កប់សេរី! ក្នុងថ្ងៃ​ខួបកំណើតលោក​ នី​ រតនា ត្រូវបានភរិយា Surprise កាដូ​យ៉ាង​ពិសេស​គឺ

អតីត​បេក្ខជន​ និង​ជាម្ចាស់ជ័យ​លាភី​ក្នុង​កម្មវិធី​ Cambodia Idol ​រដូវកាលទី​១​ លោក​ នី​ រតនា​ ពិតជាទទួលបាននូវ​ការគាំទ្រ​ជាខ្លាំង​ពី​សំណាក់​មហាជន​ជាច្រើន​ ដោយតារាចម្រៀង​រូបនេះ​តែងតែឃេីញមានបទថ្មីៗជាច្រេីន​បានចេញជាបន្តបន្ទាប់​ ជាហេតុ​ធ្វើឲ្យ​តារាចម្រៀង​រូប​នេះ​ទទួល​បាន​នូវ​ភាព​លេចធ្លោ​ដូច​សព្វថ្ងៃ​នេះ​។

ជាមួយ​នឹងភាពជោគជ័យ​ក្នុង​វិស័យ​សិល្បៈ​នេះ​ដែរ​ លោក​នី​ រតនា​ ក៏បាន​រៀប​អាពាហ៍ពិពាហ៍​ជាមួយ​កូន​ក្រមុំ​ដ៏​ស្រស់​ស្អាត​ ដែលមាន​ភាព​រួសរាយ​រាក់ទាក់​ និង​គួរ​ឲ្យ​ស្រលាញ់ថែមទៀតផង​ មាន​ឈ្មោះ​ថា​ ហេង សុវណ្ណ​ភក្ដិ​ណា​ ដែលអ្នក​ទាំង​ពីរ​ពិត​ជា​គូស្នេហ៍​ដ៏សាកសម​ឥតខ្ចោះ​តែម្តង​ មិនថា​រូប​សម្រស់​ អត្តចរិត​ និង​ទ្រព្យ​ធន់​នោះទេ។

ក្នុង​នោះដែរ​ គេសង្កេត​ឃើញថា​ បន្ទាប់ពី​រៀប​ការរួច​ អ្នក​ទាំង​ពី​របានមាន​ដំណើរ​កម្សាន្ត​ជាច្រើន​ និងបាន​បង្ហាញ​ពី​ភាព​ផ្អែមល្ហែម​យ៉ាង​ស្អិត​រមួត​ និង​មាន​សុភមង្គល​ជាខ្លាំង​ទៅកាន់​មហាជន​ ហើយ​អ្វី​ដែល​កាន់តែ​ពិសេស​ទៀត​នោះ​ ភរិយា​របស់​លោក​ក៏កំពុង​តែមាន​ទំងន់​ទៀត​ផង​ ដែលត្រៀមនឹង​សម្រាលក្នុង​ពេល​ឆាប់​នេះ​ហេីយ​។

យ៉ាង​ណាមិញ​ នៅថ្ងៃនេះ​ដែរ​គឺជា​ថ្ងៃ​ខួបកំណើត​របស់តារាចម្រៀង​ នី​ រតនា​​ ក្នុង​នោះដែរ​ ភរិយា​ជាទីស្រឡាញ់​របស់​លោក​អ្នក​នាង​ ហេង សុវណ្ណ​ភក្ដិ​ណា​ ក៏មាន​ជាកាដូ​ខ្សែ​ដៃ​ដាំ​ពេជ្រ​ ដោយ​មាន​ឈ្មោះ​រូប​លោកផ្ទាល់ជូន​ដល់​ស្វាមី​ខ្លួន​ផងដែរ​ ។ ជាមួយ​គ្នា​នេះ​ដែរ​ តារា​ចម្រៀង​សម្លេង​ផ្អែម​រូប​នេះក៏មាន​ជាពាក្យ​ពេចន៍​រៀប​រាប់​ផងដែរ​ថា៖

«ថ្ងៃនេះជាថ្ងៃកំណេីតរបស់ខ្ញុំ ប៉ុន្តែឆ្នាំនេះមិនបានធ្វេីកម្មវិធីអ្វីនោះទេ ព្រោះជាប់រវល់ការងារដែលត្រូវបំពេញ តែយ៉ាងណាក៏មិនភ្លេចអរគុណប្រពន្ធសម្លាញ់របស់ខ្ញុំ ដែលបាន surprise កាដូដ៏ពិសេសដល់បង ជូនពរអូនហេីយនិងកូនសុខភាពល្អ សំណាងល្អ សម្រស់កាន់តែស្អាត និងស្រលាញ់បងអោយច្រេីនៗ»។

Related posts

Leave a Comment