អាហារ​ប្រភេទ​កែច្នៃ​មាន​លើសពី​ចំនួន​មធ្យម​ទៅទៀត​ក្នុង​ចំណីអាហារ​អូស្ត្រាលី

ស្ទើរតែ​ចំនួន​ពាក់កណ្តាល​ទៅហើយ​នៃ​ចំណីអាហារ​អូស្ត្រាលី​ត្រូវបាន​ផ្សាំ​ឡើង​ពី​ប្រភេទ​អាហារ​កែច្នៃ​។ ការសិក្សា​ស្រាវជ្រាវ​ថ្មី​មួយ​បានបង្ហាញ​ឲ្យ​ឃើញ​ដូច្នេះ​កាលពី​ថ្ងៃ​ព្រហស្បតិ៍​។​

ដឹកនាំ​ធ្វើការ​សិក្សា​ស្រាវជ្រាវ​ដោយ​សាកលវិទ្យាល័យ The University of Melbourne រួមសហការ​ជាមួយ​៣​សាកលវិទ្យាល័យ​អូស្ត្រាលី​និង​សាកលវិទ្យាល័យ The University of Sao Paulo នៅ​ប្រទេស​ប្រេស៊ីល។

ការតាមដាន​ពិនិត្យមើល​ទៅលើ​ក្រុម​កុមារ​និង​មនុស្ស​ចាស់​បាន​រកឃើញ​មាន​ដល់​ទៅ​៤២​ភាគរយ​នៃ​ការ​ស្រូប​ចូលទៅក្នុង​រូប​កាយ​គិត​ជា Kilojoule ប្រចាំថ្ងៃ​របស់​ប្រទេស​នេះ​ស្ថិតក្នុង​ទ្រង់ទ្រាយ​នៃ​អាហារ​កែច្នៃ​សុទ្ធសាធ។ ការ​ឲ្យ​និយមន័យ​ទៅលើ​ប្រភេទ​អាហារ​កែច្នៃ​គឺមាន​គ្រឿងផ្សំ​ជាច្រើន​គឺ​ជាតិ​ស្ករ​និង​អំបិល​ហើយ​មាន​ជាតិ​សរសៃ​និង micromutrient តិច​បំផុត។

វេជ្ជបណ្ឌិត Scrinis មកពី​សាកលវិទ្យាល័យ The University of Melbourne’s School of Agriculture and Food Sciences បាន​បកស្រាយ​ពន្យល់ថា ប្រភេទ​អាហារ​ទាំងឡាយ​នេះ​ជាទូទៅ​មាន​គុណភាព​អាហារូបត្ថម្ភ​ទាប​ជា​ប្រភេទ​ចំណីអាហារ​ដែល​កែច្នៃ​តិចតួច​។ ជាពិសេស​អាហារ​ប្រភេទ​នេះ​ផលិត​ចេញពី​រោងចក្រ​ឬ​ឧស្សាហកម្ម​ផលិត​អាហារ​ឆ្អិន​ស្រាប់ តែ​គេ​មិនឃើញ​មាននៅ​ក្នុង​ប្រភេទ​អាហារ​នៅតាម​ផ្ទះបាយ​ឬ​នៅតាម​ភោជនីយដ្ឋាន​នោះទេ៕


Related posts

Leave a Comment