មើលរូបម្ដងៗចង់ស្រក់ទឹកភ្នែកហើយ! ថ្ងៃស្អែកបងស្រី ទ្រី ដាណា និងទៅជួបដើម្បីជួយ គ្រួសារដែរត្រូវភ្លើងឆេះទាំងផ្ទះ និងខ្លួនប្រាណ…

គួររំលឹកឡើងវិញថា កាលពីរសៀលថ្ងៃមិននេះផងដែរ នាថ្ងៃទី០២ ខែមីនា ឆ្នាំ២០២០ មានហេតុការណ៍អគ្គិភ័យមួយបានឆាបឆេះ តូបផ្សាររបស់ប្រជាពលរដ្ឋយ៉ាងសន្ធោសន្ធៅ ស្ថិតនៅត្រង់ចំណុចផ្សារកអណ្តើក ស្រុកកំពង់ត្របែក ខេត្តព្រៃវែង ដោយបណ្តាលធ្វើឲ្យមានការខូចខាតទ្រព្យសម្បតិ្តរួមទាំងបាត់បង់អាយុជីវិតថែមទៀតផង។

ជាក់ស្តែងយោងទៅតាមគណនីហ្វេសប៊ុករបស់អ្នកស្រី ទ្រី ដាណា បានធ្វើការបង្ហោះឲ្យដឹងនៅមុននេះបន្តិចថា៖​ ទើបទំនេរដៃ បើក Facebook ឃើញ ខ្លោចចិត្ត​ណាស់​លោកអើយ។ កូន២នាក់កំពុងពេញស្រលាញ់ ត្រូវលាទៅទាំងនៅក្មេង​ចឹង​ មើលមុខស្រណោះណាស់។😭

ឪពុកម្តាយក៏រលាកធ្ងន់ លឺថាមកពីរត់ទៅជួយកូននៅខាងក្រោយ។ ចិត្តជាម្តាយជាឪពុក មិនចោលកូននោះទេ ទោះបីត្រូវប្រថុយជីវិត្តក៏ដោយ។ ខ្ញុំយល់អារម្មណ៍នេះការពារកូន ធ្វើគ្រប់យ៉ាងដើម្បីកូន។

លឺថាពួកគាត់កំពុងសម្រាកក្នុងពេទ្យនៅភ្នំពេញ ស្អែកនេះខ្ញុំនឹងទៅលើកទឹកចិត្តពួកគាត់។ ចង់ប្រាប់ថា ខ្ញុំរំភើបចិត្តជាមួយការលះបង់របស់ពួកគាត់ណាស់ មើលរូបម្តងៗចង់ស្រក់ទឹកភ្នែកហើយ អាណិតណាស់😢😢😢 ៕

Related posts

Leave a Comment