ហ្វេសប៊ុក៖ ប្រិយមិត្តជាច្រើនបានដឹងរួចមកហើយថា តារាចម្រៀង ឱក សុគន្ធកញ្ញា , ពេជ្រ សោភា , លោក ណុប បាយ៉ារិទ្ធ និង ឆន សុវណ្ណារាជ អ្នកទាំង ៤ រូបនេះ សុទ្ធសឹងតែជាកំពូលតារាចម្រៀងគ្រាប់ពេជ្រក្នុងផលិតកម្មរស្មីហង្សមាស ហើយតារាចម្រៀងប្រុសស្រីទាំង ៤ រូបនេះ ក៏ជាមិត្តភក្តិសម្លាញ់មានទំនាក់ទំនងល្អនឹងគ្នាយ៉ាងជិតដិត ព្រោះពួកគេជ្រកក្រោមទ្រនំតេមួយរាប់ឆ្នាំមកហើយ ។

ជាច្រើនឆ្នាំមកនេះ តារាចម្រៀងប្រុសស្រីទាំង ៤ រូបនេះ ក៏ធ្លាប់មានអនុស្សវរីយ៍ជាមួយគ្នាច្រើនរាប់មិនភ្លេចនោះដែរ ។ ដោយកាលពីថ្ងៃទី២៦ ខែឧសភា ឆ្នាំ ២០២២ នាម្សិលមិញនេះ គេបានឃើញ ពេជ្រ សោភា បានទម្លាយរូបថតពីអតីតកាលរវាងនាង និងតារាចម្រៀងប្រុសស្រី ៣ រូបខាងលើនេះក្នុងសម្លៀកបំពាក់ប្រពៃណីយ៉ាងសមសួន បានធ្វើឲ្យមហាជន និងបណ្តាហ្វេនៗចាប់អារម្មណ៍ជាខ្លាំង ព្រមជាមួយពាក្យសម្តីនឹករឭកដល់រឿងចាស់ៗមួយចំនួនទៀតផងដែរ ។

នេះអាចនិយាយបានថា ពេជ្រ សោភា ទំនងជានឹករឭកដល់ពេលវេលាកាលពីប៉ុន្មានឆ្នាំមុនពេក បានជាបង្ហោះរូបថតមួយនេះឡើង រួចក៏ភ្ជាប់សារមួយទៀតថា៖ “ជំនាន់នោះ ថតដាច់យប់ឱ្យតែជិតចូលឆ្នាំខ្មែរ តួសម្តែងច្រើននាក់ណាស់ បើនិយាយអំពីកាលនោះ ដាក់បាយទៅញ៉ាំជុំគ្នាតែម្តងក្រោមដើមឈើ សប្បាយណាស់” ។

ទន្ទឹមនឹងការយករូបថតចាស់ៗ មកបង្ហោះឡើងវិញនោះ ក៏បានធ្វើឲ្យទស្សនិកជនធ្លាប់ទស្សនាបទប្រពៃណីរបស់ពួកគេនឹងដល់បទចម្រៀងពីរោះៗ ច្រៀងរួមគ្នារបស់តារាចម្រៀងប្រុសស្រី ៤ ដួងនេះមិនតិចដែរ ៕

ប្រិយមិត្តចង់ដឹងកាន់តែច្បាស់នោះសូមទស្សនារូបភាពខាងក្រោមនះ ។

ហ្វេសប៊ុក៖ ហ្វេនៗជាច្រើនមិនតិចនាក់នោះទេ ពិតជាបានស្គាល់ច្បាស់ហើយពិធីការិនីល្បីឈ្មោះ កញ្ញា ហ៊ិន ច័ន្ទនីរ័ត្ន នោះ ដែលកំពុងផ្ទុះការភ្ញាក់ផ្អើលជាខ្លាំងក្រោយពីឃើញពិធីការិនីរូបនេះ បង្ហោះរូបភាពមួយសន្លឹកកាន់ដៃជាមួយនឹងបុរសរូបរាងសង្ហាម្នាក់បែរខ្នងនៅលើឆ្នេរសមុទ្រ ដែលមិនបានបញ្ចេញមុខឲ្យដឹងថាជាអ្នកណានោះឡើយ បានធ្វើឲ្យអ្នកគាំទ្រកំពុងបញ្ចេញមិត្តសួរនាំវែកញែកគ្រប់គ្នា ខណៈរូបបុរសម្នាក់នេះក៏ទំនងមិនមែនជាតារាប្រុស សេង មង្គល នោះដែរ ។

