Connect with us

ព័ត៌មានថ្មីៗ

ប្រើពេលត្រឹម ៣ ឆ្នាំ Sprite ប្តូរវាសនា ពីក្មេងលក់ពោតតាមផ្លូវ ក្លាយជាតារារ៉េបល្បីបំផុតនៅថៃ

Published

on

ថៃ៖ ប្រិយមិត្តជាច្រើន ពិតជាបានស្គាល់ច្បាស់ហើយ ពីតារារ៉េបវ័យក្មេងល្បីឈ្មោះប្រចាំស្រុកថៃគឺ Sprite អាយុ ១៥ ឆ្នាំ រស់នៅខេត្ត Chachoengsao ប្រទេសថៃ ។ បើយើងក្រឡេកទៅមើលពីជីវិតរបស់តារារ៉េបវ័យក្មេងរូបនេះវិញ មុននឹងឈានជើងក្លាយជាតារារ៉េបល្បី និងមានមហាជនបានស្គាល់រាប់លាននាក់នោះ គឺរូបគេបានឆ្លងកាត់ជីវិតលំបាកជាច្រើនស្ទើរតែមិនគួរឲ្យជឿ ។

នេះបើយោងតាមរយៈឲ្យដឹងពីសារព័ត៌មានក្នុងស្រុកមួយរបស់ថៃ កាលពីពេលកន្លងទៅនេះបានបញ្ជាក់ថា Sprite ដំបូងឡើយគ្រាន់តែកូនអ្នកអនាម័យនៅក្នុងមន្ទីរពេទ្យមួយកន្លែងតែប៉ុណ្ណោះ នៅក្នុងប្រទេសថៃ និងមានឪពុកជាអ្នកបើកឡានដឹកភ្ញៀវឲ្យគេ ។

ចំណែកឯ Sprite វិញ ទំនេរពីការសិក្សា តែងលក់ពោតផ្ទុះតាមផ្លូវ និងតាមការប្រគុំតន្រ្តីនានានៅក្នុងស្រុក ពេលយប់ ។ យ៉ាងណាមិញពាក្យចាស់លោកតែពោលថា៖ “វាសនាមនុស្សមិនអាចមើលឃើញទេ” ខណៈអាយុ ១២ ឆ្នាំ Sprite បានចូលរួមនៅក្នុងកម្មវិធីល្បីរបស់ថៃដែលមានឈ្មោះថា «Super 10» ។

ក្នុងកម្មវិធីនោះផងដែរ តារារ៉េបប្រុសរូបនោះ បានបញ្ចេញសមត្ថភាពច្រៀងជាលើកដំបូង ដើម្បីដូរយកគ្រែពីរជាន់ឲ្យម្តាយ ព្រោះគ្រានោះ ជីវភាពគ្រួសាររបស់ Sprite ខ្វះខាតខ្លាំង ផ្ទះលិចទឹក គ្មានគ្រែសម្រាកស្រួលបួលនោះឡើយ ។

អ្វីដេលភ្ញាក់ផ្អើលនោះ ចាប់តាំងពី Sprite បានបញ្ចេញសមត្ថភាពនៅកម្មវិធី «Super 10» នោះមក រូបគេក៏ចាប់ផ្តើមទទួលបានប្រជាប្រិយភាពខ្លាំង តាមរយៈសំឡេងច្រៀងយ៉ាងគ្រលួច ហើយថែមទាំងទទួលបានការអាណិតស្រឡាញ់ពេញចិត្តពីមហាជនជាច្រើន រហូតមានប៉ុស្តិ៍ទូរទស្សជាច្រើនបានហៅគេទៅចូលរួមកម្មវិធីរបស់ពួកគេ ។

ដោយឡែក អ្វីដែលធ្វើឱ្យ Sprite កាន់តែល្បីរន្ទឺរខ្លាំងរហូតធ្វើឱ្យមហាជនចាំមុខមិនភ្លេចនោះគឺ អំឡុងតារាប្រុសវ័យក្មេងរូបនេះ ទៅចូលរួមប្រកួតក្នុងកម្មវិធីប្រលងចម្រៀងតារារ៉េបដែលមានឈ្មោះថា « Show Me The Money Season 2 » ។

