មហាជនជាច្រើនពិតជាបានស្គាល់ច្បាស់ហើយ ទុំ រដ្ឋា ឬហៅថា ទុំ សុវត្ថិ នោះ ដែលជាអតីតបេក្ខភាពមួយរូបក្នុងការប្រឡងចម្រៀងកម្រិតពិភពលោក Cambodian Idol រដូវកាលទី ៤ ។ ហើយមហាជនមួយចំនួនយល់ឃើញថា បេក្ខភាពរូបនេះ បកស្រាយបទចម្រៀងបានយ៉ាងពីរោះ អាចទទួលយកបាន ប៉ុន្តែបែរជាធ្លាក់ត្រឹមវគ្គ Judge Audition មិនអាចឆ្ពោះដំណើរទៅកាន់វគ្គបន្តទៀតបាន បង្កឲ្យមានមតិរិះគន់មិនពេញចិត្តជាខ្លាំង ។

ទោះបីជា ទុំ សុវត្ថិ មិនជោគជ័យក្នុងការប្រឡងចម្រៀងក៏ដោយ តែ ទុំ សុវត្ថិ ត្រូវបានមហាជនជាច្រើន មានការអាណិតអាសូរ និងស្រលាញ់គាំទ្រដល់រូបលោកជាខ្លាំង រហូតលោកមានឱកាសការងារពីខាងក្រុមហ៊ុនធំៗជាច្រើនផងដែរ ។

ចំណែកឯ កាលពីថ្ងៃទី២០ ខែមិថុនា ឆ្នាំ ២០២២ នាម្សិលមិញនេះ យោងតាមរយៈគណនីហ្វេសប៊ុកផេកផ្លូវការរបស់ Huawei Mobile ប្រកាសឲ្យដឹងដែរថា៖ “សូមស្វាគមន៍ដ៏កក់ក្តៅចំពោះ លោក ទុំ សុវត្ថិ ក្លាយជាទូតសុច្ឆន្ទ: និងក្លាយជា Original Song Artist របស់ក្រុមហ៊ុន HUAWEI ចាប់ពីថ្ងៃនេះតទៅ ក្រុមហ៊ុន HUAWEI នឹងធ្វើការសហការផលិតនូវបទ Original Song និង មាតិកាថ្មីៗ ដើម្បីបំពេញចិត្តដល់អតិថិជនដែលស្រលាញ់គាំទ្ររូបលោក !” ។

មិនទាន់អស់ នៅថ្ងៃទី២១ ខែមិថុនា ឆ្នាំ ២០២២ នេះ គណនីហ្វេសប៊ុកផេកដដែល ក៏បានបញ្ជាក់ទៀតថា៖ “សូមអបអរដល់លោក ទុំ សុវត្ថិ និង ក្លាយជាទូតសុច្ឆន្ទ:តំណាងអោយស្មាតហ្វូន HUAWEI និង ប្រកាសបទOriginal Song ផ្លូវការរបស់ក្រុមហ៊ុន HUAWEI” ។

ក្រោយទទួលបានដំណឹងបែបនេះភ្លាម បានធ្វើឲ្យមហាជនជាច្រើនមានក្តីរំភើបជំនួស រហូតមានអ្នកខ្លះចូលទៅ ខំមិន ថា៖ “សំណាង ធ្លាក់ពីមេឃមែន អ្វីៗគ្រប់យ៉ាងពិតជាមានរឿងស្មានមិមដល់ច្រើនណាស់!, គ្រោះក្លាយជាលាភ, ជោគជ័យ ទាំងមិនបានត្រៀមខ្លួន, ជូនពរអោយជោគជ័យ, ល្បីល្បាញជាង អ្នកលើកពានរង្វាន់ហើយ, អបអរសាទរ, ក្នុងគ្រោះមានលាភ” ៕

ប្រិយមិត្តចង់ដឹងកាន់តែច្បាស់នោះសូមទស្សនារូបភាពខាងក្រោមនេះ ។

ថៃ៖ មហាជនបានដឹងហើយថា ក្រោយពីបានសាងស្នេហាជាមួយគូស្នេហ៍ អស់ជាង ១០ ឆ្នាំមកនេះ ដោយទីបំផុត តារាសម្តែងស្រីដ៏ល្បីឈ្មោះលំដាប់ប្រទេសថៃ Pancake ក៏បានសម្រេចចិត្តកាន់ដៃគ្នាចូលរោងការហើយ ។

