មនុស្ស​៩​នាក់​រង​របួស ក្នុង​ការ​វាយប្រហារ​ពី​ឧទ្ទាម​យេ​មែន​ទៅលើ​ព្រលានយន្តហោះ​សា​អ៊ូ​ឌី​ត

​ការវាយប្រហារ​ពី​សំណាក់​ឧទ្ទាម​មួយ​ក្នុងប្រទេស​យេ​មែន ទៅលើ​ព្រលានយន្តហោះ​ស៊ី​វិល​នៅ​ភាគខាងត្បូង​ប្រទេស​អា​រ៉ាប៊ី​សា​អ៊ូ​ឌី​ត ​បណ្តាល​ឲ្យ​ជនស៊ី​វិល​៩​នាក់​ រងរបួស​កាលពី​ថ្ងៃ​អង្គារ​។ ក្រុម​ប្រទេស​ចម្រុះ​នាំមុខ​ដោយ​ក្រុង Rigadh បាន​និយាយ​ដូច្នេះ​ដែល​នេះ​ជា​លើកចុងក្រោយ​បង្អស់​ហើយ​នៅក្នុង​ការវាយប្រហារ​ជា​ហូរហែរ​ទៅលើ​ទីនោះ។

កាលពីពេល​ថ្មីៗ​នេះ ក្រុម​ឧទ្ទាម​ហ៊ូ​ធី សម្ព័ន្ធមិត្ត​របស់​ប្រទេស​អី​ុ​រ៉ង់​បាន​និយាយថា ខ្ល​យ​ន​បានចាប់ផ្តើម​បើក​ប្រតិបត្តិការ​ទ្រង់ទ្រាយ​ធំ​មួយ​ដោយ​ផ្តោត​គោលដៅ​វាយប្រហារ​ទៅលើ​យន្តហោះ​ចម្បាំង​នៅ​ព្រលានយន្តហោះ Abha International Airport ដោយ​ប្រើ​ដ្រូ​ន​។ នេះ​បើ​យោងតាម​ការ​ឲ្យ​ដឹង​ពី​ស្ថានីយ​ទូរ ទស្សន៍ Al-Masira Television Channel របស់​ក្រុម​ឧទ្ទាម។

ក្រុម​ឧទ្ទាម​នៅក្នុង​ប្រទេស​យេ​មែន ដែល​បាន​ប្រឈម​ទៅនឹង​ការទម្លាក់​គ្រាប់បែក​ពី​កងទ័ព​ប្រទេស​ចម្រុះ​តាំងពី​ខែមីនា ឆ្នាំ​២០១៥​មក ដោយមាន​ជន​សី​ុ​វិល​ស្លាប់​យ៉ាងច្រើន​នោះបាន​បង្កើន​ការវាយប្រហារ​ដោយ​ប្រើ​មី​សី​ុ​ល​ព្រមទាំង​ដ្រូ​ន​នៅ​គ្រប់​ទីកន្លែង​តាម​ព្រំដែន​ក្នុង​រយៈពេល​ប៉ុន្មាន​សប្តាហ៍​នេះ។

កាលពី​ថ្ងៃទី​២២ ខែម​មិថុនា ការវាយប្រហារ​ដោយ​មី​សី​ុ​ល​របស់​ក្រុម​ឧទ្ទាម​មួយ​ទៅលើ​ព្រលានយន្តហោះ Abha នោះបាន​បណ្តាល​ឲ្យ​ជន​សី​ុ​វិល​២៥៦​នាក់​រងរបួស​។ នៅ​ថ្ងៃទី​២៣ ខែមិថុនា ការវាយប្រហារ​មួយទៀត​ពី​សំណាក់​ក្រុម​ឧទ្ទាម​ហ៊ូ​ធី​នៅលើ​ព្រលានយន្តហោះ​ដដែល​បានសម្លាប់​ជនជាតិ​សី​ុ​រី​ម្នាក់​និង​របួស​ជន​ស៊ី​វិល​២១​នាក់​ផ្សេងទៀត​។ នេះ​បើ​យោងតាម​ការលើកឡើង​ពី​ក្រុម​ប្រទេស​ចម្រុះ៕

Related posts

Leave a Comment