ខកចិត្តណាស់ លៀង ចាន់​ឡា មិនបាន​ឡើង​ច្រៀង​ខនសឺត ព្រោះតែ…..(មាន​វីដេអូ)​

ភ្នំពេញ ៖ អតីត​បេ​ក្ខ​នារី​ក្នុង​កម្មវិធី X Factor Cambodia កញ្ញា ចាន់​ឡា យ៉ាងណា​មិញ ​ក្រោយពី​មាន​រឿងរ៉ាវ​កន្លងមក នាង​នៅ​តែ​ទទួលបាន​ការគាំទ្រ​កាន់តែខ្លាំងពីសំណាក់មហាជន។ក្នុង​នោះ​ដែរ ដោយ​កាលពី​ពេល​កន្លង​មក ចាន់ឡា ត្រូវ​បាន​អ្នក​សិល្បៈ ក៏​ដូចជា​មហាជន​ជាច្រើន​បាន​ឧបត្ថម្ភ​សំលៀកបំពាក់ ថវិកា គ្រឿងអលង្ការ និង ការ​ផាត់​មុខ​កែ​សម្ផស្ស​ជាដើម ក្រោយ​ការ​ចុះ​ផ្សាយ​ព័ត៌មាន​ថា ​បេក្ខនារី​ ចាន់ឡា ត្រូវបាន​គេ​រើសអើង​ ខណៈ​នាង​ចូល​ប្រឡង​ចម្រៀង​នោះ។

ជា​មួយ​គ្នា​នោះ​ដែរ អតីត​បេក្ខនារី​X Factor Cambodia ទោះបី​ជា​នាង​ប្រឡង​ធ្លាក់​យ៉ាង​ណា ក៏​ភាព​លេច​ធ្លោ រួមជាមួយ​នឹង​ការចាប់អារម្មណ៍​ជា​ខ្លាំង​ពេញ​បណ្ដាញ​សង្គម​ហ្វេ​ស​ប៊ុ​ក​នៅ​តែ​មាន ហើយ​ជីវិត​របស់​ ចាន់​ឡា បាន​ផ្លាស់ប្ដូរ​ស្ទើរតែ​ទាំងស្រុង​តែម្ដង មិនថាតែ​រូប​សម្រស់ ការ​ស្លៀកពាក់ និង​ការ​តុបតែង​ខ្លួន​នោះទេ។

ជាក់ស្ដែង កាលពី​ម្សិលមិញ​នេះ អតីត​បេក្ខនារី​X Factor Cambodia លៀង ចាន់​ឡា ត្រូវ​បាន​ម្ចាស់​កម្មវិធី ​អញ្ជើញ​​ទៅ​ច្រៀង​នៅ​ឯ​ខេត្ត​កែប ដែល​នេះ​ពិតជា​ឱកាស​ដ៏​ពិសេស​បំផុត​មួយ ក្នុង​ការ​បោះ​ជំហាន​ឈាន​ជើង​ចូល​ប្រឡូក​ក្នុង​វិស័យ​សិល្បៈ។
​ទន្ទឹមនឹងនោះដែរ អ្វី​ដែល​ខកចិត្ត​បំផុត​នោះ ក្នុង​អំឡុង​បំពេញការងារ​របស់​ ចាន់​ឡា ទៅ​កាន់​ខេត្ត​កែប​ បែរជា​ត្រូវ​​ខកខាន​ក្នុង​ការ​ច្រៀង​ទៅវិញ ដោយសារតែ​មូលហេតុ​មាន​ភ្ញៀវ​ធ្លាក់​ខ្លាំង​ពេក ហើយ​នៅ​ថ្ងៃ​នេះ​ដែរ ប្អូនស្រី ចាន់​ឡា នឹង​វិល​ត្រឡប់​មក​ភ្នំពេញ ដើម្បី​បន្ត​ថត​រឿង​ខ្លី​របស់​ខ្លួន​ផង​ដែរ​៕
បើ​ចង់​ជ្រាប​ច្បាស់​ សូម​ប្រិយមិត្ត​ទស្សនា​វីដេអូ​ខាងក្រោម​នេះ ៖​

Posted by Leang Channla on Thursday, August 29, 2019

Related posts

Leave a Comment