អុញនោះ! តារាចម្រៀង សួស វីសា កំពុងតែផ្អែមល្ហែមនៅបារាំងសុខៗ ស្រាប់តែបង្ហោះសារចម្លែកបែបនេះទៅវិញ (មានវីដេអូ)

បរទេស ៖ មហាជនជាច្រើនបានជ្រាបដឹងហើយថា កាលពីចុងខែ​វិច្ឆិកា ២០១៩ កន្លងទៅមង្គលការរបស់តារាចម្រៀងស្រី​ទ្រនំហង្ស​មាស សួស វីសា និងលោក ថមមី តារាសម្ដែង​សំបូរវោហារ បានធ្វើឲ្យកក្រើកផ្អើ​លអស់ទាំងអ្នកសិល្បៈ និងមហាជន ខណៈ​ក្រោយរៀបការអ្នកទាំងពីរ​ហាក់មិនខ្វាយខ្វល់​សិល្បៈនោះឡើយ ដោយលើកទុកមួយដុំសិន ជំនួសវិញដោយការ​ធ្វើដំណើរ​ទៅក្រេបទឹកឃ្មុំមិនចេះអស់រសជាតិ ពិសេសក៏ឆ្លៀតឱកាស​ទៅដល់ទឹកដី​ប្រទេស​ជិតខាង​ដើម្បីពិភាក្សាជាមួយគ្រូពេទ្យ​

ដើម្បីសម្រេចបំណងប៉ងរកភូមិកូនក្មេង​ក្រោយអ្វីៗ​គ្រប់សព្វ​ប្ដីប្រពន្ធ​អ្នកសិល្បៈគូនេះ​មានអស់ទៅហើយ។ជាក់ស្តែង ជាមួយការធ្លាប់បង្ហាញពី​រូបភាព​ទៅពិនិត្យ​សុខភាព​នៅស្រុកថៃ ក្នុងចេតនា​ទទួលការប្រឹក្សា​យកកូនសម្រាប់បំពេញខ្លឹមសារនៃជីវិត​នោះ ថ្មីៗនេះ​ សួស វីសា ក៏បានប្រកាស​នូវជំហរ​របស់ខ្លួន​ក្នុងការចង់​បាន​នូវ​ប្រាថ្នា​ដ៏ធំ​ក្នុង​ចំណងជីវិត​ដោយ​សុំ​កូនម្ដងពីរ គឺ​ជាកូនភ្លោះ

ដែល​ការ​ចង់បាន​នាពេលនេះសួស វីសា បានឱ្យដឹងថា ក្រោយរៀបការរួចនេះ នាងនឹងបន្តផ្អាកការងារសិល្បៈរហូតដល់ដំណាច់ឆ្នាំ២០១៩នេះតែម្តង ដើម្បីបន្តដំណើរកម្សាន្តនៅបណ្តាប្រទេសប៉ែកអឺរ៉ុប យ៉ាងតិច៨ប្រទេសទៀត។យ៉ាងណាមិញអ្នកនាង សួស វីសា បានសរសេរក្នុងគណនីហ្វេសប៊ុករបស់នាងនៅថ្ងៃទី៧ ខែមករា ឆ្នាំ២០២០ បានបង្ហោះថា៖

«ឃ្លានម្ជូរ ឃ្លានក្តិបម្កាក់ ក្តិបស្វាយ ត្របែក អបិលបុកម្ទេសដាក់បង្គារលាយខ្ទឹមស លាយស្ករសរអោយច្រេីនៗ ឃ្លានទឹកគ្រឿងបន្លែស្រស់ ឃ្លានពងទាចំហុយត្រីប្រម៉ាជាមួយបន្លែស្រស់ត្រជាក់ៗ ឃ្លានតែជ្រក់ ឃ្លានជ្រក់ជេីងមាន់ ឃ្លានច្រេីនមុខណាស់
តែនៅនេះអត់ដឹងទៅញាំនៅណាមានទេ»។ប្រភព៖ ហ្វេសប៊ុក

Related posts

Leave a Comment