សូមប្រុងប្រយ័ត្នផងបងប្អូន! និស្សិតស្រីម្នាក់ដែលសិក្សាវេនយប់ នៅឯសកលវិទ្យាល័យភូមិន្ទភ្នំពេញ បានបង្ហោះសារដាស់តឿនដល់បងប្អូនសិស្សនិស្សិតទាំងអស់ថា ដោយមានមនុស្សមួយក្រុមបានចាំស្ទាក់នៅម្តុំបឹងកក់នោះ បានស្ទាក់..

ភ្នំពេញ៖ ថ្មីៗនេះមហាជនជាច្រើនប្រាកដជាជ្រាបដឹងហើយរឿងរ៉ាវទាក់ទងចំពោះតំបន់បឹងកក់ ដែលតែងតែមានជនស្លៀកពាក់សុីវិលមួយក្រុម បានចាប់ប្រជាពលរដ្ឋដែលធ្វើដំណើរឆ្លងកាត់នៅទីនោះជារៀងរាល់ថ្ងៃ មិនថាយប់ ឬថ្ងៃ បង្កធ្វើឲ្យមហាជននៅក្នុងទីក្រុងភ្នំពេញ មានការព្រួយបារម្ភជាខ្លាំង និងបានស្នើសុំទៅដល់ស្នងការនគរបាលរាជធានីភ្នំពេញ សុំជួយពិនិត្យចំពោះរឿងមួយនេះផង។យ៉ាងណាមិញ ក្រុមព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ បានចេញសេចក្តីបកស្រាយបំភ្លឺ ទៅលើករណីជនសុីវិលមួយក្រុមដែលតែងតែចុះចាប់គ្រឿងញៀននៅម្តុំបឹងកក់នោះ មិនមែនជាសមត្ថកិច្ចស្នងការដ្ឋាននគរបាលរាជធានីភ្នំពេញនោះទេ ប៉ុន្តែទោះជាយ៉ាងណាក្នុងនាមជាសមត្ថកិច្ចទទួលខុសត្រូវក្នុងដែនដីរាជធានីភ្នំពេញ

នឹងធ្វេីការស្រាវជ្រាវ បង្ការ ទប់ស្កាត់មិនអោយក្រុមជនស្លៀកសុីវិលទាំងនោះបង្ករបញ្ហាទាំងនេះទៀតឡេីយ។ជាក់ស្តែងស្រាប់តែកាលពីយប់ម្សិលមិញនេះ ថ្ងៃទី០៦ ខែវិច្ឆិកា ឆ្នាំ២០១៩ មានរឿងរ៉ាវដ៏គួរឲ្យភ្ញាក់ផ្អើលមួយទៀតហើយ ចំពោះនិស្សិតស្រីរៀនវេនយប់ម្នាក់ នៅសាលា IFL និងRUPP ត្រូវបានបុរសមួយក្រុម បានធ្វើសកម្មភាពឃាត់ម៉ូតូរបស់នាង នៅពេលដែលនាងបានចេញពីសាលារៀន បង្កធ្វើឲ្យនាងមានភាពភ័យខ្លាចជាខ្លាំង។ដោយឡែក ប្អូនស្រីដែលត្រូវបានបុរសមួយក្រុម បានឃាត់ម៉ូតូរបស់នាងនោះ ដោយនាងមានគណនី ហ្វេសប៊ុកឈ្មោះ Yean បានធ្វើការបង្ហោះសារយ៉ាងដូច្នេះថា៖”Dear IFL and RUPP students that are studying night shift.

Please be careful when you leaving the school at the late hour. I know we all heard about the Boeung Kork incident recently but now it also happened in our school. There was a particular group of men standing in front of the gate (RUPP) and they tried to stop my moto bike. I don’t know whether

it was their intention to do so or they were just trying to make fun. But from what they did, I can see that they were really meant it”.គួរបញ្ជាក់ផងដែរថា ទាក់ទងចំពោះខ្លឹមសារ ដែលប្អូនស្រីខាងលើ បានសរសេរនេះ មានខ្លឹមសារជាភាសាខ្មែរថា៖”ផ្ញើរទៅកាន់និស្សិតដែលកំពុងសិក្សានៅវិទ្យាស្ថានភាសាបរទេស IFL និង និស្សិតភូមិន្ទភ្នំពេញទាំងអស់ដែលកំពុងរៀនវេនយប់។ សូមមានការប្រុងប្រយ័ត្នខ្ពស់ នៅពេលដែលអ្នកទាំងអស់គ្នាចេញពីសាលារៀននៅពេលរៀងយប់ជ្រៅ។យ៉ាងណាមិញ ដូចដែលយើងគ្រប់គ្នាបានដឹងអំពីព័ត៌មាន បញ្ហាអសន្ដិសុខនៅក្នុងតំបន់ បឹងកក់ កាលពីពេលថ្មីៗនេះហើយ

តែនៅពេលនេះវាក៏បានកើតឡើងនៅសាលារៀនរបស់ពួកយើងដែរ។ មានបុរសមួយក្រុមនៅឈរមុខខ្លោងទ្វារសាលា ហើយពួកគេព្យាយាមឃាត់ម៉ូតូរបស់ខ្ញុំ។ ខ្ញុំមិនដឹងថាតើពួកគេធ្វើបែបនេះ ក្នុងចេតនាយ៉ាងណានោះទេ ឬមួយក៏ពួកគេគ្រាន់តែធ្វើដើម្បីឲ្យមានភាពសប្បាយនោះទេ។ ប៉ុន្តែអ្វីដែលពួកគេបានធ្វើ ខ្ញុំអាចនិយាយបានថាពួកគេពិតជាចេតនាបែបនោះមែន (ដូចករណីនៅតំបន់បឹងកក់)”៕ប្រភព៖ ហ្វេសប៊ុក

Related posts

Leave a Comment