីមិនចាំបាច់​ ព្រោះប្រទេសជិតខាងយេីងនិងពិភពលោកកំពុងបន្តរាតត្បាតជំងឺកូវីដ១៩​ ដ៏ខ្លាំងក្លានៅឡេីយ​ ។ យេីងត្រូវបន្តអនុវត្តគម្លាតសង្គមបន្តទៀត​ ដូចជាពន្យាការរៀបអាពាហ៌ពិពាហ៌​ ពិធីជប់លៀង​ ការចាក់ធុងបាសរាំ​ ។ ល។ យេីងត្រូវបន្តគម្លាតបុគ្គលបន្តទៀត​ ដូចជា​អង្គុយគម្លាតពីគ្នា​ ឈររងចាំគម្លាតពីគ្នា​ ឈរជជែកគ្នាគម្លាតពីគ្នា​ ។ ល។ យេីងត្រូវបន្តពាក់ម៉ាស់នៅពេលចាំបាច់​ និងឧស្សាហ៍លាងដៃជាមួយសាប៊ូ​ អាល់កុល​ ឬជែល​ ។ សូមបញ្ជាក់ថា​ ប្រទេសយេីងរកឃេីញករណីជំងឺកូវីដ១៩ដំបូងបំផុតនៅថ្ងៃទី​ ២៧​ មករា​ ២០២០​ ។ យេីងបានធ្វេីតេស្តចំនួន​ 73629 ស្មេីនឹង​ 4435 ក្នុង១លាន នាក់។ ព័ត៌មានបន្ថែមសូមទាក់ទងលេខ​ 115″។ ដូចនេះ ដើម្បីជ្រាប កាន់តែច្បាស់បន្ថែមទៀត សូមអាចសេចក្តីជូនព័ត៌មាន របស់ក្រសួងសុខាភិបាល ខាងក្រោមនេះ ៖…

