ដូចដែរប្រិយមិត្តបានជ្រាបច្បាស់ហើយថា រឿងរ៉ាវដ៏ចម្រូងចម្រាស នៃការផ្ទុះជម្លោះគ្នារវាងក្រុមតារាសិល្បៈល្បីៗរបស់ខ្មែរដែលត្រូវបានឧកញ៉ា ឡេង ណាវ៉ាត្រា ,លោក ហេង ឡុង និងអ្នកនាង ចន ច័ន្ទលក្ខិណា ដឹកនាំចេញទៅសម្តែង-ច្រៀងនៅលើទឹកដីប្រទេសកូរ៉េ កាលពីថ្មីៗនេះបន្ទាប់ពីពួកគេត្រូវបានពលករមួយក្រុមធ្វើការរិះគន់ និងជេរប្រមាថដល់ជាតិសាសន៍ខ្មែរទូទាំងប្រទេសនោះ។
ដោយលែកបើយោងទៅតាមគណនីហ្វេសប៊ុកដែលមានឈ្មោះថា Kevin Kouch បានធ្វើការលើកឡើងឲ្យដឹងនៅលើបណ្តាញសង្គមហ្វេសប៊ុកថា ” ក្នុងនាមខ្ញុំដែលបាននិងកំពុង បន្តការងារក្នុង សង្គមសិល្បៈ ពិតជាមានចិត្តសោមនស្ស រីករាយយ៉ាងខ្លាំងនាពេលប៉ុន្មានថ្ងៃកន្លងមកនេះ ដោយហេតុថា”តម្លៃនៃសិលធ៌មសង្គម”ត្រូវបានគេផ្តោតនិងចាប់អារម្មណ៍ជាខ្លាំងឡើងវិញ… ការចាប់អារម្មណ៍គឺនៅត្រង់ថា តាមរយៈសកម្មភាពរបស់ ក្រុមសិល្បៈករ សិល្បការនីមួយក្រុមតូច និងបងប្អូនពលករមួយក្រុមតូចផ្សេងទៀតបានប្រើពាក្យសម្តី មិនគួរគប្បី ដែលអ្នកខ្លះហៅថាជាការត្មិះដៀល ប្រមាថមើលងាយ ចំពោះគ្នាដែលរួមសញ្ជាតិខ្មែរតែមួយដោយផ្តើមចេញពីនិយាយស្តី រាំច្រៀង ចាក់ចម្រៀងបង្កសម្លេងរំខាន នៅឯព្រលានយន្តហោះ ដែលជាទីសាធារណៈលើទឹកដីប្រទេសរបស់គេ។
ការតិះដៀលក្តី ប្រមាថក្តី គឺវាសុទ្ធតែជាមេរៀនសម្រាប់កែតម្រូវយើងទាំងអស់គ្នា (បើយើងមិនធ្វើ គេក៏មិនថា) តាមរយៈពាក្យសម្តី និងវីឌីអូ អ្នកណាខុស អ្នកណាត្រូវ គឺយេីងម្នាក់ៗសុទ្ធតែបានដឹងច្បាស់… យយើងត្រូវតែខិតខំពង្រឹងសីលធម៌ គុណធ៌ម របស់ខ្មែរយើងអោយបានល្អ គឺសម្រាប់យើងផ្ទាល់ និងសម្រាប់កូនចៅរបស់យើងនាថ្ងៃអនាគត… យើងសុទ្ធតែជាខ្មែរតែមួយ យើងគួរគប្បីបើកចិត្តឲ្យទូលាយ ពិចារណាឲ្យគ្រប់ជ្រុងជ្រោយ មេត្តាអធ្យាស្រ័យឲ្យបានខ្ពស់ចំពោះខ្មែរដូចគ្នា ។
ការសងសឹកមិនមែន ជាសិលធ៌ម គុណធ៌មរបស់ខ្មែរនោះឡើយ នោះបើអ្នកស្រឡាញ់ជាតិខ្លួនជាខ្មែរ ស្រឡាញ់សិលធ៌មខ្មែរ និងស្រឡាញ់កិត្តិយសខ្លួនជាខ្មែរ កុំឱ្យបរទេសជិតខាង គេមាក់ ងាយយេីង សូមអនុមោទនាកាន់បិណ្ឌ ទាំងអស់គ្នា និងសូមជួបតែសំណាងល្អៗ ពីខ្ញុំបាទ ។
