សមាជិកសភា​កូរ៉េខាងត្បូង​ធ្វើ​ទស្សនកិច្ច​កោះ​តូចៗ​​ ខណៈដែល​ភាព​តានតឹង​របស់​ជប៉ុន​កើន​ឡើង

សមាជិកសភា​កូរ៉េខាងត្បូង​មួយក្រុម​បាន​ទៅធ្វើ​ទស្សនកិច្ច​នៅ​កោះ​ដែលមាន​ជម្លោះ​ជាមួយ​ជប៉ុន​ដោយ​បង្ក​ឲ្យ​មាន​ការតវ៉ា​ពី​ក្រសួងការបរទេស​ជប៉ុន ខណៈដែល​ទំនាក់ទំនង​តានតឹង​របស់​ប្រទេស​ទាំងពីរ​កាន់តែ​យ៉ាប់យ៉ឺន​ថែមទៀត។

សមាជិកសភា​កូរ៉េ ៦ នាក់​កាលពី​ថ្ងៃ​សៅរ៍​បាន​ហោះហើរ​ទៅ​កោះ​តូចៗ​ដែល​គេ​ស្គាល់​ថា Dokdo នៅ​កូរ៉េ និង Takeshima នៅ​ជប៉ុន​ជា​ផ្នែក​មួយ​ដើម្បី​ប្រឆាំងនឹង​ការហាមឃាត់​របស់​ជប៉ុន​ចំពោះ​ការដឹកជញ្ជូន​គ្រឿងបន្លាស់​សំខាន់ៗ​សម្រាប់​ផលិត​បន្ទះ​ឈី​ប​ស្មា​ត​ហ្វូ​ន​ដែលជា​ការនាំចេញ​ដ៏​ធំ​របស់​កូរ៉េខាងត្បូង។

លោក Sul Hoon សមាជិកសភា​គណបក្ស​ប្រជាធិបតេយ្យ​ដែល​កំពុងកាន់​អំណាច​បា​ន​និយាយថា “​ដោយ​មិន​គិតពី​កិច្ចប្រឹងប្រែង​របស់​រដ្ឋា​ភិ​បាល​កូរ៉េខាងត្បូង ជប៉ុន​មិន​ត្រឹមតែ​ទម្លាក់​កូរ៉េខាងត្បូង​ចេញពី​បញ្ជី​ស​ប៉ុណ្ណោះ​ទេ ប៉ុន្តែ​ថែមទាំង​អះអាងថា កោះ Dokdo ជា​ផ្នែក​មួយ​នៃ​ទឹកដី​របស់ខ្លួន​ដែល​ធ្វើ​ឲ្យ​ទំនាក់ទំនង​កូរ៉េខាងត្បូង​-​ជប៉ុន​កាន់តែ​យ៉ាប់យ៉ឺន​ថែមទៀត។

ក្រសួងការបរទេស​ជ​ប៉ុន​បានធ្វើការ​ប្រឆាំង​យ៉ាង​តឹងរ៉ឹង​ជុំវិញ​ដំណើរ​ទស្សនកិច្ច​នេះ ។ នៅក្នុង​សេចក្តីថ្លែងការណ៍​របស់​ខ្លួន​ក្រសួង​បាន​និយាយថា សមាជិកសភា​កូរ៉េ​បាន​ព្រងើយកន្តើយ​នឹង​ការទាមទារ​ពីមុន​របស់​ជប៉ុន​ដែល​ថា​ផែនការ​នេះ​ត្រូវបាន​លុបចោល ហើយ​បាន​ហៅ​ដំណើរ​ទស្សនកិច្ច​នេះ​ថា​ជាការ​សោកស្តាយ​បំផុត។

ក្រសួងការពារជាតិ​បាន​និយាយថា កោះ​ទាំងនោះ​គឺជា​ទឹកដី​របស់​ប្រទេស​ជប៉ុន​នៅក្នុង​លក្ខខណ្ឌ​ទាំង​ផ្នែក​ប្រវត្តិសាស្ត្រ និង​ច្បាប់​អន្តរជាតិ។

ទំនាក់ទំនង​រវាង​កូរ៉េខាងត្បូង និង​ជប៉ុន​មាន​កម្រិត​ទាប​បំផុត​ក្នុង​រយៈពេល​ប៉ុន្មាន​ឆ្នាំនេះ បន្ទាប់ពី​មាន​ជម្លោះ​ពាក់ព័ន្ធ​នឹង​សំណង​សម្រាប់​ពលករ​ដែល​ត្រូវបាន​បង្ខំ​ឲ្យ​ធ្វើសង្គ្រាម​អំឡុងពេល​ការកាន់កាប់​របស់​ជប៉ុន​នៅ​ប្រទេស​កូរ៉េ​រហូតដល់​ចប់​សង្គ្រាមលោកលើកទី២។

លើសពីនេះ​ទំនាក់ទំនង​កាន់តែ​ឆ្ងាយ​បន្ថែមទៀត​នៅពេលដែល​ប្រទេស​ជប៉ុន​បាន​ដក​កូរ៉េខាងត្បូង​ចេញពី​បញ្ជី​សរ​បស់​ប្រទេស​ជាមួយនឹង​ស្ថានភាព​នាំចេញ​យ៉ាង​ឆាប់រហ័ស ខណៈដែល​ប្រទេស​កូរ៉េ​ក៏​បន្ត​លុបចោល​កតិកាសញ្ញា​ចែករំលែក​ព័ត៌មាន​ស៊ើបការណ៍​យោធា​ជាមួយ​ជប៉ុន​ផងដែរ៕

Related posts

Leave a Comment