ថ្ងៃ​នេះ​ ត្រូវជាថ្ងៃគំរប់ខួប១ឆ្នាំ​ របស់ខេមរៈស្រីពៅ លោក ខេមរៈ សិរីមន្ត និង ភរិយា ព្រមទាំងគ្រួសារ បានធ្វើបុណ្យ ឧទ្ទិសកុសល ដល់ខេមរៈស្រីពៅ សូមឲ្យ

ភ្នំពេញ ៖ មហាជនខ្មែរនៅទូទាំងប្រទេសកម្ពុជា បានមាន​អារម្មណ៍​ក្ដុកក្ដួល​ជាខ្លាំង​ ក្រោយពីទទួលបានដំណឹងដ៏ក្រៀមក្រំបំផុត របស់តារាចម្រៀងស្រី ខេមរៈ ស្រីពៅ ដែលបានទទួលមរណភាព កាលពីរសៀលម៉ោង១ ថ្ងៃទី២៥ ខែមករា ឆ្នាំ២០១៩កន្លងទៅ​នេះ នៅមន្ទីរពេទ្យប្រទេសឥណ្ឌា ដោយសាររោគាពាធ ក្នុងអាយុ ២៨ឆ្នាំ។បេីគិតមកដល់ថ្ងៃនេះ​ គឺមាន​រយៈពេល​១ឆ្នាំ​ហេីយ​ ដែលតារាចម្រៀងស្រី ខេមរៈ ស្រីពៅ​ បាន​ចាកឆ្ងាយ​ ដែលធ្វើឲ្យ​មានក្តី​នឹក​រលឹក​ជាខ្លាំង​​ពីប្រជាពលរដ្ឋ​ខ្មែរ​ ក៏​ដូចជា​ក្រុម​គ្រួសារ​សាច់ញាតិទាំងមូល។ យ៉ាង​ណាមិញ​ នៅល្ងាចថ្ងៃ​នេះដែរ​ លោក​ ខេមរៈ​ សិរីមន្ត​ និង​ភរិយា​ រួម​ជាមួយ​ក្រុម​គ្រួសារ​ទាំងមូល​ បាន​ប្រារព្ធ​ធ្វើ​ពិធី​បុណ្យ​នៅមុខ​ចេតិយ​និងបាន​ចែកអំណោយជា​គ្រឿង​ឧបភោគ​ និង​ថវិកា​មួយ​ចំនួន​ជូលដល់លោកយាយលោកតាជាច្រេីននាក់ផងដែរ​ ដេីម្បី​

ឧទ្ទិសកុសលផលបុណ្យទាំងនេះជូនទៅដល់ប្អូនស្រី​ ខេមរៈ​ ស្រីពៅ​ ដែលបាន​ទទួល​មរណភាព​។ ក្នុង​នោះ​ដែរ​ លោក​ ខេមរៈ​ សិរីមន្ត​ ក៏​មាន​ជា​ពាក្យ​ពេចន៍​និយាយ​ទៅកាន់​ប្អូនស្រី​ទាំង​អារម្មណ៍​ក្រៀមក្រំ​ថា៖«ថ្ងៃទី២៥​ ខែ​មករា​ ឆ្នាំ​២០២០​ នេះ​​ ត្រូវជាថ្ងៃគំរប់ខួប១ឆ្នាំរបស់ប្អូនស្រី​ ខេមរៈ​ ​ស្រីពៅ​ បុណ្យដែលបងទាំងពីរនាក់​ និងក្រុមគ្រួសារបានធ្វើនៅក្នុងថ្ងៃនេះ​ សូមឧទ្ទិសកុសលផលបុណ្យទាំងនេះជូនទៅដល់ប្អូនស្រី​ ខេមរៈ​ ស្រីពៅ​ សូមឲ្យប្អូនស្រីចាប់ជាតិថ្មីនេះអោយបានអាយុវែង​ និងមានសំណាងល្អពេញមួយជីវិត»។ប្រភព៖ហ្វេសប៊ុក

Related posts

Leave a Comment