យាយ​យ៉យ គ្រង​ឈុត កូនក្រមុំ ជាមួយ​នាយ​ព្រែក បង្ក​ការ​ភ្ញាក់ផ្អើល

ភ្នំពេញ ​៖ យាយ​យ៉យ ដែលជា​ម្ដាយ​របស់​នាយ​ព្រែក បាន​ទទួល​ការ​សរសើរ និង​ភ្ញាក់ផ្អើល​មិន​ស្ទើរទេ ​ដល់​អ្នកលេង​បណ្ដាញ​សង្គម​ហ្វេ​ស​ប៊ុ​ក​មួយ​ចំនួន​ ក្រោយពី​តារា​ជើងចាស់​រូបនេះ បាន​គ្រង​ឈុត​កូនក្រមុំ​យ៉ាង​ស្រស់​ស្អាត​ថត​ជាមួយ​កូន​របស់​ខ្លួន​នោះ។

គេ​មិន​ដឹង​នោះ​ទេ​ថា ការ​គ្រង​ឈុត​បែបនេះ​របស់​យាយ​យ៉យ ធ្វើឡើង​ក្នុង​កម្មវិធី​អ្វី ហើយ​នៅ​ទីកន្លែង​ណា ក្នុង​គោលបំណង​អ្វី​នោះ​ដែរ គ្រាន់តែ​ដឹង​ថា ការ​ស្លៀកពាក់​បែបនេះ​ធ្វើ​ឲ្យ​មហាជន​ចាប់អារម្មណ៍ ខណៈ​ដែល​ពិធីករ និង​តារា​សម្ដែង​ប្រុស នាយ​ព្រែក ដែល​ជា​កូន​របស់​ខ្លួន​​ មាន​ដំណឹង​លេច​ឮ​ថា បាន​ផ្ដាច់​ពាក្យ​ជាមួយ​នឹង​គូ​ដណ្ដឹង​យ៉ាង​ភ្ញាក់ផ្អើល​នោះ។

ម្យ៉ាងទៀត​ការ​ស្លៀកពាក់​បែបនេះ​ពី​សំណាក់​យាយ​យ៉យ ក៏​គេ​កម្រ​បាន​ឃើញ​នោះ​ដែរ ធ្លាប់តែ​ឃើញ​តារា​ជើងចាស់​រូប​នេះ គ្រង​ឈុត​បែប​បុរាណ ដល់​គ្រង​ឈុត​បែប​ជា​កូនក្រមុំ ក្នុង​យុគសម័យ​ទំនើប​បែបនេះ ពិតជា​ស្អាត​ប្លែក​ម្យ៉ាង​ដែរ ដោយ​មើល​ទៅ​ស្រស់​ស្អាត ​មិន​ចាញ់​ក្រមុំ​ៗ ដែល​មាន​វ័យក្មេង​នោះ​ទេ។

ជុំវិញ​ដំណឹង​របស់​នាយ​ព្រែក​ រឿង​ផ្ដាច់​ពាក្យ​ជា​មួយ​គូ​ដណ្ដឹង​ឯណោះ​វិញ រហូត​មក​ទល់នឹង​ពេលនេះ ក៏​មិន​ទាន់​បាន​ស្រាយ​បញ្ជាក់​ពី​សំណាក់​សាមី​ខ្លួន ដើម្បី​ស្រាយ​មន្ទិល​របស់​មហាជន​នោះ​ដែរ។ គេ​រង់ចាំ​មើល​ថា​ តើ​នាយ​ព្រែក ក្លាយ​ហាន​ហ៊ាន​បញ្ជាក់​ការ​ពិត ​ឲ្យ​មហាជន​បាន​ដឹង ឬ​យ៉ាងណា៕

Related posts

Leave a Comment