ដេីម្បីត្រៀមទទួលភ្ញៀវទេសចរណ៍មកលេងកំសាន្ត​ នាឱកាសបុណ្យចូលឆ្នាំចិន ឯកឧត្តម គួច ចំរើន បានចុះពិនិត្យការសម្អាតឆ្នេរអូរឈើទាល និងឆ្នេរអូរត្រេះ ព្រមទាំងពន្លឿនការស្ថាបនាផ្លូវ រហូតដល់យប់

អភិបាលខេត្ដព្រះសីហនុថ្មី ឯកឧត្ដម គួច ចំរើន បន្ទាប់ពីបានផ្ទេរភារកិច្ចមកកាន់ដំណែង អភិបាលខេត្ដព្រះសីហនុ រួចមក បានធ្វើឲ្យប្រជាពលរដ្ឋខ្មែររស់នៅខេត្ដព្រះសីហនុផ្ទាល់ ក៏ដូចជាប្រជាពលរដ្ឋខ្មែររស់នៅតាមបណ្ដាខេត្ដផ្សេងទៀត ហាក់មានចិត្ដសប្បាយរីករាយ និងអំណរសាទរជាខ្លាំង ចំពោះចំណាត់ការ ក្នុងការកែលំអរទីក្រុង ។

ជាពិសេសក្នុងគោលដៅដេីម្បីប្រែក្លាយក្រុងព្រះសីហនុ ឲ្យ​ទៅជាទីក្រុងដ៏ទំនើប​ដែលមាន​សុខ​សុវត្ថិ​ភាព​ សោភ័ណ្ឌភាពស្រស់បំព្រង និងមានបរិស្ថានល្អ សម្រាប់ការរស់នៅរបស់ប្រជាពលរដ្ឋ អ្នកទេសចរណ៍ជាតិ​ អន្តរជាតិ​ និងអ្នកវិនិយោគ ជាពិសេសធានាបានគុណភាពខ្ពស់ រឹងមាំ ប្រើប្រាស់បានយូរអង្វែង​ផងដែរ​។

ជាក់ស្ដែង​ ក្រោយម៉ោងរដ្ឋបាល​ ល្ងាចថ្ងៃទី២៣​ ខែមករា​ ឆ្នាំ​២០២០នេះ​ ឯកឧត្ដម​ គួច​ ចំរើន​ អភិបាល​នៃ​គណៈអភិបាលខេត្ត​ព្រះសីហនុ​ បានចុះពិនិត្យ​ពន្លឿនការស្ថាបនាផ្លូវ​ និងការរៀបចំដាក់ប្រព័ន្ធលូទឹកស្អុយ​ ទឹកភ្លៀង​ តាមបណ្តោយផ្លូវឆ្នេរអូរត្រេះ​ ព្រមទាំងពិនិត្យការសម្អាតឆ្នេរអូរឈើទាល២ “អតីតឆ្នេរអារីស្តុន” និងឆ្នេរអូរត្រេះ

ដេីម្បីត្រៀមទទួលភ្ញៀវទេសចរណ៍មកលេងកំសាន្ត​ នាឱកាសបុណ្យចូលឆ្នាំប្រពៃណីចិន​ នាថ្ងៃខាងមុខនេះ។ សូមប្រជាពលរដ្ឋមកកំសាន្តតាមបណ្តាឆ្នេរទាំងអស់​ សូមរក្សាអានាម័យ និងទុកដាក់សម្រាមអោយមានសណ្តាប់ធ្នាប់។ ឆ្នេរស្អាត អនាម័យបរិស្ថានល្អ មានផាសុខភាព​ និងទាក់ទាញ​ភ្ញៀវទេសចរណ៍​។

Related posts

Leave a Comment