លោកឧកញ៉ា ឌួង ឆាយ៖ អាណិតពួកគាត់ណាស់ ដែលគេងតាមចិញ្ចឹមផ្លូវសាធារណៈ ទាំងដែលអាកាសធាតុកំពុងតែត្រជាក់ខ្លាំង ទប់ចិត្តមិនបានលោកឧកញ៉ាក៏ធ្វើរឿងមួយនេះ ធ្វើអោយពួកគាត់មានស្នាមញញឹមឡើងវិញគ្រប់គ្នា

បេីនិយាយ​ពី​លោកឧកញ៉ា​ ​ឌួង​ ឆាយ​ បង​ប្អូន​ប្រិយមិត្ត​ ក្នុងបណ្ដាញសង្គម ហ្វេស ប៊ុកជាច្រើន​ ប្រាកដជាបានស្គាល់រួចមកហេីយ​ពីស្នាដៃក្នុង កិច្ចការសប្បុរសធម៌ជាច្រើន ដែលលោក តែងតែបាន​ចេញមុខជាច្រើន​នៅក្នុង​សង្គម​ ជាពិសេសតែងតែជួយទៅដល់​ប្រជាពលរដ្ឋ​ ដែលជួប​បញ្ហា​ ខ្វះខាត និងប្រជាជន​ដែលមានការលំបាក​ ក្រខ្សត់​ជាច្រើន​ផងដែរ​។

លោក​ឧកញ៉ា​ ឌួង​ ឆាយ​ ក្នុង​មួយ​រយៈពេល​ខ្លីនេះ​ លោកហាក់បី ពិតជាមានភាព​មមាញឹក​ជាខ្លាំង​ ​ជាមួយ​នឹង​កិច្ចការ​ងារ​មុខជំនួញនិងកិច្ចការផ្សេងៗទៀត របស់លោកជាច្រេីន​ ដែលធ្វេីឲ្យ​លោក​ឧកញ៉ា​ ហាក់មិនអាចឆ្លៀតពេល និងមិនសូវបានឃើញរូបលោក ​ចេញមុខ​តាមរយៈ​បណ្តាញសង្គមហ្វេសបុក​ ដោយធ្វេីការ​និយាយ អំពី​បញ្ហា​ការងារសង្គមដូចមុន​នោះទេ។

ដោយឡែក នាខណៈពេលមុននេះបន្ដិច យប់ថ្ងៃទី០៩ ខែធ្នូ ឆ្នាំ២០១៩នេះ យោងតាមរយៈគេហទំព័រ ហ្វេសប៊ុកផេក លោកឧកញ៉ា ឌួង ឆាយ បានបង្ហោះទិដ្ឋភាព នៃសកម្មភាពអំពើសប្បុរសធម៌មួយ ដែលលោកឧកញ៉ា រួមជាមួយលោកជំទាវ បាននាំយកអាហារមួយចំនួន និងភួយទុកសម្រាប់ដណ្ដប់ពេលយប់ ព្រោះខែនេះចុះត្រជាក់ យកទៅចែកជូនបងប្អូនប្រជាពលរដ្ឋមួយចំនួន ដែលពួកគាត់មានជីវភាពខ្វះខាត។

ក្នុងនោះដែរ លោកឧកញ៉ា ឌួង ឆាយ ក៏បានសរសេរប្រាប់ឱ្យដឹងថា៖”ទឹកភ្នែកខ្ញុំបានស្រក់ អាណិតពួកគាត់ណាស់ គ្មានអ្នកណាចង់គេងតាមចិញ្ចឹមផ្លូវសាធារណៈនោះទេ ទឹកចិត្តបន្តិចបន្ទួចរបស់ពួកខ្ញុំបានផ្លាស់ប្តូរស្នាមញញឹម និងរាត្រីដ៏រងាត្រជាក់របស់ពួកគាត់។ សូមចូលរួមជួយពួកគាត់ផងណាពូមីងបងប្អូនទាំងអស់គ្នា សង្គមមួយដ៏ល្អគួរអោយរស់នៅគឺចាប់ផ្តើមពីយើងទាំងអស់គ្នាណា”៕

Related posts

Leave a Comment