អានបន្ត

ដំណឹងល្អ! អ្នកជំងឺកូវីដ១៩ ចំនួន ៤នាក់ទៀតហើយ ត្រូវបានព្យាបាលឱ្យជាសះស្បើយ

(ភ្នំពេញ)៖ ក្រោមកិច្ចប្រឹងប្រែងរបស់កងទ័ពអាវសអ្នកជំងឺកូវីដ១៩ ចំនួន៤នាក់ទៀតហើយត្រូវបានព្យាបាលឱ្យជាសះស្បើយនៅថ្ងៃទី០៦ ខែសីហា ឆ្នាំ២០២០។ នេះបើយោងតាមការជូនព័ត៌មានរបស់ក្រសួងសុខាភិបាលនៅព្រឹកថ្ងៃទី០៧ ខែសីហា ឆ្នាំ២០២០នេះ។ ក្រសួងសុខាភិបាល បានឱ្យដឹងថា អ្នកជំងឺទាំង៤នាក់ដែលព្យាបាលឱ្យជាសះស្បើយនេះ ជាបុរសជនជាតិខ្មែរ រួមមាន៖ * អាយុ ២៩ឆ្នាំ មានអាសយដ្ឋាននៅស្រុកព្រៃកប្បាស ខេត្តតាកែវ * អាយុ ២៦ឆ្នាំ មានអាសយដ្ឋាននៅស្រុកអង្គរបូរី ខេត្តតាកែវ * អាយុ ២៦ឆ្នាំ មានអាស័យដ្ឋាននៅឃុំឡាបានសៀក ក្រុងបានលុង ខេត្តរតនគីរី * អាយុ ២៦ឆ្នាំ មានអាស័យដ្ឋាននៅសង្កាត់បឹងកក់១ ខណ្ឌទួលគោក រាជធានីភ្នំពេញ បុរសទាំង ០៤នាក់ខាងលើ ជាអ្នកដំណើរមកពីប្រទេសរុស្ស៊ី បន្តជើងហោះហើរនៅប្រទេសម៉ាឡេស៊ីមកកម្ពុជា។ ពួកគេត្រូវបានព្យាបាលជាសះស្បើយ ដោយទទួលបានលទ្ធផលតេស្តអវិជ្ជមាន ចំនួន ០២ដង និងត្រូវបានអនុញ្ញាតឱ្យចេញពីមន្ទីរពេទ្យបង្អែកខេត្តកំពង់ស្ពឺ។ បើតាមការជូនព័ត៌មានរបស់ក្រសួងសុខាភិបាល នៅថ្ងៃទី០៦ ខែសីហា ម្សិលមិញនេះ រកមិនឃើញមានអ្នកឆ្លងជំងឺកូវីដ១៩ ករណីថ្មីនោះទេ។ ក្រសួងសុខាភិបាលបានឱ្យដឹងថា មកដល់ព្រឹកថ្ងៃទី០៧ ខែសីហា ឆ្នាំ២០២០នេះ កម្ពុជាមានអ្នកជំងឺកូវីដ១៩ សរុបចំនួន ២៤៣នាក់ មានស្ត្រី ៤៧នាក់ និងបុរស ១៩៦នាក់។ ក្នុងនោះអ្នកជំងឺដែលព្យាបាលឱ្យជាសះស្បើយមានចំនួនសរុប ២១៤នាក់ មានស្ត្រី ៤៦នាក់ និងបុរស ១៦៨នាក់។ រីឯអ្នកកំពុងសម្រាកព្យាបាលមានជំនួន ២៩នាក់។ ក្នុងនោះ ២៦នាក់ សម្រាកព្យាបាលនៅមណ្ឌលសុខភាពចាក់អង្រែ, ២នាក់ សម្រាកព្យាបាល នៅមន្ទីរពេទ្យបង្អែកខេត្តកំពង់ស្ពឺ ដោយឡែកស្ត្រី១នាក់ ជាជនជាតិកាហ្សាក់ស្តង់ ដែលបានដាក់ឱ្យសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត ត្រូវបានប្តូរមកសម្រាកព្យាបាលនៅមន្ទីរពេទ្យឯកជនមួយនៅរាជធានីភ្នំពេញជំនួសវិញ៕ ប្រភព៖ freshnewsasia

អានបន្ត

ក្តៅៗ ថ្ងៃនេះ​ កម្ពុជារកឃើញអ្នកឆ្លងវីរុសកូវីដ-១៩ ថ្មី ២នាក់បន្ថែមទៀត ខណៈមានអ្នកជាសះស្បើយចំនួន ២នាក់…

