ភ្នំពេញ៖ ដូចដែលពុកម៉ែបងប្អូនបានដឹងហើយថា ព្រឹកមិញនេះមហាជនពិតជាមានការសោកស្តាយបំផុតចំពោះក្រុមគ្រួសារ សាច់ញាតិរបស់ ព្រឹទ្ធាចារ្យ ឯម ធាយ និង បងប្អូនប្រជាពលរដ្ឋ សិល្បករសិល្បការិនីទាំងអស់ក្នុងប្រទេស និង ក្រៅប្រទេសបន្ទាប់ពីទទួលដំណឹងថាគ្រូរបាំព្រះរាជទ្រព្យ ឬរបាំខ្មែរក្បាច់បុរាណ ទេវនាដនិម្មិត ឯម ធាយបានលាចាកលោកដោយសារជរាពាធ ក្នុងជន្មានយុ ៨៨ ឆ្នាំ។ យ៉ាងណាមិញ ក្រោយដំណឹងដ៏ក្រៀមក្រំបំផុតនោះ នៅរសៀលថ្ងៃទី១៥ ខែមិថុនា ដដែលនេះ ក៏លេចដំណឹងសោកសៅថ្មីមួយទៀត ដោយអ្នកបន្តវេនសិល្បៈល្ខោនខោនអាយុ ១៥ ឆ្នាំម្នាក់ ក៏បានទទួលមរណភាពទាំងវ័យក្មេងផដែរ។ នេះបើតាមការបញ្ជាក់ឲ្យដឹងពីគណនីហ្វេសប៊ុកឈ្មោះថា «Sou Dane»។ ដោយហ្វេសប៊ុកខាងលើនេះក៏បានរៀបរាប់យ៉ាងដូច្នេះថា៖ “ក្នុងថ្ងៃតែមួយដែលលោកយាយឯមធាយលាចាកលោក ក៏មានដំណឹងក្រៀមក្រំពីលើទៀតគឺអ្នកបន្តវេន ល្ខោនខោលយើង ប្អូនប្រុស សុភាព សុវណ្ណកក្កដា ឯកទេសល្ខោនខោល នៅសាលាមធ្យមសិល្បៈ ប្អូនបាន ស្លា.ប់.ដោយសារខ្យល់គកាលពីព្រឹកមិញនេះក្នុងវ័យ១៥ឆ្នាំ ស.ពធ្វើបុណ្យនៅខេត្តកណ្តាល បច្ចុប្បន្ននៅភូមិ,ត្រពាំងស្វាយ សង្កាត់,គេាកឃ្លាង ខណ្ឌ,សែនសុខ រាជធានី,ភ្នំពេញ លេខគ្រួសារស.ពTel 0962161894, 012785144 ទទួលដំណឹងនឹងរូបភាពពី យ៉ែម រ៉ាឌី”។ ជុំវិញដំណឹងក្រៀមក្រំនេះ មហាជន សិល្បករសិល្បការិនីជាច្រើន បានសម្ដែងការសោកស្ដាយជាពន់ ដ្បិតត្រឹមតែរយៈពេលមួយថ្ងៃសោះ កម្ពុជាត្រូវបានបាត់បង់ធនធានដ៏កម្ររហូតដល់ទៅពីររូបបន្តបន្ទាប់គ្នា ។ មិនតែប៉ុណ្ណោះ ក៏មានការចូលរួមរំលែកទុក្ខដល់ក្រុមគ្រួសារនៃស.ពយុវជន សុភាព សុវណ្ណកក្កដា ផងដែរ៕
អានបន្តហេតុអ្វីផ្ទួនៗម៉្លេះ! ថ្ងៃតែមួយដែលព្រឹទ្ធាចារ្យ ឯម ធាយ ទទួលមរណភាព អ្នកបន្តវេនល្ខោនខោលវ័យក្មេងម្នាក់ទៀតក៏បានលាចាកលោក (សោកស្តាយដែលបាត់បង់អ្នកទាំងពីរ)
