លោក តាន់ គីមសួរ មានគម្រោងបង្កើតព្រៃផ្កាក្ងោកនៅតំបន់ឱរ៉ាល់ ក្នុងគោលបំណងដើម្បី…

ប្រិយមិត្តប្រាកដជាបានស្គាល់រួចមកហេីយ​ លោក​ តាន់ គីមសួរ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ ដែលជា​បុគ្គល​ដ៏​គំរូ​ម្នាក់នៅក្នុងសង្គម និងជាផលិតករទីមួយ ដែលផលិតវីដេអូ​ព​ន្ញាក់​អារម្មណ៍​នៅក្នុងស្រុកខ្មែរ ដែលរាល់វីដេអូ​នីមួយៗ​គឺធ្វើឡេីងក្នុងន័យអប់រំ​ ដោយទទួលបាន​នូវការ​គាំទ្រ​ពី​មហាជន​ជាច្រើន​។

បន្ថែមពីនេះ លោក តាន់ គីមសួរ ក៏តែងតែបង្ហាញពីទស្សនៈ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​និងការឈឺឆ្អាលរឿងរ៉ាវក្នុងសង្គមនានា ហើយថែមទាំងបាន បង្ហាញពីទង្វើ ក្នុងការចូលរួមជាកំលាំង និងថវិកា ចំពោះ​កិច្ចការ​ងារសប្បុរសធម៌ជាច្រើន ដោយមិនគិត និងទទួលបានផលប្រយោជន៍ពីអំពើទាំងអស់នោះមកវិញសូម្បីតែបន្តិចនោះឡេីយ​ ពិត​ជា​គួរឲ្យ​កោតសរសើរ​ណាស់​។

ទន្ទឹម​នឹងនេះដែរ នៅរសៀលថ្ងៃ​អាទិត្យ​នេះ​ដែរ​ ត្រូវ​នឹង​ថ្ងៃ​ទី​២៣​ ខែកុម្ភៈ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ ឆ្នាំ​២០២០​ លោក​ តាន់​ គីម​សួរ​ មានបំណងចង់ចូលរួមចំណែកជួយដល់​ប្រជាជន​នៅតំបន់ឱរ៉ាល់​ តាមរយៈ​ការ​បង្កើតព្រៃផ្កាក្ងោក​ ដេីម្បី​ប្រែក្លាយ​តំបន់​នោះជាតំបន់​ទេសចរណ៍​ ក្នុង​នោះលោក​ តាន់​ គីម​សួរ​ បានមានការ​លេីកឡេីង​ឲ្យដឹង​ថា៖ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​”ឥឡូវនេះ ខ្ញុំរកបានគ្រាប់ពូជផ្កាក្ងោកជិត២០០០គ្រាប់ហើយ រំខានបងប្អូនជួយរើសទុកឲ្យខ្ញុំចំនួន៨០០០គ្រាប់ទៀតបានទេ? ពួកយើងមានគម្រោងបង្កើតព្រៃផ្កាក្ងោកនៅតំបន់ឱរ៉ាល់ ដើម្បីទាក់ទាញទេសចរណ៍ ផ្តល់ចំណូលល្អដល់ប្រជាជននៅតំបន់នោះ នឹងអាចចូលរួមចំណែកបន្តិចបន្តួចក្នុងការបញ្ឈប់ការចូលព្រៃកាប់ឈើ”។

Related posts

Leave a Comment