ភ្នំពេញ៖បុរសជាជនជាតិខ្មែរ អាយុ ៣៤ឆ្នាំម្នាក់ មានអាស័យដ្ឋាននៅស្រុកកោះធំ ខេត្តកណ្តាល និងស្ត្រីជាជនជាតិកាហ្សាក់ស្តង់ម្នាក់ អាយុ ៤២ឆ្នាំ ត្រូវបានក្រសួងសុខាភិបាលរកឃើញថា មានការឆ្លងវីរុសកូវីដ-១៩ កាលពីថ្ងៃទី៤ ខែសីហា។ នេះបើតាមសេចក្តីជូនព័ត៌មានរបស់ក្រសួងសុខាភិបាល នៅថ្ងៃទី៥ ខែសីហា ឆ្នាំ២០២០ នេះ។ បុរសជាជនជាតិខ្មែរដែលទើបឆ្លងនេះ ជាអ្នកដំណើរមកពីប្រទេសប៉ាគីស្ថាន បន្តជើងហោះហើរនៅប្រទេសម៉ាឡេស៊ី មកកម្ពុជា ត្រូវបានធ្វើចក្តាឡីស័កនៅមណ្ឌលចក្តាឡីស័កបូរី១០០ខ្នង រហូតធ្វើតេស្តលើកទី២ ទើបឃើញមានវិជ្ជមានវីរុសកូវីដ-១៩ ខណៈស្ត្រីជាជនជាតិកាហ្សាក់ស្តង់វិញ ជាអ្នកដំណើរពីប្រទេសកាហ្សាកើស្តង់ បន្តជើងហោះហើរនៅប្រទេសកូរ៉េខាងត្បូង មកដល់កម្ពុជា នៅថ្ងៃទី៣ ខែសីហា ។ ជាមួយគ្នានេះដែរ ក្រសួងសុខាភិបាល ប្រកាសព្យាបាលជាសះស្បើយអ្នកជំងឺកូវីដ-១៩ ចំនួន ២នាក់ផងដែរ ជាស្ត្រីជនជាតិខ្មែរម្នាក់ អាយុ៦០ឆ្នាំ ជាអ្នកដំណើរពីសហរដ្ឋអាមេរិក បន្តជើងហោះហើរនៅប្រទេសចិន មកកម្ពុជា និងកុមារីជាជនជាតិអាមេរិកកាំង ជាអ្នកដំណើរមកពីសហរដ្ឋអាមេរិក បន្តហោះហើរនៅប្រទេសកូរ៉េខាងត្បូង មកកម្ពុជាត្រូវបានរាយការណ៍ដោយស្ថានទូតអាមេរិកប្រចាំកម្ពុជា។ បច្ចុ​ប្បន្ននេះ អ្នកជំងឺកូវីដ-១៩ បុរសជាជនជាតិខ្មែរ ត្រូវបានដាក់សម្រាកព្យាបាលនៅមណ្ឌលសុខភាពចាក់អង្រែ ខណៈស្ត្រីជាជនជាតិកាហ្សាក់ស្តង់ ត្រូវបានដាក់សម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត។ ដោយឡែកអ្នកព្យាបាលជាសះស្បើយត្រូវបានអនុញ្ញាតឲ្យចេញពីមន្ទីរពេទ្យផងដែរ៕

អានបន្ត

ដំណឹងល្អ ព្រឹកនេះ ក្រសួងប្រកាសថា មានករណីព្យាបាលជាសះស្បើយ ៣២នាក់ ខណៈរកឃើញវិជ្ជមានកូវីដ១៩ ០១នាក់….

យោងតាមសេចក្ដីជូនដំណឹងរបស់ក្រសួងសុខាភិបាល ករណីព្យាបាលជាសះស្បើយ ៣២នាក់ និងករណីវិជ្ជមានកូវីដ១៩ថ្មី ០១នាក់ នៅថ្ងៃទី០១ ខែសីហា ឆ្នាំ២០២០។ គិតត្រឹមម៉ោង ០៧ព្រឹក ថ្ងៃទី០២ ខែសីហា ឆ្នាំ២០២០ ស្ថានភាពជំងឺកូវីដ១៩ នៅកម្ពុជា មានអ្នកជាចំនួនអ្នកព្យាបាលជាសះស្បើយសរុបទូទាំងប្រទេស ចំនួន ១៩៦នាក់ ក្នុងចំណោមអ្នកមានវីរុសកូវីដ ចំនួនសរុប ២៤០នាក់។ អ្នកសម្រាកព្យាបាលនៅក្នុងមន្ទីរពេទ្យរដ្ឋ មានចំនួន ៤២នាក់ និងអ្នកសម្រាកព្យាបាលនៅបន្ទប់ដាច់ដោយឡែកក្នុងស្ថានទូតអាមេរិកប្រចាំកម្ពុជា ចំនួន២នាក់។ ដើម្បីជ្រាបកាន់តែច្បាស់ សូមអានខាងក្រោមនេះ៖ ប្រភព៖ freshnewsasia

អានបន្ត

សូម ពុកម៉ែ បងប្អូន បង្កើនការប្រុងប្រយ័ត្នឲ្យបានខ្ពស់ ព្រោះព្រឹកនេះ ក្រសួងប្រកាសថា បានរកឃើញអ្នកឆ្លងជំងឺកូវីដ-១៩ ថ្មី ចំនួន ០៥ នាក់ទៀតហើយ …

