ពិធីបុណ្យអ៊ុំទូកអកអំបុកសំពះព្រះខែ បងអត់បាននាំអូននឹងកូនដើរលេងទេដោយសារតែបងត្រូវតែ

ភ្នំពេញ៖ ប្រិយមិត្តជាច្រើនមានបានយល់និងជ្រាបដឹងហើយថា មន្ត្រី​ប៉ូលិស​ គឺជាមុខងារ​មួយក្នុង​ស្ថាប័ន​រដ្ឋ​ ដែលមានតួនាទីយ៉ាងសំខាន់​ ក្នុង​កិច្ចការ​ងារ​ជាច្រេីន​នៅក្នុង​សង្គម​ជាតិ​ ពាក់​ព័ន្ធ​ជាមួយនឹងការការពារ​សុខ​សុវត្ថិ​ភាព​របស់ប្រជាជន​ ក៏ដូចជា​ចុះ​ប្រតិបត្តិការ​បង្ក្រាប​នូវបទល្មើស​ផ្សេងៗ​ជាដើម​នោះ​ ដែលពិតជាមានភាពរវល់ជាខ្លាំង​ ស្ទេីតែ​គ្មានថ្ងៃឈប់សម្រាកនោះទេ​ ទោះជាថ្ងៃបុណ្យជាតិ​ធំ​ៗ​ក៏ដោយនោះ។ជាក់ស្តែង នេះគឺជា​កាតព្វកិច្ច​ដ៏ចំបង​មួយ​ និងជា​តួនាទី​ដ៏​សំខាន់​បំផុត​ក្នុងនាម​ជា​សមត្ថកិច្ច​ ដេីម្បី​បម្រើ​ទៅដល់​ប្រជាជន​ និង​សង្គមជាតិ​​ទាំង​មូល​។ ជាមួយ​គ្នានេះដែរ​ សមត្ថកិច្ច​ ឬក៏​មន្រ្តី​ប៉ូលិស​

ត្រូវ​តែ​មានភាព​ក្លាហាន​ និងភាព​រឹងមាំ​យ៉ាង​មុះមុត​​ផងដែរ​ ទេីបអាចសម្រេចបាននូវ​កាតព្វកិច្ច​ដ៏គ្រោះថ្នាក់​ និង​សុខ​សុវត្ថិ​ភាព​​ជូន​ដល់​ប្រជាពលរដ្ឋ​បាន។យ៉ាងណាមិញ បេីយោងតាម​រយៈ​គណនី​ហ្វេសប៊ុក​ឈ្មោះ​ Pi Ros បានមាន​ការរៀបរាប់ឲ្យដឹងថា៖​ «ពិធីបុណ្យអុំទូក​ អកអំបុក​ សំពះព្រះខែ​ បងរវល់ការពារសុវត្តិភាពជូនបងប្អូនតាយាយអ៊ុំពូមីង​ បងអត់បាននាំអូននឹងកូនដើរលេងទេ​ ចឹងអូនមកលេងប៉ាប៉ាដល់កន្លែងវិញ​ ពួកគាត់គឺជាក្តីសុខនឹងកំលាំងចិត្តខ្ញុំគ្រួសារតូចកក់ក្តៅ»។ជាក់ស្តែង ​ការ​លេីកឡេីង​ពី​បងប្រុស​ជា​សមត្ថកិច្ច​រូបនេះ

​បាន​ធ្វើ​ឲ្យ​មជ្ឈដ្ឋាន​មហាជន​ទូទៅ​ ជា​ពិសេស​អ្នក​និយម​ប្រើប្រាស់​បណ្ដាញ​សង្គម​ហ្វេសប៊ុក​ បានមានក្តី​រំភើប​ ក៏ដូចជា​មានការ​កោតសរសើរ​ជាខ្លាំង​ចំពោះ​កាតព្វកិច្ច​លះបង់​​ទាំង​ទឹក​ចិត្ត​ និងពេលវេលាដេីម្បីការ​ពារ​សុខ​សុវត្ថិ​ភាព​ជូន​ដល់​ប្រជាពលរដ្ឋ​នៅ​ក្នុង​ឱកាស​នៃ​ពិធី​បុណ្យ​អុំទូក​ ក្នុង​រយៈពេល​៣ថ្ងៃ​នេះ​។ប្រភព៖ ហ្វេសប៊ុក

Related posts

Leave a Comment