អុញនោះ! តារាចម្រៀងកញ្ញា Ada ស្ងាត់ៗបង្ហោះសារថា « លុយប៉ុណ្ណឹងមិនស្កៀបរោមជេីងមនុស្សស្រីសម័យនេះទេ​បង » ក្រោយបុរសម្នាក់បានបោះសម្តីថា

ហ្វេសប៊ុក៖ ប្រិយមិត្តជាច្រើនប្រហែលជាធ្លាប់លឺរឿងល្បីកាលឆ្នាំ២០១៨ រួចមកហើយ ដោយមាននារីម្នាក់បានបង្ហោះសារ ទៅកាន់ប្រុសៗជាច្រើនអោយដឹងខ្លួនថា «បើចង់ដណ្តឹងកូនស្រីគេ មានលុយ ២០០០០ដុល្លារ ចាំមកចូលស្តី»។ គួរបន្តទៀតថា ក្រោយពេលនារីម្នាក់បង្ហោះសារបែបនេះ បានធ្វើអោយមហាជនជាច្រើន មានការមិនពេញជាខ្លាំងក្នុងបណ្តាញសង្គមហ្វេសប៊ុក។ យ៉ាងណាមិញ ស្រាប់តែមានបុរសម្នាក់គណនីហ្វេសប៊ុកឈ្មោះ Chan Panha បានលើកឡើងចំៗទៅកាន់នារីម្នាក់នោះថា៖ «ជះលុយ 20000$ អោយថ្លៃទឹកដោះមួយមើល តែសុំសួរបន្តិច ក្រៅពីធ្វើខ្លួនដើរលេង ផឹកសុី ច្រៀងរាំ សប្បាយ ចូលក្លិបរាត្រី មានចេះធ្វើអីខ្លះទេ ដូចជា ៖

លាងចាន ដាំបាយ ជូតផ្ទះទេ , ដឹងថាតួនាទីជាប្រពន្ធ ត្រូវធ្វើបែបណាខ្លះទេ ? និយាយឡើង រកលុយទាំងមុឺនៗ តែអត់មានសម្លឹងមើលខ្លួនឯងទេអី ឈប់បានឈប់ទៅ ទ្រព្យសម្បត្តិវាកើតឡើងពីការសន្សំសំចៃនោះទេ មនុស្សប្រុសបើគេមានលុយខ្ទង់មុឺនហើយ គេក៏មិនល្ងង់ យកប្រពន្ធដែលមិនចេះធ្វើអីនោះដែរ»។ គួររំលឹកថា រឿងនេះបានកើតឡើងតាំងពីឆ្នាំមុន ស្រាប់តែពេលថ្មីៗនេះ កញ្ញា Ada ដែលមហាជនជាច្រើនបានស្គាល់ហើយថាជាតារាចម្រៀង original song ដែលមានគាំទ្រជាច្រើនពីសំណាកយុវវ័យសម័យថ្មី។ ក្រោយពេលតារារូបនេះបានឃើញនៅសារ ក្នុងគណនីលោក Chan Panha ស្រាប់តែកញ្ញា Ada ស៊ែរហើយភ្ជាប់ជាមួយសារយ៉ាងចាក់ដោតថា៖

«សួស្តីបង!!! បេីបងយកប្រពន្ធទុក​ ជូតផ្ទះ​ លាងចាន ដាំបាយទេ​ ទុកលុយហ្នឹងទៅជួលឈ្នួលទៅ​ លុយប៉ុណ្ណឹងមិនស្កៀបរោមជេីងមនុស្សស្រីសម័យនេះទេ​បង ហេីយបេីបងចង់បានប្រពន្ធដែលចេះធ្វេីការសព្វគ្រប់​ កុំគិតលុយ 20000$​ ហ្នឹងអស្ចារ្យនោះណាបង​ លុយប៉ុណ្ណឹងគេបិទភ្នែក​រកណាបង​ សូមអរគុណ»។ ក្រោយបង្ហោះសារនេះរួចគេឃើញថា លោកChan Panha ចូលខំមិនថា៖ «បានសម្ដីម៉េស តារាចម្រៀងក្នុងដួងចិត្ត» ស្របពេលដែលអ្នកគាំទ្រខ្លះពេញចិត្តនៅសារមួយនេះ ខ្លះទៀតក៏មិនសូវពេញចិត្តប៉ុន្មានដែរ។ ប្រភព៖ ហ្វេសប៊ុក

Related posts

Leave a Comment