នៅមុននេះបន្តិច នាព្រឹក ថ្ងៃទី ០១ ខែសីហា ឆ្នាំ ២០២០ បើយោងតាមរយៈហ្វេសប៊ុកផេកផ្លូវការមួយឈ្មោះ “នាយកដ្ឋានប្រយុទ្ធនឹងជំងឺឆ្លង CDC” បានប្រាប់ឲ្យដឹងថា ៖ “ថ្ងៃនេះយេីងរកឃេីញករណីជំងឺកូវីដ-១៩​ថ្មី​ #៥នាក់​ ទៀត។ រហូតដល់ម៉ោង​ ០៨:០០​ ព្រឹក​ ថ្ងៃទី ១ សីហា ២០២០​ យេីងរកឃេីញករណីជំងឺកូវីដ-១៩​ ថ្មី​ #៥នាក់​ (ករណីនាំចូលទាំងអស់​ ខ្មែរ​ ៤នាក់​ និង​ ឥណ្ឌូនេស៊ី​ ១នាក់)​ ដូច្នេះចំនួនសរុប​#២៣៩នាក់ ចំនួនសំរាកនៅពេទ្យ​កេីន #៧៥នាក់​ ចំនួនជាសះស្បេីយសរុប​ចំនួន #១៦៤នាក់​ និង #ស្លាប់គ្មាន​ ។ ជំងឺកូវីដ-១៩​ នៅតែបន្តគម្រាមកំហែងយេីងជាប់ជានិច្ច​ សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ​ នៅឃ្លាតឆ្ងាយពីគ្នា​ មិនចេញក្រៅផ្ទះបេីមិនចាំបាច់​ ព្រោះប្រទេសជិតខាងយេីងនិងពិភពលោកកំពុងបន្តរាតត្បាតជំងឺកូវីដ១៩​ ដ៏ខ្លាំងក្លានៅឡេីយ​ ។ យេីងត្រូវបន្តអនុវត្តគម្លាតសង្គមបន្តទៀត​ ដូចជាពន្យាការរៀបអាពាហ៌ពិពាហ៌​ ពិធីជប់លៀង​ ការចាក់ធុងបាសរាំ​ ។ ល។ យេីងត្រូវបន្តគម្លាតបុគ្គលបន្តទៀត​ ដូចជា​អង្គុយគម្លាតពីគ្នា​ ឈររងចាំគម្លាតពីគ្នា​ ឈរជជែកគ្នាគម្លាតពីគ្នា​ ។ ល។ យេីងត្រូវបន្តពាក់ម៉ាស់នៅពេលចាំបាច់​ និងឧស្សាហ៍លាងដៃជាមួយសាប៊ូ​ អាល់កុល​ ឬជែល​ ។ សូមបញ្ជាក់ថា​ ប្រទេសយេីងរកឃេីញករណីជំងឺកូវីដ១៩ដំបូងបំផុតនៅថ្ងៃទី​ ២៧​ មករា​ ២០២០​ ។ យេីងបានធ្វេីតេស្តចំនួន​ 64597 ស្មេីនឹង​ 3891 ក្នុង១លាន នាក់។ ព័ត៌មានបន្ថែមសូមទាក់ទងលេខ​ 115″។ ដូចនេះដើម្បីជ្រាប កាន់តែច្បាស់បន្ថែមទៀត សូមពុកម៉ែបងប្អូន អានសេចក្តីជូនព័ត៌មានរបស់ក្រសួងសុខាភិបាលខាងក្រោមនេះ ៖

អានបន្ត

សូមបងប្អូនបន្តប្រុងប្រយ័ត្នឲ្យបានខ្ពស់ ! ថ្ងៃនេះ ក្រសួងប្រកាសថា បានរកឃើញអ្នកឆ្លងជំងឺកូវីដ-១៩ ថ្មី ចំនួន ២៣ នាក់ទៀតហើយ

