ឯកឧត្តម ហ៊ុន ម៉ាណែត ប្រាប់ថា “កំពុងដើរពិនិត្យការដ្ឋានសំណង់ មានប្អូនស្រីម្នាក់សុំថត selfie ជាមួយ… កំពុងតែញញឹមដាក់កាមេរ៉ាដូចថត selfie រាល់ដង ស្រាប់តែគាត់ប្រាប់ថា…” (មានវីដេអូ)

នៅមុននេះបន្តិច នាថ្ងៃទី ០៨ ខែកញ្ញា ឆ្នាំ ២០២០ ឯកឧត្តម ហ៊ុន ម៉ាណែត បានជួបរឿងដ៏គួរឲ្យភ្ញាក់ផ្អើលមួយ ក្រោយប្អូនស្រីម្នាក់សុំលោកថត TikTok ជាមួយ ពោរពេញដោយស្នាមញញឹមស្រស់ស្រាយយ៉ាងខ្លាំង។ ក្នុងនោះ ឯកឧត្តម ហ៊ុន ម៉ាណែត បានភ្ជាប់សារដ៏គួរឲ្យចាប់អារម្មណ៍ប៉ុន្មានម៉ាត់ថា ៖

“កំពុងដើរពិនិត្យការដ្ឋានសំណង់ មានប្អូនស្រីម្នាក់សុំថត selfie ជាមួយ… កំពុងតែញញឹមដាក់កាមេរ៉ាដូចថតselfie រាល់ដង ស្រាប់តែគាត់ប្រាប់ថា សុំថត tiktok… ឮភ្លាមចង់ភាំង ព្រោះមិនដែលដឹងថា tiktok គេថតចឹងទេ… ហើយណាមួយមិនដឹងថាត្រូវធ្វើដូចម្តេចទៀតក្រៅពីបន្តញញឹមដាក់កាម៉េរ៉ាទាំងភ័យបុកពោះ ព្រោះធ្លាប់តែឃើញក្នុង tiktok មានតែគេបញ្ចេញកាយវិការឬធ្វើមុខមាត់បែបប្លែកៗឬឃ្ជូតៗ។

អរគុណប្អូនស្រីដែលមិនសុំអោយបងបញ្ចេញស្នៀតឬធ្វើមុខបែបប្លែកៗឬឃ្ជូតៗ ពេលថត tiktok នេះ… កុំអីចប់ប៉ាដោយខ្ញុំ Tiktok លើកទីមួយក្នុងជីវិត”។ ដូចនេះដើម្បីជ្រាប កាន់តែច្បាស់បន្ថែមទៀត សូមទស្សនាវីដេអូខាងក្រោមនេះទំាងអស់គ្នា ៖

Related posts

Leave a Comment