ប្រធានាធិបតី​ទុយ​នេ​ស៊ី បាន​ធូរស្បើយ​ពី​អាកា​រៈ​ជំងឺ​ចាក​ចេញពី​មន្ទីរពេទ្យ​វិញ​ហើយ

ប្រធានាធីបតី​អាយុ​៩២​ឆ្នាំ នៃ​ប្រទេស​ទុយ​នេ​ស៊ី លោក Beji Caid Essebsi ដែល​ត្រូវបាន​ចូល​សម្រាក​ព្យាបាល​នៅ​មន្ទីរពេទ្យ​កាលពី​សប្តាហ៍​មុន​នោះ​ក្នុងស្ថានភាព​ធ្ងន់ធ្ងរ បាន​វិលត្រឡប់​ទៅកាន់​ទីលំនៅ​របស់លោក​វិញ​ហើយ​កាលពី​ថ្ងៃ​ចន្ទ បន្ទាប់ពី​បាន​ធូរស្បើយ​ស្រាកស្រាន្ត​។ ខុ​ទ្ធ​កាល័យ​របស់លោក​បាន​និយាយ​ដូច្នេះ។

ខុទ្ទកាល័យ​បាន​ថ្លែង​នៅក្នុង​សេចក្តីប្រកាស​មួយ​ថា ប្រមុខ​រដ្ឋបាល​ចាកចេញ​ពី​មន្ទីរពេទ្យ​កងទ័ព​ទៅកាន់​និវេសនដ្ឋាន​របស់លោក​វិញ​ហើយ​នៅ​ក្រុង Carthage បន្ទាប់ពី​ទទួលបាន​ការព្យាបាល​យ៉ាង​បន្ទាន់​ចាំបាច់​ហើយ​ក៏បាន​ស្រាកស្រាន្ត​ពី​អាកា​រៈហើយ​ដែរ។ ឧ​ទ្ទ​កាល័យ​ក៏បាន​ប៉ុ​ស្តិ័​រូបថត​មួយ​របស់លោក​ប្រធានាធិបតី​កំពុង​បញ្ចេញ​ស្នាម​ញ​ញឹម​អង្គុយ​នៅលើ​កៅអី​មួយ​ដោយមាន​ក្រុមគ្រូពេទ្យ​អម​ជុំវិញ។

ដោយមាន​ក្តីបារម្ភ​ចំពោះ​ស្ថិរភាព​នយោបាយ​របស់​ប្រទេស​នោះ​អ្នកនយោបាយ​និង​អ្នកប្រើប្រាស់​បណ្តាញ​ផ្សព្វផ្សាយ​សង្គម​បាន​អំពាវនាវ​សូម​ឲ្យ​មាន​តម្លាភាព​មួយ​ចំពោះ​សុខភាព​របស់​ប្រធានាធិបតី​ចាប់ពី​ពេលដែល​លោក​ចូល​សម្រាក​ព្យាបាល​នៅឯ​មន្ទីរពេទ្យ​កាលពី​ថ្ងៃ​ព្រហស្បតិ៍​មុន។ អ្នកនយោបាយ​មួយចំនួន​ក្នុងនោះ​មាន​ទាំង​រដ្ឋសភា​និង​ថ្នាក់ដឹកនាំ​គណបក្ស​ក៏បាន​ស្នើ​តាម​អន​ឡាញ​ថា អាជ្ញាធរ​គួរតែ​ផ្តល់នូវ​ការអធិប្បាយ​លម្អិត​ពី​ស្ថានភាព​សុខភាព​ប្រ​ធានា​ធីបតី៕

Related posts

Leave a Comment