(ភ្នំពេញ)៖ លោកស្រី ឱ វណ្ណឌីន អ្នកនាំពាក្យក្រសួងសុខាភិបាល តាមរយៈបណ្តាញព័ត៌មាន Fresh News នៅថ្ងៃទី២៥ ខែកក្កដា ឆ្នាំ២០២០នេះ បានអំពាវនាវឱ្យប្រជាពលរដ្ឋខ្មែរទាំងអស់បង្កើន ការប្រុងប្រយ័ត្នឱ្យបានខ្ពស់ ចំពោះការរីករាលដាលជំងឺកូវីដ១៩ ក្រោយពេលកម្ពុជាបានរកឃើញអ្នកឆ្លងថ្មីរហូតដល់២៣នាក់ ដែលជាករណីនាំចូល និងចាត់ទុកជាចំនួនដ៏ច្រើនមួយ។ លោកស្រី ឱ វណ្ណឌីន បានព្រមានថា៖ «លទ្ធភាពនៃការចម្លងវីរុសកូវីដ-១៩ ចូលសហគមន៍ យើងមិនអាចមើលរំលងបានឡើយ។ ដូច្នេះហើយ បានជាក្រសួងសុខាភិបាល តែងតែអំពាវនាវហើយអំពាវនាវទៀត ឱ្យបងប្អូនប្រជាពលរដ្ឋ ត្រូវតែបន្តកិច្ចការពារខ្លួនជាប់ជានិច្ច»។ លោកស្រីបានបន្ថែមថា៖ «ថ្ងៃនេះថ្វីត្បិតតែការរកឃើញអ្នកវិជ្ជមាន វីរុសកូវីដ១៩ ចំនួន ២៣នាក់ទៀត ជាករណីនាំចូលក៏ពិតមែនតែវាជាចំនួនច្រើនណាស់ ដែលយើងមិនអាចដឹងបានថា តើបន្តទៅមុខទៀតយ៉ាងណាដែរនោះទេ? ដូច្នេះសូមអ្នកដើរកំសាន្តទាំងអស់ ត្រូវតែចេះប្រុងប្រយ័ត្នមែនទែន ដោយសារហានិភ័យនៃការចម្លងវីរុសកូវីដ១៩ ដែលអាចកើតមានគ្រប់ពេលវេលា គ្រប់កាលៈទេសៈ និងគ្រប់ទីកន្លែងទាំងអស់។ សុំកុំភ្លេចខ្លួន និងសុំកុំសន្តិភាពនិយមជាមួយវីរុសកូវីដ១៩នេះឲ្យសោះ»។ សូមបញ្ជាក់ថា នៅថ្ងៃទី២៥ ខែកក្កដា ឆ្នាំ២០២០នេះ ក្រសួងសុខាភិបាលកម្ពុជា បានរកឃើញករណីវិជ្ជមានជំងឺកូវីដ១៩ ចំនួន២៣ករណីថែមទៀត ដែលជាករណីនាំចូល តាមរយៈជើងយន្តហោះមកកាន់ប្រទេសកម្ពុជា ខណៈដែលនៅថ្ងៃនេះដែរ មានអ្នកជំងឺ១នាក់បានជាសះស្បើយ។ គិតត្រឹមម៉ោង៧ព្រឹកថ្ងៃទី២៥ ខែកក្កដា ឆ្នាំ២០២០ កម្ពុជាបានរកឃើញអ្នកកើតជំងឺកូវីដ១៩ សរុបទាំអស់ ២២៥នាក់ (ស្ត្រី ៤៦នាក់ និងបុរស ១៧៩នាក់)។ ក្នុងនោះព្យាបាលជាសះស្បើយមានចំនួន ១៤៣នាក់ (ស្រី ៣៩នាក់ និងបុរស១០៤នាក់) ហើយអ្នកកំពុងសម្រាកព្យាបាលនៅតាមមន្ទីរពេទ្យរដ្ឋមានចំនួន ៨០នាក់ (ស្រី ៥នាក់ និងបុរស ៧៥នាក់)។ ជាមួយគ្នានេះអ្នកជំងឺជាស្ត្រីជនជាតិអាមេរិក ២នាក់ កំពុងសម្រាកព្យាបាលនៅក្នុងស្ថានទូតអាមេរិក៕ ប្រភព៖ freshnewsasia