លើសពីនោះទៅទៀត កញ្ញា ហ៊ិន ច័ន្ទនីរ័ត្ន កាន់តែធ្វើឲ្យមហាជនមាការចម្លែកចិត្ត និងសង្ស័យថែមទៀត ដែលនាងបានភ្ជាប់ជាសារមួយហាក់ចង់និយាយបង្ហាញពីការរាប់អានគ្នាទូទៅ ដោយមិនបានបញ្ជាក់សម្តៅទៅលើនរណាម្នាក់ឡើយ ដោយក្នុងនោះរូបនាងបានិយាយថា៖

“មិនថាមនុស្សស្រឡាញ់គ្នា ឬ មនុស្សដែលរាប់អានគ្នា បើមានអ្នកធ្វើឱ្យបាត់ភាពស្មោះត្រង់ហើយវាគឺជាការស្រឡាញ់ និង រាប់អានតែសម្បកក្រៅប៉ុណ្ណោះ” ។

ថ្វីដ្បិតថារូបស្និទស្នាលមួយសន្លឹកនេះ បានធ្វើឲ្យមហាជនជាច្រើនមានការសង្ស័យពីទំនាក់ទំនងរវាងកញ្ញា និងបុរសរូបសង្ហាអាថ៌កំបាំងម្នាក់នោះមែន ប៉ុន្តែក៏ពុំទាន់ដឹងច្បាស់ថាអ្នកទាំងពីរត្រូវអ្វីនឹងគ្នានៅឡើយព្រោះ កញ្ញា ហ៊ិន ច័ន្ទនីរ័ត្ន ក៏ពុំបានធ្វើការបញ្ជាក់ច្បាស់ជុំវិញរូបភាពនោះឡើយ ៕

ប្រិយមិត្តចង់ដឹងកាន់តែច្បាស់នោះសូមទស្សនារូបភាពខាងក្រោមនេះ ។

ហ្វេសប៊ុក៖ ពិតណាស់ ព្រះនាងតូច នរោត្តម ជេនណា ត្រូវបានជ្រារាស្រ្តខ្មែរទូទៅ បានស្គាល់ច្បាស់ព្រះរានសម្ថភាពរបស់ព្រះនាងនៅក្នុងវិស័យសិល្បៈ ដោយព្រះនាង មិនត្រឹមតែមានសមត្ថភាព ក្នុងការបកស្រាយបទចម្រៀងនោះទេ តែព្រះនាងក៏មានទម្រង់ភ័ក្រ្តល្អ គួបផ្សំ និងសមត្ថភាពនានា ដែលរួមទាំងការអាចចេះមានបន្ទូលរហូតដល់ទៅ ៥ ភាសាផងដែរ ។

ចំណែកឯ នៅមុននេះបន្តិចនាថ្ងៃទី២៧ ខែឧសភា ឆ្នាំ ២០២២ នេះ ព្រះនាងតូច នរោត្តម ជេនណា បានឆក់យកការចាប់អារម្មណ៍ជាខ្លាំងពីសំណាក់មហាជន ដោយបានបង្ហាញនៅឈុតក្រម៉ាខ្មែរ ដែលមានឈ្មោះថា ក្រម៉ាបេះដូងខ្លួន ដោយទ្រង់គ្រងឈុតនេះ បានយ៉ាងស្រស់ ។

មួយវិញទៀត បើក្រឡេកទៅមើលម៉ូតឈុត ក្រម៉ាបេះដូងខ្មែរមួយនេះវិញ ពិតជាគួរឲ្យសរសើរដល់ស្នាដៃអ្នកច្នៃម៉ូតដែលបានបង្កើតចេញនូវឈុតក្រម៉ាមួយដ៏ទាក់ទាញ សមនឹង ព្រះនាងតូច ជេនណា មានសម្រស់ស្អាតផូរផង់ ធ្វើឲ្យឈុតនេះកាន់តែមានភាពលេចធ្លោជាខ្លាំង ។

ក្រោយឃើញបែបនេះភ្លាម មហាជនជាច្រើនផ្ទុះការសរសើរជាខ្លាំង ថែមទាំងមានអ្នកចូលទៅ ខំមិន បែបនេះថា៖ “ស្រស់ស្អាតខ្លាំងណាស់ព្រះនាងតូច, ស្អាតណាស់, ស្អាតៗណាស់ព្រះនាងម្ចាស់, ព្រះអើយ ទ្រង់ពិតជាស្អាតខ្លាំងណាស់, ស្អាតឆ្លាតលេចធ្លោក្នុងខ្សែររាជវង្ស, ស្រស់សោភាខ្លាំងណាស់ព្រះនាងតូច, ស្អាតណាស់ព្រះពរ, ព្រះនាងនៅក្រៅស្រស់ស្អាត់ខ្លាំងណាស់” ៕

ប្រិយមិត្តចង់ដឹងកាន់តែច្បាស់នោះសូមទស្សនារូបភាពខាងក្រោមនេះ ។