កាលពីថ្ងៃទី ១០ ខែតុលា ឆ្នាំ ២០១៩ ម្សិលមិញនេះ បងប្អូនប្រជាពលរដ្ឋខ្មែរមួយចំនួនធំ បានជ្រាបរួចមកហើយ ការប្រកួត FIFA World Cup Qatar 2022 វគ្គជម្រុះជុំទី២ ដែលកម្ពុជាត្រូវប៉ះជាមួយក្រុមខ្លាំងនៅអាស៊ីគឺ អ៊ីរ៉ង់ នៅ កីឡដ្ឋាន Azadi។ ជាលទ្ធផលចប់ទាំងពីរតង់ ក្រុម អ៊ីរ៉ង បានយកឈ្នះ ក្រុមកម្ពុជា ១៤ ទល់នឹង ០។ ទោះជាលទ្ធផលមិនល្អក៏ដោយ ក៏អ្នកស្នេហាវិស័យ កីឡាបាល់ទាត់ជាច្រើន បានបង្ហាញក្តីអាណិត និងគាំទ្រកីឡាករជម្រេីសជាតិកម្ពុជា មិនប្រួលប្រែឡើយ។
ក្នុងនោះផងដែរ គេក៏បានឃើញ លោក សុវណ្ណ ឬទ្ធី ហៅលោកតា វ៉ិចទ័រ ដែលអ្នកផលិតកម្មវិធីកម្សាន្តរបស់ទូរទស្សន៍ ស៊ីធីអិន ក៏បានបង្ហោះសារលើកទឹកចិត្ត និងនៅតែគាំទ្រ មួយថា៖ “ក្រុមគោព្រៃកម្ពុជាជាទីស្រលាញ់! សូមប្អូនៗកុំបាក់ទឹកចិត្ត សូមចាត់ទុកជាបទពិសោធន៏។ បងបានឃើញហើយ ប្អូនៗខិតខំប្រឹងប្រែងណាស់។ ខ្ញុំនៅតែជាអ្នកគាំទ្រអ្នកដដែល។”៕