អានបន្ត

ក្រសួង​សុខាភិ​បាល៖ ផ្ទុះ​ជំងឺថ្មីឈ្មោះ «ឈីកគន់ហ្គន់យ៉ា» នា​ខេត្ត​​​​បន្ទាយ​​​មាន​​ជ័យ ​​នៅថ្ងៃ ២៣ កក្កដានេះ

ភ្នំពេញ៖ យោងតាមសេចក្ដីជូនដំណឹងរបស់ក្រសួងសុខាភិបាលបានឲ្យដឹងថា នៅព្រឹកថ្ងៃទី ២៣ ខែកក្កដា ឆ្នាំ២០២០ ក្នុងពេលថ្មីៗនេះ មានការកើតចេញនូវជំងឺឈីកគន់ហ្គន់យ៉ា (Chikunngunya) ដែលហៅកាត់ថា ឈីក (CHIK) នៅក្នុងភូមិមួយចំនួន សង្កាត់ប៉ោយប៉ែត ខេត្តបន្ទាយមានជ័យ។ ចាប់តាំងពីថ្ងៃ១៩ ខែកក្កដា ឆ្នាំ២០២០ រហូតដល់ថ្ងៃទី២២ ខែកក្កដា ឆ្នាំ២០២០ ប្រជាពលរដ្ឋភូមិក្បាលកោះ ភូមិ​អូជ្រៅ ផូមប៉ោយប៉ែត ភូមិព្រគប់ ភូមិអូរនាង និងភូមិអូរឬស្សី នៃសង្កាត់ប៉ោយប៉ែត ខេត្តបន្ទាយមានជ័យ មានចេញ​រោគសញ្ញា គ្រុនក្ដៅ ៣៨អង្សាសេ កន្ទួលក្រហមលើស្បែក និងឈឺសន្លាក់ដៃជើង។ សូមអាព័ត៌មានបន្ថែមពីក្រសួងសុខាភិបាលដូចខាងក្រោម៖

អានបន្ត

សូមបងប្អូនបន្តប្រុងប្រយ័ត្នឲ្យបានខ្ពស់! ព្រឹកនេះ ក្រសួងប្រកាសថា បានរកឃើញអ្នកឆ្លងជំងឺកូវីដ-១៩ ថ្មី ចំនួន ២៦ នាក់ទៀតហើយ លើអ្នកដំណើរ ដែលវិលត្រឡប់មកពីប្រទេស…

