ក្រុម​តា​លី​បង់​ វាយលុក​ទីក្រុង​ភាគ​ខាងជើង​ប្រទេស​អា​ហ្វ​ហ្គា​នី​ស្ថាន

មន្ត្រី​អាហ្វហ្គានីស្ថាន និង​ក្រុម​តាលីបង់​បាន​និយាយ​ថា កងកម្លាំង​តា​លី​បង់​បាន​វាយប្រហារ​ទីក្រុង Kunduz ភាគ​ខាងជើង​ប្រទេស​អា​ហ្វ​ហ្គា​នី​ស្ថាន​កាលពី​ថ្ងៃ​សៅរ៍ ទោះបី​សហរដ្ឋអាមេរិក និង​ក្រុម​ឥស្លាម​និយម​ហាក់ដូចជា​ជិត​បញ្ចប់​កិច្ចព្រមព្រៀង​ដើម្បី​ដក​កងទ័ព​អាមេរិក​ក៏ដោយ។

ការ​ប្រយុទ្ធ​គ្នា​យ៉ាង​ខ្លាំង​ បាន​និងកំពុង​បន្ត​កើតមាន​នៅក្នុង​ទីក្រុង Kunduz បន្ទាប់ពី​យុទ្ធ​ជនតា​លី​បង់​បាន​បង្កើន​ការវាយប្រហារ​ពី​ទិសដៅ​ជាច្រើន​កាលពី​យប់​ថ្ងៃ​សុក្រ​ដោយ​បង្ខំ​ឲ្យ​កងកម្លាំង​អា​ហ្វ​ហ្គា​នី​ស្ថាន​សងសឹក និង​ពង្រឹង​សុវត្ថិភាព​បន្ថែម​ដើម្បី​ការពារ​ក្រុម​បះបោរ​ពី​ការកាន់កាប់​លើ​ផ្នែក​ខ្លះ​នៃ​ទីក្រុង។

អគ្គិសនី និង​សេវា​ទូរស័ព្ទ​ភាគច្រើន​ត្រូវបាន​កាត់ផ្តាច់ ហើយ​អ្នកស្រុក​កំពុង​ជ្រកកោន​នៅក្នុង​ផ្ទះ​របស់​ពួកគេ។ អ្នកស្រុក Khaluddin ជាច្រើន​បាន​និយាយថា “​ទីក្រុង​នេះ​គឺ​ទទេរ​ទាំងស្រុង ហាង​នានា​ត្រូវបាន​ចាក់សោរ ប្រជាជន​មិនអាច​ទៅណា​បាន ហើយ​អាវុធ​ធុន​ធ្ងន់​ក៏​អាច​ត្រូវបាន​គេ​ឮ​ផងដែរ​នៅ​ផ្នែក​ជាច្រើន​នៃ​ទីក្រុង”។ មន្ត្រី​រដ្ឋាភិបាល​នៅ​ទីក្រុង Kunduz និង​ក្រុង​កា​ប៊ុល​បាន​និយាយថា ពួក​តា​លី​បង់​កំពុង​ស្វែងរក​ទីជម្រក​នៅតាម​ផ្ទះ​ដែល​ធ្វើ​ឲ្យ​កងទ័ព​អា​ហ្វ​ហ្គា​នី​ស្ថាន និង​សហរដ្ឋអាមេរិក​មិនអាច​ធ្វើការ​វាយប្រហារ​តាម​អាកា​សបាន ហើយ​អ្នក​ប្រយុទ្ធ​មួយចំនួន​បាន​ចូល​មន្ទីរពេទ្យ​សំខាន់ៗ​ក្នុង​ទីក្រុង។

ក្រសួងមហាផ្ទៃ​បាន​និយាយថា ក្រុម​ឧទ្ទាម​តា​លី​បង់​យ៉ាងតិច ៣៤ នាក់​ត្រូវបាន​សម្លាប់​នៅក្នុង​ប្រតិបត្តិការ​ផ្លូវគោក និង​ផ្លូវអាកាស​នៅក្នុង​តំបន់​ចំនួន ៣ នៃ​ទីក្រុង Kunduz ហើយ​ប្រតិបត្តិការ​បោសសំអាត​កំពុងដំណើរការ​ផងដែរ។ អ្នកនាំពាក្យ​រប​សស់​ប្រធានាធិបតី​អា​ហ្វ​ហ្គា​នី​ស្ថាន​លោក Ashraf Ghani បាន​និយាយថា “​កងកម្លាំង​សន្តិសុខ​កំពុង​តបត​ការវាយប្រហារ​របស់​ពួក​តា​លី​បង់​ទៅលើ​ផ្នែក​ខ្លះ​នៃ​ទីក្រុង Kunduz ហើយ​អាទិភាព​ចម្បង​របស់​ពួកគេ​គឺ​ដើម្បី​ការពារ​ជន​ស៊ីវិល”។

អ្នកនាំពាក្យ​តា​លី​បង់​លោក Zabihullah Mujahid បានបញ្ជាក់​ពី​ការវាយប្រហារ​ទៅលើ​ទីក្រុង Kunduz។ ក្នុង​រយៈពេល​ពីរ​ឆ្នាំកន្លងមក​ក្រុម​បះបោរ​បាន​គ្រប់គ្រង​បី​ដង​ដើម្បី​រឹបអូស​យក​ផ្នែក​ជាច្រើន​នៃ​តំបន់​ជុំវិញ​ទីក្រុង​មុន​ពេល ​ត្រូវ​បាន​បណ្តេញ​ចេញ ​បន្ទាប់ពី​ការ​ប្រយុទ្ធ​គ្នា​ជាច្រើន​ថ្ងៃ​ជាមួយ​កងកម្លាំង​អា​ហ្វ​ហ្គា​នី​ស្ថាន និង​ការវាយប្រហារ​តាម​អាកាស​ដែល​ធ្វើឡើង​ដោយ​កងកម្លាំង​សហរដ្ឋអាមេរិក។ គួរ​បញ្ជាក់​ផង​ដែរ​ថា ការ​ប្រយុទ្ធ​គ្នា​នៅ​ទីក្រុង Kunduz បានកើត​ឡើង ខណៈ​ដែល​មានការ​កើន​ឡើង​នៃ​ការ​រំពឹង​ទុក ​ដែល​ថា​ អ្នកចរចា​អាមេរិក និង​តា​លី​បង់​នៅ​ទីក្រុង Doha ជិត​នឹង​ទទួល​បាន​កិច្ចព្រមព្រៀង​មួយ​ដែល​នឹង​ឃើញ​កាលវិភាគ​សម្រាប់​ការ​ដក​កងទ័ព​សហរដ្ឋអាមេរិក​រាប់​ពាន់​នាក់៕

Related posts

Leave a Comment