កាន់​តែ​ក្តៅ ក្រោយ ពេជ្រ ស៊ូ​លី ឡាយ​វីដេអូ​យំ​ស្ទើរ​គាំង​មិន​ទាន់​បាន​ប៉ុន្មាន​ផង ស្រាប់​តែ តាន់​ គឹម​សួរ បង្ហោះ​ថា…

ភ្នំពេញ ៖ អន្ទិត​កក្កដា មហាជន​ប្រាកដ​ជា​ជ្រាប​ច្បាស់​រួចហើយ​ថា លោក​ទទួល​បាន​ប្រជាប្រិយភាព​តាំង​តែពី​នៅ​បួស​ជា​សង្ឃ​ម្ល៉េះ។អន្ទិត​ កក្ត​ដា សុ​ភ័​ណ្ឌ តែងតែ​ធ្វើការ​បង្ហោះ​ពី​ការងារ​មនុស្ស​ធម៌​ចំពោះ​អ្នក​ក្រខ្សត់ កុមារ​កំព្រា ចាស់​ជរា ជនអនាថា ដែល​ធ្វើ​ឲ្យ​មហាជន​ជាច្រើ​ន​មានការ​ស្រលាញ់​ចូលចិត្ត​ជា​ខ្លាំង។ តែក៏មាន​មហាជន​ខ្លះ​​មិនមាន​ការពេញចិត្ត​ផង​ដែរ ដោយ​គិត​ថា​ទង្វើ​ខាងលើ​គ្រាន់តែ​ជា​ការ​សម្ដែង​ប៉ុណ្ណោះ​។

ជាក់ស្ដែង កាលពី​ប៉ុន្មាន​ថ្ងៃ​មុន​​នេះ កញ្ញា ពេជ្រ ស៊ូ​លី បាន​ចេញមុខ​ទម្លាយ​នូវ​រឿងរ៉ាវ​ជាច្រើន​របស់​អន្ទិត កក្កដា សុ​ភ័​ណ្ឌ រហូត​ធ្វើ​ឲ្យ​មហាជន​ខ្លះ​ពេញ​ចិត្ត និង​មហាជន​ខ្លះ​ទៀត​មិន​ពេញចិត្ត។​

ជា​មួយ​គ្នា​នេះ​ដែរ រឿងរ៉ាវ​ខាង​លើ នៅ​មិន​ទាន់​ចប់​នៅ​ឡើយ​ទេ ដោយ​កាលពី​ម្សិលមិញ​នេះ ពេជ្រ ស៊ូ​លី បាន​ធ្វើការ​ឡាយ​វីដេអូ​​និយាយ​បកស្រាយ​នូវ​ចំណុច​មួយ​ចំនួន​ ហើយ​នាង​បាន​យំ​ស្រែក និង​ខក​ចិត្ត​ចំពោះ​អ្នក​ខមមិន​ថា​ឲ្យ​នាង​មួយ​ចំនួន​ផង​ដែរ។

​ទន្ទឹម​នឹង​នោះ​ដែរ ខណៈ​នាង​ព្យាយាម​បក​កកាយ​រឿង​អន្ទិត​កក្កដា​នោះ ឃើញ​ដូចនេះ ​ភ្លាមៗ ​លោក តាន់​ គឹម​សួរ ក៏បាន​បង្ហោះ​សារ​មួយ​ថា «​ខ្ញុំ​មិន​ប្រតិកម្ម ​មិន​បានន័យថា​ខ្ញុំ​មិន​ខ្វល់​ជាមួយ​រឿង​នេះ​ទេ ម្នាក់ៗ​ឆាត​មក​ខ្ញុំ ថា​ឲ្យ​ខ្ញុំ​ ម៉េច​អត់​មើល​ប្អូន​ខ្លះ​ទេ​អី​? ក្មេង​បិសាច ជ្រេញ​ឫក​នាង​ល្អិត​ហ្នឹង​ណាស់ និង​ភាសា​អសុរោះ​មួយចំនួនទៀត​។ ខ្ញុំ​មិន​មាត់​ខ្ញុំ​មិន​តប សូម្បីតែ​ឆាត​ទៅ​នាង ​ក៏​ខ្ញុំ​មិន​ឆាត​ទៅ​ដែរ ព្រោះ​កំឡុង​នេះ ខ្ញុំ​កំពុង​ចាំមើល​ថា ​តើ​រឿងនេះ ​នឹង​ទៅជា​យ៉ាងណា​ទៀត​។

ក្នុង​សារ​ខាង​លើ​ លោក តាន់​ គឹម​សួរ បន្តថា ខ្ញុំ​មិន​កាន់ជើង​នាង​ទេ នាង​ពិតជា​បញ្ចេញ​អាកប្ប​កិរិយា​ និង​ពាក្យសម្តី​លើស​បន្តិច​មែន ហាក់ដូច​ជាមាន​គំនុំ​ជាមួយគ្នា​តាំងពី​ពេលណា​មក (​នេះ​ជា​ចំណុច​ដែល​បងប្អូន​មិន​ពេញចិត្ត​ខ្លាំង​)​។ តែ​ទោះជា​យ៉ាងណាក៏ដោយ អាច​ទេ​ គ្រាន់តែ​ចាត់ទុកថា​នាង​ជា​ក្មេងស្រី​ម្នាក់​ដែល​នៅ​ក្មេងខ្ចី ឆេវឆាវ ហើយ​ធ្វើ​ការណែនាំ​នាង​ដោយ​ធម៌​ត្រជាក់​បំផុត នៅ​ពេល​ដែល​យើង​មិនទាន់​ដឹង​ច្បាស់​ថា​ ការពិត​យ៉ាងណា​? ចាំបាច់​អី​ទាល់តែ​ត្រូវ​ប្រើ​ភាសា​ធ្ងន់ៗ ​ដើម្បី​បំបាក់​ទឹក​ចិត្ត​របស់​នា​ង​? មាន​ឆ្ងល់​ទេ​ថា ​ហេតុអ្វី​បានជា​នាង​ធ្វើបែបនេះ​ ទាំង​នាង​មិន​ដែលមាន​ទំនាក់​ទំនង​អ្វី​ទាល់តែសោះ​ជាមួយ​ប្អូនប្រុស​ម្នាក់​នោះ​?

លោក តាន់ គឹមសួរ បាន​បន្ត​សំណេរ និង​បញ្ជាក់​ទៀត​ថា ចំពោះ​ខ្ញុំ​ គឺ​កំពុងតែ​ឆ្ងល់​ខ្លាំង ហើយក៏​កំពុង​តែ​ចាំ​ការបកស្រាយ​ពី​ប្អូនប្រុស​ម្នាក់​នោះ​ផងដែរ ដូចនេះហើយ​បានជា​ខ្ញុំ​មិនទាន់​អាច​បញ្ចេញ​មតិយោបល់​អ្វី​ទាំងអស់​។ បើ​នេះ​ជាការ​ពិត​ដូច​អ្វីដែល​នាង​បានលើកឡើង​មែន ខ្ញុំ​គាំទ្រ​យ៉ាង​ពេញ​ទំហឹង​ក្នុង​ការ​ចូលរួម​កម្ចាត់​មេរោគ​ក្នុង​សង្គម​នេះ​។​»៕

សូម​ទស្សនា​វីដេអូ​ និង​រូបភាព​ខាង​ក្រោម ដើម្បី​ឲ្យ​កាន់​តែ​ច្បាស់ ៖​

ហេតុអ្វីមិនស្ដាប់ពាក្យពិត😪🙏🏻

Posted by PichSourly on Thursday, August 29, 2019

Related posts

Leave a Comment