យ៉ាងណាមិញ គ្រាន់តែបានឃើញអាយដលចូលរោងការហើយនោះ បានធ្វើឲ្យបណ្តាអ្នកគាំទ្រជាច្រើនទាំងក្នុងប្រទេស និងក្រៅប្រទេស មានការំភើបចិត្តជំនួស និងអបអរដល់តារាស្រីនេះជាខ្លាំង ក្នុងការថែរក្សាស្នេហ៍ពិតមួយនេះគង់វង្សរហូតដល់ថ្ងៃរៀបអាពាហ៍ពិពាហ៍យ៉ាងមានក្តីសុខ ។

មិនត្រឹមតែប៉ុណ្ណោះ មហាជនជាច្រើនក៏បានសម្តែងនូវក្តីរំភើបចិត្តជាខ្លាំង នៅពេលដែលបានឃើញវីដេអូយ៉ាងមានសុភមង្គលក្នុងថ្ងៃមង្គលរបស់ Pancake ដោយត្រូវបានស្វាមីលត់ជង្គង់បំពាក់ចិញ្ជៀនឲ្យដោយក្តីស្រលាញ់ រួមជាមួយនឹងទឹកមុខពោរពេញដោយស្នាមញញឹម បង្ហាញឲ្យឃើញពីទំហំចិត្តក្តីស្នេហ៍មានឲ្យគ្នា គ្រាន់តែឃើញហើយក៏មានក្តីសុខជំនួសដែរ ៕

ប្រិយមិត្តចង់ដឹងកាន់តែច្បាស់នោះសូមទស្សនាវីដេអូខាងក្រោមនេះ ។

ភ្នំពេញ៖ ជីវិតគ្រួសារ តារាចម្រៀង ពេជ្រ សូលីកា កំពុងត្រូវមហាជនខ្មែរ ផ្ទុះការចាប់អារម្មណ៍ កាន់តែច្រើនទៅៗ ខណៈកូនប្រុសកាន់តែធំ ជីវិតគ្រួសាររបស់នាង មានចំហាយសុភមង្គល ដូចក្នុងរឿងនិទាន ធ្វើឲ្យហ្វេនៗឈ្លក់វង្វេងតាម និងប្រាថ្នាសុំឲ្យបានគ្រួសារដូចIdolស្ទើរគ្រប់គ្នា។

លើសពីនេះទៅទៀត តារាចម្រៀង ពេជ្រ សូលីកា ជា តារាស្រីម្នាក់ដែលមាន សន្ទុះនៃការគាំទ្រខ្លាំង មិនត្រឹមតែមាន ទឹកដមសំនៀងស្រទន់រណ្តំប៉ុណ្ណោះទេ តែរូបនាង ក៏ជាតារាស្រីម្នាក់ដែលមាន រូបសម្រស់យ៉ាងស្រស់ស្អាត កូនមួយហើយ តែមើលទៅ ដូចក្រមុំ១៨ឆ្នាំ។

ជាក់ស្ដែង ក្នុងថ្ងៃកំណើតកូនប្រុសគម្រស់ខួបពីរឆ្នាំ ពេជ្រ សូលីកា និងស្វាមីបានរៀបចំកម្មវិធីឲ្យ កូនប្រុសតែមួយរបស់ពួកគេយ៉ាងអធិកអធមដោយមានការរៀបចំដេគ័រ យ៉ាងស្អាតប្លែកភ្នែកផងដែរ។ ជាងនេះទៀត ហ្វេនៗបែរជាចាប់អារម្មណ៍ខ្លាំងទៅលើសម្រស់ ពេជ្រ សូលីកា ដែលជាអ្នកម៉ាក់វ័យក្មេង ក្នុងឈុតរ៉ូបពណ៌ក្បឿងចែងចាំង បញ្ចេញសម្រស់ ដ៏លេចធ្លោដូចក្រមុំយ៉ាងដូច្នេះ៕

សូមទស្សនារូបភាពខាងក្រោម៖