ផ្អែមល្ហែមដល់ហើយ! គ្រាន់តែឃើញរូបភាព លោក ថមមី និងភរិយាអ្នកនាង សួស វីហ្សា ទៅក្រេបទឹកឃ្មុំនៅបារាំងក៏ដឹងថាមានក្ដីសុខដែរ

បារាំង ៖ ប្រិយមិត្តជ្រាបច្បាស់រួចហើយថាកាលពីថ្ងៃទី២៩ ខែវិច្ឆិកា ឆ្នាំ២០១៩​ កន្លង​ទៅ​ថ្មីៗ​នេះ​ គឺជាថ្ងៃដ៏វិសេសវិសាល ថ្ងៃជ័យមង្គល និងជាថ្ងៃរៀបអាពាហ៏ពិពាហ៏របស់លោក ថមមី និងអ្នកនាង សួស វីហ្សា ក្នុងកម្មវិធីជ័យមង្គលរបស់តារាចម្រៀង​ និង​តារា​សម្តែងទាំងពីររូបនេះ​ បានរៀបចំឡេីង យ៉ាងអធិកអធ័មអមជាមួយក្បូរក្បាច់ដ៏ប្រណិត ក្នុងកម្មវីធីទាំងមូលរួមជាមួយ នឹងការតុបតែងខ្លួនយ៉ាងស្រស់ស្អាត

ក៏ដូចជាសម្អាងការដ៏គួរឲ្យទាក់ទាញ និងល្អឥតខ្ចោះដែលធ្វើឲ្យមានការចាប់អារម្មណ៏ពីមហាជនជាច្រេីន និងមានការកោតសរសើរមិនដាច់ពីមាត់ផងដែរ។អ្នកទាំងពីរបានទន្ទឹងរងចាំអស់រយៈពេលជាយូរ និងបានធ្លាប់ហែរឆ្លងកាត់ភាពលំបាក និងការតស៊ូជាមួយគ្នាអស់មិនតិចនោះឡើយ ទម្រាំតែមានថ្ងៃនេះ។យ៉ាង​ណាមិញ​ ក្រោយ​ពី​រៀបការ​បាន​រយៈពេល​១ខែ​រួច​មក​ ម្សិលមិញ​នេះ​ អ្នក​ទាំងពីរបានចេញ​ដំណើរ​ទៅ​ក្រេបទឹកឃ្មុំ​នៅ​ក្រៅ​ប្រទេស​ហេីយ​ ដែលប្រទេសដំបូងគឺនៅ​ទី​ក្រុង​ប៉ារីស​ ប្រទេស​បារាំង​ បន្ទាប់​ មក​អ្នក​ទាំង​ពី​រ​នឹងបន្តដំណេីរ​

ទៅប្រទេសជាច្រេីនទៀត​ ដែលមាន​រយៈពេល​១ខែពេញតែម្តង​ សម្រាប់​ដំណើរ​កម្សាន្ត​ដ៏ពិសេស​នេះ។ យ៉ាង​ណា​មិញ​ នៅ​មុន​នេះ​បន្តិច​ លោក​ ថមមី​ បាន​មានការ​រៀប​រាប់​ឲ្យ​ដឹងអំ​ពី​ដំណើរ​កម្សាន្ត​របស់ខ្លួន​ រួម​ជាមួយ​ភរិយា​ ដោយ​មាន​ខ្លឹមសារ​ថា​៖​ «មកដល់ទឹកដី​អឺរ៉ុប​ហើយ​ ប្រទេសបារាំងទីក្រុងប៉ារីស ជំហានដំបូងគឺរកកន្លែងហូបឆ្ងាញ់សិន ចាំរកកន្លែងគេងតាមក្រោយ ព្រោះយល់ចិត្តប្រពន្ធសំលាញ់របស់ខ្ញ៉ំ នៅទីនេះម៉ោង 5:30 នាទី ចុះខាងបងប្អូនយើងនៅខ្មែរវិញម៉ោងប៉ុន្មានហើយ?»៕ប្រភព៖ហ្វេសប៊ុក

Related posts

Leave a Comment