(ភ្នំពេញ)៖ ក្រសួងសុខាភិបាល នៅព្រឹកថ្ងៃទី២១ ខែកក្កដា ឆ្នាំ២០២០នេះ បានចេញសេចក្ដីជូនព័ត៌មាន ប្រកាសពីការរកឃើញករណីវិជ្ជមានវីរុសកូវីដ-១៩ ចំនួន២៦នាក់ថ្មីទៀត ដែលសុទ្ធសឹងជាករណីនាំចូល ខណៈអ្នកព្យាបាលជាសះស្បើយមានចំនួន៤នាក់។ សេចក្តីប្រកាសព័ត៌មាន ដែលបណ្តាញព័ត៌មាន Fresh News ទទួលបាននៅព្រឹកថ្ងៃទី២១ ខែកក្កដា ឆ្នាំ២០២០បានឲ្យដឹងថា ករណីវិជ្ជមានវីរុសកូវីដ-១៩ថ្មី ចំនួន២៦នាក់នេះ ក្នុងនោះជាបុរសជនជាតិខ្មែរ ដែលត្រឡប់មកពីសិក្សានៅរុស្ស៊ី និងប្រទេសអេហ្ស៉ីបចំនួន២៥នាក់ និងម្នាក់ទៀតជាបុរសជនជាតិខ្មែរមកពីប្រទេសកូរ៉េខាងត្បូង ត្រូវបានបញ្ជូនទៅសម្រាកព្យាបាលរួចរាល់ហើយនៅ មណ្ឌលសុខភាពចាក់អង្រែ រាជធានីភ្នំពេញ។ បើតាមក្រសួងសុខាភិបាលជំងឺកូវីដ១៩ថ្មីទាំង២៦នាក់នេះ មាន២៥នាក់ធ្វើដំណើរមកពីសិក្សានៅប្រទេសរុស្ស៊ី និងអេហ្ស៊ីប តាមជើងហោះហើរមកពីប្រទេសរុស្ស៊ី ដោយបន្តដំណើរតាមជើងហោះហើរតាមប្រទេសម៉ាឡេស៊ី មកដល់កម្ពុជានៅថ្ងៃទី១៩ ខែកក្កដា ឆ្នាំ២០២០។ ចំណែកម្នាក់ទៀតជាបុរសជនជាតិខ្មែរ អាយុ៦៥ឆ្នាំ ធ្វើដំណើរប្រទេសកូរ៉េខាងត្បូង ចូលមកកម្ពុជា នៅថ្ងៃទី១៩ ខែកក្កដា ឆ្នាំ២០២០។ សម្រាប់អ្នកដំណើរដែលរួមដំណើរលើយន្តហោះទាំង២ សរុបចំនួន២២៨នាក់ផ្សេងទៀត ត្រូវបានដាក់ធ្វើចត្តាឡីស័ក ដើម្បីតាមដានបន្តទៀត។ ដោយឡែកសម្រាប់អ្នកព្យាបាលជាសះស្បើយចំនួន៤នាក់ ក្នុងនោះមាន៣នាក់ជាបរុសជនជាតិខ្មែរដែលត្រឡប់មកពីប្រទេសអារ៉ាឌីសាអូឌីត និងម្នាក់ទៀតជាបុរសជនជាតិខ្មែរ ដែលត្រឡប់មកពីប្រទេសឥណ្ឌូនេស៊ី ។ អ្នកជាសះស្បើយត្រូវបានអនុញ្ញាតឲ្យចេញពីមន្ទីរពេទ្យ បន្ទាប់ពីធ្វើតេស្តអវិជ្ជមាន២លើក។ សូមជម្រាបថា គិតត្រឹមម៉ោង០៧៖០០ព្រឹក ថ្ងៃទី២១ ខែកក្កដា ឆ្នាំ២០២០នេះ អ្នកមានវីរុសកូវីដ-១៩ ដែលបានរកឃើញទាំងអស់នៅទូទាំងប្រទេស សរុបចំនួន ១៩៧នាក់ (ស្ត្រី៤៣នាក់ និងបុរស១៥៤នាក់) ក្នុងនោះចំនួនអ្នកព្យាបាលជាសះស្បើយ សរុបទូទាំងប្រទេស មានចំនួន១៤០នាក់ (ស្រី៣៩នាក់ និងបុរស១០១នាក់) ខណៈអ្នកសម្រាកព្យាបាលនៅក្នុងមន្ទីរពេទ្យរដ្ឋ មានចំនួនសរុប៥៥នាក់៖ នៅមន្ទីរពេទ្យមិត្តភាពខ្មែរ-សូវៀត មានចំនួន០៧នាក់ (ស្ត្រី ០១នាក់ និងបុរស ០៦ នាក់), នៅមណ្ឌលសុខភាពចាក់អង្រែ រាជធានីភ្នំពេញ សរុបចំនួន៤៨នាក់ និងអ្នកសម្រាកព្យាបាលនៅបន្ទប់ ដោយឡែកក្នុងស្ថានទូតអាមេរិកប្រចាំកម្ពុជា៖ ជាស្ត្រីជន ជាតិអាមេរិកកាំង០២នាក់។ ប្រភព៖ freshnewsasia