ស្ទីលច្រៀងរ៉េបដ៏ទាក់ទាញរបស់ Sprite បានធ្វើឱ្យរូបគេទទួលបានជ័យលាភីនៅក្នុងកម្មវិធីល្បីមួយនេះថែមទៀតផង ។ អ្វីដែលចាប់អារម្មណ៍ បើគិតពីរយៈពេលនៃការឈានជើងចូលសិល្បៈ Sprite ទើបតែប្រឡូកត្រឹមតែរយៈពេល ៣ ឆ្នាំប៉ុណ្ណោះ តែតារាវ័យក្មេងនេះឆក់បានប្រជាប្រិយភាពល្បីរន្ទឺក្នុងវិស័យសិល្បៈ ។

គួរបញ្ជាក់ផងដែរថា មកទល់ពេលនេះ Sprite បានផ្លាស់ប្តូជីវិតមកកាន់តែឆ្ងាយ រហូតអ្នកគាំទ្រគ្រប់គ្នានឹកស្មានមិនដល់ ពោលគឺពីកុមារលក់ពោតផ្ទុះតាមវត្ត ក្លាយខ្លួនជាតារារ៉េបវ័យក្មេងល្បីឈ្មោះប្រចាំប្រទេសថៃ ។ កន្លងមក រាល់បទចម្រៀងដែល Sprite ច្រៀងមួយបទៗ មានការគាំទ្រយ៉ាងផុសផុលពីបណ្ដាមហាជនទាំងក្នុង និង ក្រៅប្រទេស ៕

Continue Reading
Click to comment

Leave a Reply

Your email address will not be published.

ព័ត៌មានថ្មីៗ

ថ្ងៃកំណើតកូនប្រុសតែមួយ ម៉ាក់ៗ ពេជ្រ សូលីកា សុំម៉ាញាក់ឈ្នះអស់អ្នកចូលរួម

Published

on

By

ភ្នំពេញ៖ ជីវិតគ្រួសារ តារាចម្រៀង ពេជ្រ សូលីកា កំពុងត្រូវមហាជនខ្មែរ ផ្ទុះការចាប់អារម្មណ៍ កាន់តែច្រើនទៅៗ ខណៈកូនប្រុសកាន់តែធំ ជីវិតគ្រួសាររបស់នាង មានចំហាយសុភមង្គល ដូចក្នុងរឿងនិទាន ធ្វើឲ្យហ្វេនៗឈ្លក់វង្វេងតាម និងប្រាថ្នាសុំឲ្យបានគ្រួសារដូចIdolស្ទើរគ្រប់គ្នា។

លើសពីនេះទៅទៀត តារាចម្រៀង ពេជ្រ សូលីកា ជា តារាស្រីម្នាក់ដែលមាន សន្ទុះនៃការគាំទ្រខ្លាំង មិនត្រឹមតែមាន ទឹកដមសំនៀងស្រទន់រណ្តំប៉ុណ្ណោះទេ តែរូបនាង ក៏ជាតារាស្រីម្នាក់ដែលមាន រូបសម្រស់យ៉ាងស្រស់ស្អាត កូនមួយហើយ តែមើលទៅ ដូចក្រមុំ១៨ឆ្នាំ។

ជាក់ស្ដែង ក្នុងថ្ងៃកំណើតកូនប្រុសគម្រស់ខួបពីរឆ្នាំ ពេជ្រ សូលីកា និងស្វាមីបានរៀបចំកម្មវិធីឲ្យ កូនប្រុសតែមួយរបស់ពួកគេយ៉ាងអធិកអធមដោយមានការរៀបចំដេគ័រ យ៉ាងស្អាតប្លែកភ្នែកផងដែរ។ ជាងនេះទៀត ហ្វេនៗបែរជាចាប់អារម្មណ៍ខ្លាំងទៅលើសម្រស់ ពេជ្រ សូលីកា ដែលជាអ្នកម៉ាក់វ័យក្មេង ក្នុងឈុតរ៉ូបពណ៌ក្បឿងចែងចាំង បញ្ចេញសម្រស់ ដ៏លេចធ្លោដូចក្រមុំយ៉ាងដូច្នេះ៕

