ឃើញហើយចង់ស្រក់ទឹកភ្នែក! លោកតាកំសត់ ខំដឹកដេីមថ្នាំ ​សម្រាប់ព្យាបាលជម្ងឺសសៃអោយគេ ដោយជិះកង់ពីស្ពាន​គី​ហ្ស៊ូ​ណា​ខេត្តកំពង់ចាម ទៅកាន់​ប៉ោយ​ប៉ែ​ត ព្រោះតែគ្មានឡានណាទទួលដឹកគាត់ទេ(មានវីដេអូ)

ជីវភាព​ក្រីក្រ​ នៅតែជា​ចំណោតបញ្ហាមួយ​ដែលប្រទេស​ កម្ពុជា​នៅតែកើតមាន ទោះបីជារាជរដ្ឋាភិបាល​កំពុងតែ​ស្វះស្វែង​ក្នុងការ​កាត់​បន្ថយ​ភាព​ក្រីក្រ​យ៉ាងណាក្ដី​ តួយ៉ាងដើម្បី​ដោះស្រាយ​ នូវ​ជីវភាពដែលកំពុងប្រឈមមុខនេះ​ លោក​តា​ម្នាក់​ បានខិតខំដឹកដេីមថ្នាំ​ និងធ្វើ​ដំណើរ​ដោយការជិះកង់យ៉ាង​ឆ្ងាយ ដែលពិតជា​គួរឲ្យ​អាណិត​អាសូរ​ខ្លាំង​ណាស់​។ បេីយោងតាម​រយៈ​គណនី​ហ្វេសប៊ុក​ឈ្មោះ​ Oun Nut mini Foto​ បានមានការ​រៀប​រាប់​ឲ្យ​ដឹង​ថា​៖«ខ្ញុំបានសាកសួរគាត់2-3ម៉ាត់ដែរ​ ដោយគាត់ប្រាប់ខ្ញុំថា​ គាត់ធ្វេីដំណេីរទៅប៉ោយប៉ែត​ ដោយដឹកដេីមថ្នាំ ​សម្រាប់ព្យាបាលជម្ងឺសសៃអោយគេ​ ហេីយខ្ញុំជិះតាមក្រោយគាត់ ដោយសារឡានម៉ូតូច្រេីន​ ខ្លាចគាត់ដួលដោយចៃដន្យងាយនឹងបានជួយគាត់ ​។

ចង្រៃអីព្រឹកមិញ ខ្ញុំភ្លេចលុយនៅផ្ទះ​ គ្មានលុយជាប់ខ្លួនសូម្បីមួយរយរៀល​។ រឿងបែបនេះខ្ញុំជួបច្រេីនរាប់មិនអស់នៅពេលខ្ញុំទៅថតរូបម្តងៗ​ ហេតុផលនេះហេីយទេីបខ្ញុំចង់លក់រូបយកលុយចំនេញបានជូនចាស់ៗ​ ក្មេងៗក្រីក្រ»។ ម្ចាស់​គណនី​រូប​នេះ​ ក៏បាន​បន្តទៀត​ថា​៖

– លោកតាអញ្ចេីញទៅណាវិញ? + ​ទៅប៉ោយប៉ែត -​ បាទ? ​ដល់ណាតា? +​​ ប៉ោយប៉ែត ឡានគេអត់ដាក់​ មានតែតាមដំណេីរទៅចៅ​(លេីស្ពានគីហ្សូណា)។

ទន្ទឹម​នឹង​នេះ​ ក៏មាន​គណនី​ហ្វេសបុក​មួយ​ផ្សេង​ទៀត​ បាន​បង្ហោះ​ពី​ទិដ្ឋភាព​ដែលលោកតាធ្វេីដំណេីរ​ឡើង​លើ​ស្ពាន​ ក៏ត្រូវ​បាន​សមត្ថកិច្ច​ជួយអូសកង់គាត់​ ដែលពិតជា​គំរូ​ដ៏​ល្អ​មួយ​ គួរឲ្យ​កោតសរសើរ​ខ្លាំង​ណាស់​។ ក្នុង​នោះដែរ​ ម្ចាស់​គណនី​រូប​នេះ​ ក៏បាន​មានការ​លើក​ឡើង​ដែរថា៖«ស្រលាញ់អំពើល្អគាត់ណាស់ ពូលីស ចរាចរណ៍នៅគល់ស្ពាន​គីហ្សូណា កំពង់ចាមយើងហ្នឹង»។

Related posts

Leave a Comment