អានបន្ត

ដំណឹងល្អ! ពេលនេះក្រសួង បានប្រកាសថា កម្ពុជា ព្យាបាលអ្នកជំងឺកូវីដ-១៩ ជាសះស្បើយចំនួន៣នាក់ទៀតហើយ

(ភ្នំពេញ)៖ ក្រសួងសុខាភិបាល នៅព្រឹកថ្ងៃអាទិត្យ ទី១៩ ខែកក្កដា ឆ្នាំ២០២០នេះ បានចេញសេចក្ដីជូនព័ត៌មាន ស្ដីពីករណីព្យាបាលជាសះស្បើយអ្នកជំងឺកូវីដ១៩ចំនួន០៣នាក់។ សេចក្តីប្រកាសព័ត៌មានរបស់ក្រសួងសុខាភិបាល ដែលបណ្តាញព័ត៌មាន Fresh News ទទួលបាននៅព្រឹកនេះបានបញ្ជាក់ថា អ្នកជំងឺកូវីដ១៩ ដែលជាសះស្បើយទាំង០៣នាក់៖ * បុរសជនជាតិខ្មែរ អាយុ ២១ឆ្នាំ អាស័យដ្ឋាននៅភូមិកំពង់អំពិល ឃុំបុរីជលសា ស្រុកបុរីជលសា ខេត្តតាកែវ * បុរសជនជាតិខ្មែរ អាយុ២១ឆ្នាំ មានអាស័យដ្ឋាននៅភូមិឃឃុំច្រាំងចំរេះ២ ខណ្ឌឫស្សីកែវ រាជធានីភ្នំពេញ * បុរសជនជាតិខ្មែរ អាយុ៣០ឆ្នាំ មានអាស័យដ្ឋាននៅភូមិកំពង់អំពិល ឃុំបុរីជលសា ស្រុកបុរីជលសា ខេត្តតាកែវ។ បុរសទាំងបីនាក់នេះ ជាអ្នកធ្វើដំណើរតាមជើងហោះហើរមកពីប្រទេសអារ៉ាប់ប៊ីសាអូឌីត ត្រូវបានព្យាបាលជាសះស្បើយ ដោយទទួលបានលទ្ធផលតេស្ត អវិជ្ជមានវីរុសកូវីដ-១៩ ចំនួន០២ដង និងត្រូវបានអនុញ្ញាតឱ្យចេញពីមណ្ឌលសុខភាពចាក់អង្រែ រាជធានីភ្នំពេញ។ សូមជម្រាបថា គិតត្រឹមម៉ោង០៧៖០០ព្រឹក ថ្ងៃទី១៩ ខែកក្កដា ឆ្នាំ២០២០នេះ អ្នកមានវីរុសកូវីដ-១៩ ដែលបានរកឃើញទាំងអស់នៅទូទាំងប្រទេស សរុបចំនួន ១៧១នាក់ (ស្ត្រី ៤២នាក់ និងបុរស ១២៩នាក់) ក្នុងនោះចំនួនអ្នកព្យាបាលជាសះស្បើយ សរុបទូទាំងប្រទេស មានចំនួន១៣៦នាក់(ស្រី ៣៩នាក់ និងបុរស៩៧នាក់) ខណៈអ្នកសម្រាកព្យាបាលនៅក្នុងមន្ទីរពេទ្យរដ្ឋ មានចំនួន៣៣នាក់ និង អ្នកសម្រាកព្យាបាលនៅបន្ទប់ដោយឡែក ក្នុងស្ថានទូតអាមេរិកប្រចាំកម្ពុជា ដែលជនជាតិអាមេរិក០២នាក់៕ ប្រភព៖​​ freshnewsasia

អានបន្ត