រូបភាពប៉ុន្មានសន្លឹកពីលោក នី រតនា និងភរិយា ចំថ្ងៃខួបអាពាហ៍ពិពាហ៍គម្រប់មួយឆ្នាំ ពិតជាស្រស់ស្អាតណាស់

ប្រិយមិត្តមួយចំនួនធំ ពិតជាស្គាល់ច្បាស់ជាក់ជាមិនខាននូវ តារាចម្រៀង ដែលមានសម្លេងផ្អែមស្រទន់ ប្រចាំផលិតកម្មរស្មីហង្សមាសនោះ គឺ នី រតនា ហើយលោកក៏បានរៀបការជាមួយនារីដ៏ស្រស់ស្អាតម្នាក់ កាលពីថ្ងៃទី១៨ ខែមករា ឆ្នាំ២០១៩ កន្លងទៅ ដោយមានការចូលរួមពីសំណាក់ភ្លៀងកិត្តិយសយ៉ាងច្រើន។

ចំណែកម្សិលមិញនេះ នាថ្ងៃទី ១៨ ខែមករា ឆ្នាំ ២០២០ លោក នី រតនា បានបង្ហោះរូបភាពដ៏គួរឲ្យទាក់ទាញជាច្រើនសន្លឹក ចំថ្ងៃខួបអាពាហ៍ពិពាហ៍គម្រប់មួយឆ្នាំ ដោយបញ្ជាក់ឲ្យដឹងថា៖

“18-01-2019 >> 18-01-2020 រីករាយថ្ងៃខួបអាពាហ៍ពិពាហ៍គម្រប់មួយឆ្នាំរបស់យើង ពេលវេលាពិតជាដើរលឿនមែន ថ្ងៃនោះសោះ ឥឡូវ 1 ឆ្នាំបាត់ សមិទ្ធផលដែលយើងទទួលបានដ៏មានអត្ថន័យធំធេងបំផុតសម្រាប់ជីវិតពួកយើង នោះគឺ ព្រះនាងតូចរបស់យើងដែលកំពុងតែត្រៀមនឹងចាប់កំណើតឆាប់ៗនេះ…!!! អរគុណអូនដែលបានចូលមកក្នុងជីវិតបង ហើយផ្ដល់អ្វីៗគ្រប់យ៉ាងដល់បង ជាពិសេសគឺក្តីស្រឡាញ់ដ៏ស្មោះត្រង់របស់អូន ធ្វើឲ្យបងមានអារម្មណ៍ថាមានសុភមង្គលខ្លាំងបំផុត ។ Happy 1st Anniversary my love”៕

Related posts

Leave a Comment