ទួរគី​បញ្ជា​ឲ្យ​ចាប់ខ្លួន​បុគ្គលិក​យោធា ៨២ នាក់​ពីបទ​សង្ស័យ​មានការ​ពាក់ព័ន្ធ​នឹង​ទំនាក់ទំនង​ជាមួយ​លោក Gulen

ទីភ្នាក់ងារ​ព័ត៌មាន​រដ្ឋ Anadolu បាន​និយាយ​កាលពី​ថ្ងៃ​អង្គា​រថា ប្រទេស​ទួរគី​បាន​បញ្ជា​ឲ្យ​ចាប់ខ្លួន​បុគ្គលិក​យោធា ៨២ នាក់​ពាក់ព័ន្ធ​នឹង​ការសង្ស័យថា​មាន​ទំនាក់ទំនង​ទៅនឹង​ពួក​បណ្តាញ​ដែល​ចោទប្រកាន់​ដោយ​ក្រុង​អង់កា​រ៉ា​ពីបទ​ប៉ុនប៉ង​ធ្វើ​រដ្ឋប្រហារ​នៅ​ឆ្នាំ ២០១៦។

ក្រុង​អង់កា​រ៉ា​បាន​ស្ដីបន្ទោស​បព្វជិត​មូស្លីម Fethullah Gulen ដែលមាន​មូលដ្ឋាន​នៅ​សហរដ្ឋអាមេរិក​ដែល​បានរស់នៅ​និរទេស​ដោយ​ខ្លួនឯង​នៅ​រដ្ឋ Pennsylvania តាំងពី​ឆ្នាំ ១៩៩៩ មក​ពីបទ​ធ្វើជា​មេគំនិត​ក្នុង​រដ្ឋប្រហារ​កាលពី​ខែកក្កដា ឆ្នាំ ២០១៦ ខណៈដែល​លោក Gulen បាន​បដិសេធ​ការចូលរួម​ទាំងនោះ។

ទីភ្នាក់ងារ​ព័ត៌មាន Anadolu បាន​និយាយថា ប៉ូលីស​កំពុង​ស្វែងរក​ជនសង្ស័យ ៤២ នាក់​ក្នុងចំណោម​ពួកគេ​នៅក្នុង​ប្រតិបត្តិការ​មួយ​ដែលមាន​មូលដ្ឋាន​នៅ​ខេត្ត​ឆ្នេរ​ភាគ​ខាងលិច Izmir ប៉ុន្តែ​កំពុង​ត្រូវបាន​គេ​អនុវត្តន៍​នៅ​ទូទាំង ១៧ ខេត្ត​ផ្សេងទៀត ។ វា​បាន​និយាយថា អាជ្ញាធរ​ជឿថា ជនសង្ស័យ​ត្រូវបាន​ហៅ​ដោយ​បណ្តាញ​សមាជិក​របស់លោក Gulen ពី​ទូរស័ព្ទ​បង់ប្រាក់។

ទីភ្នាក់ងារ Anadolu បាន​និយាយថា ជនសង្ស័យ ៤០ នាក់​ដែល​នៅ​សេសសល់​រួមមាន​ទាហាន​ដែល​កំពុង​បំពេញ​កាតព្វកិច្ច​សកម្ម​កំពុង​ត្រូវបាន​ស្វែងរក​នៅក្នុង​ប្រតិបត្តិការ​មួយ​ដែលមាន​មូលដ្ឋាន​នៅ​ខេត្ត Konya ភាគ​កណ្តាល ប៉ុន្តែ​ត្រូវបាន​អនុវត្ត​នៅ​ទូទាំង​ខេត្ត​ចំនួន ២៥ ផ្សេងទៀត។

រយៈពេល​ជិត​បី​ឆ្នាំ​បន្ទាប់ពី​ការបរាជ័យ​ការប៉ុនប៉ង​ធ្វើ​រដ្ឋប្រហារ​នោះ​មនុស្ស​ជាង ៧៧,០០០ នាក់​ត្រូវបាន​គេ​ដាក់គុក​ដោយ​កំពុង​រង់ចាំ​ការជំនុំជម្រះ ខណៈពេលដែល​មនុស្ស​ប្រមាណ ១៥០,០០០ នាក់​មកពី​រដ្ឋអំណាច យោធា និង​កន្លែង​ផ្សេងទៀត​ត្រូវបាន​គេ​បណ្តេញចេញ ឬ​ត្រូវបាន​បញ្ឈប់​ពី​ការងារ​របស់​ពួកគេ​ក្រោម​ការបង្ក្រាប ខណៈដែល​ប្រតិ​ប​ត្ដិ​ការរីក​រាលដាល​នៅតែ​ត្រូវបាន​អនុវត្ត​ជា​ទៀងទាត់។

ក្រុម​សិទ្ធិមនុស្ស និង​សម្ព័ន្ធមិត្ត​លោកខាងលិច​របស់​ប្រទេស​ទួរគី​បាន​រិះគន់​វិសាលភាព​នៃ​ការបង្ក្រាប​នេះ​ដោយ​និយាយថា លោក Erdogan បាន​ប្រើប្រាស់​រដ្ឋប្រហារ​បរាជ័យ​នេះ​ជា​លេស​ដើម្បី​កំទេច​ពួក​ប្រឆាំង៕

Related posts

Leave a Comment