ចប់ហើយពេលនេះ កំពូលអ្នកសារព័ត៍មាន ដែលកំពុងតែល្បីខ្លាំង ពេលនេះត្រូវបានប្រធានគ្រប់គ្រងអង្គភាព icdtv ប្រកាសដកលោក ផាន់ ហ៊ន ចេញពីអង្គភាព ព្រោះដោយសារតែ

បេីនិយាយពី​លោក​ ហ៊ន​ អ្នក​រាយការណ៍​សារព័ត៌មាន​ ICDTV ប្រចាំ​ខេត្ត​ស្វាយរៀង​ ដែលមួយរយៈពេល​ចុងក្រោយ​នេះ​ លោកបាននឹងកំពុង​តែអង្រួន​មហាជនក្នុង​បណ្តាញ​សង្គម​ហ្វេសបុកជាច្រេីន​ ​ឲ្យ​មានការ​ចាប់​អារម្មណ៍​ជាខ្លាំង​ជាមួយ​ពាក្យ​ពេចន៍​សម្តីនិយាយបែប​កំប្លែង​ និង​និយាយ​យ៉ាង​លឿន​ក្នុង​ពេល​ចុះយក​ព័ត៌មាន​នៅ​កន្លែង​កើត​ហេតុ​។

ដោយ​ឡែក​ បេីយោងតាម​រយៈ​គណនី​ផេក​ហ្វេសប៊ុក​របស់​អង្គភាព​សារព័ត៌មាន​ ICDTV ដែល​នៅមុននេះ​បន្តិច​បាន​មានការ​បញ្ជាក់​ឲ្យ​ដឹង​ថា​៖«ខ្ញុំបាទ នី ពេជ ប្រធានគ្រប់គ្រងអង្គភាព ICDTV សូមគោរពនឹងជម្រាបជូនលោកនាយកការផ្សាយ ICDTV ជាទីគោរពដ៏ខ្ពង់ខ្ពស់!​ ខ្ញុំបាទសូមប្រកាសដកលោក ផាន់​ ហ៊ន ភា្នក់ងារយកព័ត៌មានប្រចាំខេត្តស្វារៀងចេញពីអង្គភាព icdtv ចាប់ថ្ងៃទី20 ខែកុម្ភៈ ឆ្នាំ2020 នេះតទៅ ដោយសារលោកមិនគោរពវិន័យផ្ទៃក្នុងរបស់អង្គភាពជាច្រេីនលេីកច្រេីនសារ។

ដូចច្នេះសូមជម្រាបដល់មន្ត្រីពាក់ព័ន្ធគ្រប់លំដាប់ថ្នាក់​ មេត្តាជ្រាបជាដំណឹងបើថ្ងៃក្រោយបុគ្គលម្នាក់នេះយកឈ្មោះអង្គភាព ICDTV​ មកប្រើដេីម្បីលាភសក្ការៈធ្វេីឲ្យប៉ះពាល់ដល់បងប្អូនប្រជាពលរដ្ឋ សូមចាត់ការតាមផ្លូវច្បាប់ចុះ ហេីយអង្គភាព​ icdtv​ យេីងខ្ញុំមិនទទួលខុសត្រូវទៀតនោះឡើយ។ ហេីយអង្គភាពយេីងខ្ញុំនិងលំអិតជូនបងប្អូននៅពេលក្រោយ សូមអរគុណ»។

ទន្ទឹម​នឹង​ការ​លេីកឡេីង​ខាងលេីនេះ​ដែរ​ បាន​ធ្វើ​ឲ្យ​ទស្សនិកជន​ជាច្រើន​បានមានការ​ភ្ញាក់​ផ្អើល​ជាខ្លាំង​ ហេីយ​អ្វីដែលគួរអោយចាប់​អារម្មណ៍​នោះ​ គឺមាន​អ្នកគាំទ្រ​អ្នក​សារព័ត៌មាន​រូបនេះ​បាន​សម្តែង​នូវ​អារម្មណ៍​មិនពេញ​ចិត្ត​រហូត​ឈានដល់ការដកខ្លួនចេញផេក​នេះផងដែរ​។ ចំពោះ​មូលហេតុ​យ៉ាង​ណា​នោះ​ ក្រុម​ការងារ​ Khmer Osja យេីងខ្ញុំ​នឹង​ជម្រាប​ជូន​ប្រិយមិត្ត​ជា​បន្ត​ទៀត​។

Related posts

Leave a Comment