តោះជួបជាមួយសាឡិកក្មេងពិសេសចេះ១៥ភាសា ដែលទើបមកពីប្រទេសចិន ដែលទទួល​បាន​ចំណាត់​ថ្នាក់​លេខ១ ពេលនេះសាឡិកមានអ្វីពិសេសប្រាប់

ដូច​ដែរប្រិយមិត្ត​ ធ្លាប់​បាន​ដឹងរួចមកហេីយ​ អំពី​កុមារា​ សាឡិ​ក ដែលប្អូនប្រុស​មាន​សមត្ថភាព​អស្ចារ្យ​ អាច​និយាយ​បាន​ដល់​ទៅ​ ១៥ភាសា​ ក្រោយពីបាននារី​ដ៏ស្រស់ស្អាតម្នាក់ដែលជា​ជនជាតិ​ម៉ាឡេស៊ី​ បានធ្វេីការ​សម្ភាសន៍​ និងបង្ហោះវីដេអូនៅលេី​បណ្តាញ​សង្គមហ្វេសបុក​ កាលពី​កន្លងទៅ​ដែលធ្វេីឲ្យផ្ទុះការ​ចាប់​អារម្មណ៍​ជាខ្លាំង​ពី​មហាជន​។

ដោយ​ឡែក​ កាលពី​វេលាម៉ោង៨ និង៣០យប់ត្រូវនឹងថ្ងៃទី១១ ខែមករា ឆ្នាំ២០២០​ នេះ​ សាឡិកបាន​ធ្វើ​ដំណើរ​​ត្រលប់​មកដល់ទឹកដីប្រទេសកំណេីតខ្លួនវិញ​ហេីយ បន្ទាប់​ពី​ថ្ងៃ​វិស្សមកាល​បា​នមកដល់​ ក្នុង​នោះដែរ​ក៏មានការ​រង់ចាំ​ទទួល​ស្វាគមន៍​យ៉ាង​កក់ក្ដៅ​ពី​ឪពុកម្ដាយ​ បងប្អូន​ក្រុម​គ្រួសារ​ និង​អ្នកសារព័ត៌មាន​ជាច្រើន​ផង​នោះ។

សូម​ជម្រាប​ជូន​ប្រិយមិត្ត​ឲ្យ​បាន​ជ្រាប​ថា​ សាឡិក​ ក្រោយ​ពី​បានចេញទៅរៀននៅសាលាភាសាបរទេស ហៃលាំងជេជាំង (Zhejiang Hailiang Foreign Language School)​ ប្រទេស​ចិន​ រួចមក​ គេសង្កេត​ឃើញថា​ កុមារ​ដ៏​មាន​អំណោយ​ទានរូបនេះ​បានមានការ​ខិតខំ​ប្រឹងប្រែង​ក្នុង​ការ​ខិតខំ​រៀន​សូត្រ​ជាខ្លាំង​ រហូតទទួលបាន​ចំណាត់ថ្នាក់លេខ១ ប្រចាំឆមាសក្នុងចំណោមសិស្សជាច្រើនសញ្ជាតិផ្សេងគ្នាទៀតផង។

យ៉ាង​ណា​មិញ​ នៅ​មុន​នេះ​បន្តិច​ លោក​ K01 និង​ K168 បាន​ធ្វើ​ការ​សម្ភាសន៍​ដល់​ប្អូន​ប្រុស​ សាឡិក​ ទាក់​ទង​នឹង​ការ​ចេញ​ទៅ​រៀន​នៅ​ប្រទេស​ចិន​អស់​រយៈពេល​កន្លះ​ឆ្នាំ​មកនេះ​ មួយ​វិញ​ទៀត​នោះ​ សាឡិក​ ក៏មាន​ជា​កាដូ​ជូនដល់​បងប្អូន​ប្រជាពលរដ្ឋ​ខ្មែរ​ទៀត​ផង​ ដោយការច្រៀង​បទ​ចម្រៀង​ចិន​មួយបទយ៉ាង​ពិរោះ​។

Related posts

Leave a Comment