កាន់តែធំ កាន់តែគួរឲ្យស្រលាញ់! កូនស្រី ភិន សុដាលីស ស្អាតឡើងៗ ហើយ Cute មុខដូចកូនកាត់ទៀត…

ភ្នំពេញ៖ ចាប់តាំងពីមានរឿងចម្រូងចម្រាស់ជាមួយនឹង អតីតស្វាមីគឺលោក ប៉ែន ចំរ៉ុងមក យើងសង្កេតឃើញថា តារាស្រី ភិន សុដាលីស បានដកខ្លួនចេញឆ្ងាយពីពិភពសិល្បៈ និងមិនសូវបញ្ចេញមុខមាត់ នៅលើបណ្តាញសង្គមប៉ុន្មានឡើយ ដោយភាគច្រើនគឺនាងបានផ្តោតសំខាន់ ទៅលើការរកស៊ីមុខរបរផ្ទាល់ខ្លួនវិញ។

ដោយឡែក បើទោះបីជាទំនាក់ទំនងរវាង ប៉ែន ចំរ៉ុង និងភិន សុដាលីស បានបញ្ចប់គ្នាជាយូរណាស់មកហើយក្តី ប៉ុន្តែអ្នកទាំងពីរក៏បានបន្សល់ទុកនូវតំណក់ឈាម កូនស្រីដ៏គួរឲ្យស្រលាញ់ម្នាក់ ដែលបច្ចុប្បន្នស្ថិតនៅក្រោមការមើលថែ របស់លោកអ៉ិន សុភិន ដែលជាឪពុកបង្កើតរបស់ភិន សុដាលីស។

ជាក់ស្តែង ខណៈពេលវេលាក៏ចេះតែរំកិលទៅមុខ កូនស្រីរបស់ភិន សុដាលីស ក៏កាន់តែធំលូតលាស់ផងដែរ ហើយមើលទៅសម្រស់របស់នាង គឺពិតជាស្រស់ស្អាតគួរឲ្យស្រលាញ់ មិនចាញ់ម្តាយនោះទេ និងថែមទាំងមានសាច់សខ្ចី មុខមាត់ដូចជាកូនកាត់បរទេសថែមទៀតផង។

តួយ៉ាងណ ដូចជារូបថតប៉ុន្មានសន្លឹកខាងក្រោមនេះ ភិន សុដាលីស បានឈរ​ឱប និងប្រលែងលេងជាមួយនឹងកូនស្រីរបស់នាងយ៉ាងរីករាយ និងមើលទៅអ្នកទាំងពីរមុខដូចគ្នាណាស់៕

Related posts

Leave a Comment