សូមទស្សនារូបភាពខាងក្រោម៖

Continue Reading

ព័ត៌មានថ្មីៗ

ទប់ទឹកភ្នែកមិនជាប់ ពេលអានសារកូនស្រីរបស់ Por ក្នុងថ្ងៃគម្រប់ខួបអាពាហ៍ពិពាហ៍ ៩ ឆ្នាំ

Published

on

By

អស់រយៈពេល ៦ ឆ្នាំមកហើយដែលតារាប្រុសលោក Por Tridsadee បានលាចាកលោកចោលប្រពន្ធ និង កូនស្រីជាទីស្រឡាញ់ ដោយបន្សល់ត្រឹមតែអនុស្សាវរីយ៍ល្អៗប៉ុណ្ណោះ។ សម្រាប់តារាស្រី Bo Vanda ទោះបីស្វាមីបណ្ដូលចិត្តត្រូវចាកឆ្ងាយគ្មានថ្ងៃវិលត្រឡប់ក៏ដោយ តែក្ដីស្នេហ៍របស់នាងហាក់មិនថមថយឡើយ។

គេសង្កេតឃើញថា បន្ទាប់ពីតារាសម្ដែងលោក Por បានលាចាកលោកទៅ តារាស្រីនាង Bo Vanda ជាប្រពន្ធត្រូវទទួលភារៈចិញ្ចឹមបីបាច់កូនតែម្នាក់ឯង ដោយនាងត្រូវរ៉ាប់រងគ្រប់បែបយ៉ាង ដើម្បីឱ្យកូនរស់នៅមានក្ដីសុខដូចកូនគេដទៃ។ ជាការពិត អ្នកម៉េមាយ Bo Vanda ក្រោយពីស្វាមីបាត់វត្តមានស្វាមី គេឃើញថាតារាស្រីរូបនេះនៅតែមិនអស់សង្ឃឹម និង ប្រឹងប្រែងក្នុងការប្រើជីវិតយ៉ាងមានន័យជាមួយនឹងកូនស្រីសំណព្វចិត្តម្នាក់។

ទោះបីជារស់នៅក្នុងភាពជាស្ត្រីមេម៉ាយក៏ដោយ តែតារាស្រីនាង Bo Vanda បានចិញ្ចឹមបីបាច់កូនបានល្អមិនចាញ់អ្នកដែលគេមានប្ដីជួយជ្រោមជ្រែងនោះទេ ពោលគឺនាងតែងតែបង្រៀនកូនឱ្យស្គាល់នូវគុណធម៍ជីវិត ស្គាល់អំពើល្អ ឬ អាក្រក់ ព្រមទាំងយល់ដឹងពីការរស់នៅក្នុងសង្គមទៀតផង។

តួយ៉ាង ថ្មីៗនេះ មហាជនហាក់រំជួលចិត្តតាម និង រំភើបចិត្តដូចគ្នា ក្រោយគេបានឃើញកូនស្រីរបស់តារាស្រីប្រុសទាំងពីរ គឺអូន Malis បានកាន់បាច់ផ្កាយ៉ាងស្រស់ស្អាតមួយបាច់ ឈរជូនពរម្ដាយ និង ឪពុកខ្លួនខណៈដែល Por សល់ត្រឹមតែរូបថតបិទជាប់លើជញ្ជាំង ក្នុងថ្ងៃខួបអាពាហ៍ពិពាហ៍ ៩ ឆ្នាំរវាងតារាស្រី Bo Vanda និង លោក Por។

