ឆន សុវណ្ណារាជ៖ Yeah..ថ្ងៃនេះបានមកមើលក្មួយប្រុសCharlieហើយ ប៉ុន្តែដល់ម៉ោងគេងបាត់ ស្តាយណាស់អត់បានបីសោះ មើលមុខគេហរ គួរអោយស្អប់

កាលពី​កន្លះខែមុននេះ​ នៅលេី​បណ្ដាញ​សង្គម​ហ្វេសប៊ុកទាំងមូល​បានមានការ​ចាប់​អារម្មណ៍​ជាខ្លាំង​ ក្រោយ​ពី​កំពូល​តារា​ចម្រៀង​ស្រីដ៏ល្បីឈ្មោះក្នុង​ផលិតកម្ម​ រស្មី​ហង្ស​មាស​​ អ្នក​នាង​ ឱក​ សុគន្ធកញ្ញា​ បានបង្ហោះ​ពី​រូប​ភាព​ជាច្រើន​សន្លឹក​ចំពោះ​វត្តមាន​សមាជិក​ថ្មី​កូនប្រុសជាទី​ស្រលាញ់​របស់​ខ្លួន​ អម​ជាមួយ​ស្នាម​ញញឹម​យ៉ាង​រីករាយនោះ។

គួរ​រំលឹក​ដែរ​ថា​ ​អ្នក​នាង​ ឱក​ សុគន្ធកញ្ញា​ សម្រាលបានកូន​ប្រុសម្នាក់​កាលពី​ថ្ងៃទី​១១​ ខែ​វិច្ឆិកា​ ឆ្នាំ​២០១៩​ កន្លងទៅ​ថ្មីៗ​នេះ​ នៅ​មន្ទីរ​ពេទ្យ​ដ៏ល្បី​មួយ ទំនេីប​ និងឈានមុខគេបំផុតក្នុង​ប្រទេសថៃ​ ដែលមាន​ឈ្មោះ​ថា​ Bumrungrad​ ។ ទន្ទឹម​នឹង​នេះ​ដែរ​ ក៏មានវត្តមាន​សិល្បករ​ល្បី​ៗ​ជា​ច្រើន​រូប​ ដែលជា​មិត្ត​រួម​ទ្រនំ​ បាន​ទៅសួរ​សុខទុក្ខ​អ្នកនាង​ ឱក​ សុគន្ធកញ្ញា​ ដល់​មន្ទីរពេទ្យ​ប្រទេស​ថៃ​ទៀត​ផង។

យ៉ាងណា​មិញ​ ក្រោយ​ពី​បានសម្រាក​ព្យាបាល​ និងសម្រាលបានកូនប្រុសជា​ទីស្រលាញ់​ដោយ​សុវត្ថិភាព​ អស់មួយរយៈពេលមកនោះ​ ក្រុម​គ្រូពេទ្យ​ប្រទេស​ថៃ​ ក៏បាន​អនុញ្ញាត​ឲ្យ​អ្នក​នាង​ ឱក​ សុគន្ធកញ្ញា​ និង​កូន​ប្រុស​ អាចត្រលប់ទៅផ្ទះវិញបានហេីយ​ ដែលនេះ​ពិតជា​ដំណឹង​ដ៏​រីករាយ​មួយសម្រាប់​គ្រួសារ​ដ៏មាន​សុភមង្គល​មួយនេះ។

ជាក់ស្តែងនៅមនុនេះបន្តិច នាថ្ងៃទី១៦ ខែធ្នូ ឆ្នាំ២០១៩ គេបានប្រទះឃើញលោក ឆន សុវណ្ណារាជ ដែលជាតារាចម្រៀងប្រុសដ៏ល្បី បានទៅសួរ​សុខទុក្ខ​អ្នក​នាង​ ឱក​ សុគន្ធកញ្ញា​ ដល់​គេហដ្ឋាន ហើយក្នុងនោះដែរ លោក ក៏បានបង្ហោះរូបភាពរួមទាំងសារជូនពរថា៖ “Yeah..ថ្ងៃនេះបានមកមើលក្មួយប្រុសCharlieហើយ ប៉ុន្តែដល់ម៉ោងគេងបាត់ ស្តាយណាស់អត់បានបីសោះ មើលមុខគេហរ គួរអោយស្អប់😍😘😍 សូមអោយសុខភាពល្អនឹងសំណាងល្អរហូតណាកូន😘😍😘 #Charlie#LKbaby”

Related posts

Leave a Comment