គួរឲ្យ​អាណិត​ណាស់​ ខំជួល​កង់បី​ PassApp គេមករត់​ ដេីម្បី​រកលុយ​ផ្គត់ផ្គង់​គ្រួសារ​ តែ​បែរជា​មក​ជួប​ភ្ញៀវ​បោកអោយដឹកទៅឆ្ងាយ​ និងបាន​បន្លំ​យក​ទូរស័ព្ទ​ទៅបាត់ទៀត ដោយប្រើវិធី​…

ប្រិយមិត្ដដឹងហើយថា សេវាកម្មដឹកអ្នកដំណើរ ដ៏ពេញនិយមនៅក្នុងព្រះរាជាណាចក្រកម្ពុជា នោះគឺម៉ូតូកង់បីឥណ្ឌា (PassApp) ដែលសេវាកម្មមួយនេះ បង្កើតឡើងក្នុងគោលបំណងដើម្បីជួយដល់ប្រជាពលរដ្ឋមានភាពងាយស្រួល ក្នុងការបញ្ជា ហៅមធ្យោបាយធ្វើដំណើរគ្រប់ប្រភេទ តាមរយៈទូរស័ព្ទដៃទំនើប ដែលមានទាំងរថយន្ដថែមទៀតផង។

ជាមួយនឹងគ្នានេះដែរ បើទោះបីជាសេវាកម្មមួយនេះ មានភាពងាយស្រួលពេញនិយម និងមានភាពរហ័សទាន់ចិត្តក៏ដោយ ប៉ុន្ដែបច្ចុប្បន្ននេះ ក៏នៅតែមានបុគ្គលមួយចំនួនតូច មិនថាតែ​ភ្ញៀវ​អ្នក​ជិះ​ និងម្ចាស់កង់បី​អ្នកបេីកបរនោះទេ​ ហាក់​មានភាពមិនស្មោះត្រង់ ហើយថែមទាំងបានប្រព្រឹត្ដិនូវអំពើមិនល្អមួយចំនួនថែមទៀតផង។

ជាក់​ស្ដែង​ ករណី​នេះ​ស្រាប់​ ដែល​ភ្ញៀវ​បាន​បន្លំ​យក​ទូរស័ព្ទ​អ្នក​រត់​កង់​បី​ ខណៈដែល​គ្នាកំពុងតែលំបាក់ហេីយនោះ​ នេះ​បេីយោងតាម​រយៈ​គណនី​ហ្វេសប៊ុក​ឈ្មោះ​ Chhun Rith Online Shop បានមាន​រៀប​រាប់​ឲ្យ​ដឹង​ថា​៖«ថ្ងៃ​នេះ​ខ្ញុំ​ជួប​ប្អូន​ប្រុស​ម្នាក់​ ដែលជា​អ្នក​រត់​ PassApp ដូច​គ្នា​ គឺ​ត្រូវ​ភ្ញៀវ​ហៅ PassApp ជិះ​ពី​ស្ទឹង​មានជ័យ​ទៅ​តាខ្មៅ​ ទៅ​ដល់​កន្លែង​ធ្វើ​ជា​ខ្ចី​ទូរស័ព្ទ​បន្តិច​ ដើម្បី​ខល់​ទៅ​ប្ដី​ ហេីយ​យក​ទូរស័ព្ទ​ប្អូន​ទៅ​បាត់​ ខ្ញុំ​ពិត​ជា​អាណិត​ប្អូន​ណាស់​ ដឹក​ទៅ​អត់​បាន​ទាំង​លុយ​បាត់​ទាំង​ទូរស័ព្ទ​។

ខំ​ទៅ​ជួល​ PassApp គេ​មក​រត់​ ដេីម្បី​រក​លុយ​បន្ថែម​ ​ក្នុង​ការ​ចាយ​វាយ​ប្រចាំ​ថ្ងៃ​ ​ឥឡូវ​មិន​ដឹង​ប្រាប់​អ្នក​ផ្ទះ​ថា​យ៉ាង​ម៉េច​នោះទេ​ ជីវិត​អ្នក​រត់​ PassApp ​អេីយ​ សូម​បង​ប្អូន​អ្នក​រត់​ PassApp​ ​ទាំង​អស់​ មេត្តា​ប្រុង​ប្រយ័ត្ន​អោយបានខ្ពស់​ ព្រោះយេីង​មិន​ដឹង​ថា​អ្នក​ណា​អាក្រក់​ និង​អ្នក​ណា​ល្អនោះ​ទេ​ ខ្ញុំ​សង្ឃឹម​ថា​អ្នក​ផ្ទះ​ប្អូន​នឹង​យល់ផងចុះ​»។

Related posts

Leave a Comment