ថ្វីដ្បិតនៅក្មេងក៏ពិតមែនតែ អូន Malis ជាក្មេងឆ្លាតយល់ដឹងគ្រប់រឿងរបស់ឪពុកម្ដាយ។ ជាពិសេស ក្នុងឱកាសគម្រប់ខួប ៩ ឆ្នាំនោះ អូន Malis បានពោលពាក្យយ៉ាងរំជួលចិត្តមួយទៅកាន់តារាស្រី Bo Vanda ថា ៖ «រីករាយថ្ងៃខួបអាពាហ៍ពិពាហ៍ លោកប៉ា អ្នកម៉ាក់ កូនសុំឱ្យអ្នកម៉ាក់ និង លោកប៉ាស្រឡាញ់គ្នាបែបនេះរហូតដល់កូនធំពេញវ័យ»។

Continue Reading

ព័ត៌មានថ្មីៗ

ស្រណោះ! ថ្ងៃខួបអាពាហ៍ពិពាហ៍ ៩ ឆ្នាំរបស់ឪពុកម្តាយ អូន Malis ពោលប៉ុន្មានម៉ាត់ ចាក់ដោតអ្នកគាំទ្រខ្លាំង

Published

on

By

អស់រយៈពេលជាង ៦ ឆ្នាំទៅហើយ ដែលតារាប្រុស Por Thrisadee បានបាត់បង់ជីវិតលាចាកលោកនេះ ដោយបន្សល់តែភាពសោកសៅ និង ក្តីនឹករឭកជាខ្លាំងឱ្យភរិយា និង កូនស្រីសំណព្វ ព្រមទាំងមហាជនអ្នកគាំទ្រជាច្រើន។

យ៉ាងណាមិញ បើទោះជាស្វាមីបានចាកចេញទៅហើយក៏ដោយ តែ Bo Vanda ជាភរិយានៅតែរក្សាក្តីស្រឡាញ់របស់ខ្លួនឱ្យគេជានិច្ចមិនងាយថមថយឡើយ ហើយគ្រប់ឱកាសពិសេសផ្សេងៗ ក៏តែងតែនាំកូនស្រី គឺអូន Malis ឱ្យរំឭកដល់ឪពុកមិនដែលខាននោះទេ។

ជាក់ស្តែង កាលពីថ្ងៃទី ១១ ខែឧសភា ឆ្នាំ ២០២២ កន្លងនេះ គឺជាថ្ងៃគម្រប់ខួបអាពាហ៍ ៩ ឆ្នាំ របស់នាងជាមួយនឹង Por ហើយក្នុងនោះ Malis ក៏បានធ្វើអបអរផងដែរ ដោយការកាន់បាច់ផ្កាមួយបាច់ រួចនិយាយជូនពរឪពុកម្តាយ ដែលធ្វើឱ្យមហាជនទាំងឡាយរំជួលចិត្តជំនួស។

Bo Vanda បានបង្ហោះវីដេអូមួយនៅតាមបណ្តាញសង្គមរបស់ខ្លួន ដែលបង្ហាញឱ្យឃើញពីកូនស្រីសំណព្វចិត្តឈរកាន់បាច់ផ្កាមុខរូបថតរបស់ឪពុក ហើយបាននិយាយយ៉ាងរំជួលចិត្តថា ៖ «រីករាយថ្ងៃគម្រប់អាពាហ៍ពិពាហ៍របស់លោកប៉ា និង អ្នកម៉ាក់ កូនសូមឱ្យលោកប៉ាអ្នកម៉ាក់ស្រឡាញ់គ្នារាល់ថ្ងៃរហូតដល់កូនធំណា»។

យ៉ាងណាមិញ ក្រោយពីឃើញសកម្មភាពនេះ ហើយមហាជនអ្នកគាំទ្រជាច្រើន បាននាំគ្នាសរសើរអូន Malis មិនដាច់ពីមាត់ឡើយ ហើយគេក៏បានជូនពរអបអរថ្ងៃគម្រប់ខួបអាពាហ៍ពិពាហ៍របស់ Por និង Bo ដូចគ្នា៕

Continue Reading

អត្ថបទថ្មីៗ