អាជ្ញាកណ្តាល​អេ​ក្វា​ឌ័​រ RoddyZambrano​គ្រវី​ដែ​មិន​ព្រម​ផ្តល់​ប៉េ​ណា​ល់​ទី​ដល់​ក្រុម​អា​ហ្ស​ង់​ទីន​

កាលពី​ថ្ងៃ​សុក្រ សមាគម​បាល់ទាត់​អា​ហ្ស​ង់​ទីន បាន​ស្នើសុំ​ក្រុមហ៊ុន​ផ្គត់​ផ្គង​បច្ចេកវិទ្យា​ប្រព័ន្ធ​វីដេអូ​ជំនួយការ​អាជ្ញាកណ្តាល VAR ដែល​ត្រូវបាន​ប្រើប្រាស់​នៅ​ការប្រកួត Copa America ដើម្បី​បញ្ជាក់ថា​តើ ក្រុម​សន្តិសុខ​របស់​ប្រធានាធិបតី​ប្រេ​ស៊ី​ល Jair Bolsonaro មានបាន​ជ្រៀត​ជ្រែ​តទៅ​ក្នុង​ការប្រកួត​វគ្គ​ពាក់កណ្តាល​ផ្តាច់ព្រ័ត្រ កាលពី​ថ្ងៃ​អង្គារ ដែរ​ឬ​អត់។

ក្រុម​ជម្រើសជាតិ​អា​ហ្ស​ង់​ទីន បាន​ចាញ់​ក្រុម​ម្ចាស់ផ្ទះ​ប្រេ​ស៊ី​ល​០-២ នៅមុខ​លោក Jair Bolsonaro នៅក្នុង​ពហុ​កីឡដ្ឋាន Mineirao ស្ថិតក្នុង​ទីក្រុង Belo Horizonte ប៉ុន្តែ​ពួកគេ​បាន​ខឹងសម្បារ​ខ្លាំងណាស់ នៅពេលដែល​អាជ្ញាកណ្តាល​បដិសេធន៍​មិន​ព្រម​ផ្តល់​ប៉េ​ណា​ល់​ទី​២​លើក បើទោះបីជា​ការចាក​សារ​ឡើងវិញ វា​គួរតែ​ត្រូវបាន​ផ្តល់​ឲ្យ​ក៏ដោយ។

អ្វីដែល​កាន់តែ​ធ្វើ​ឲ្យ​ពួកគេ​ខឹង​ថែម​មួយកម្រិត​ទៀត​នោះ គឺ​អាជ្ញាកណ្តាល​អេ​ក្វា​ឌ័​រ Roddy Zambrano​បែរជា​បដិសេធន៍​មិន​ពិគ្រោះ​ជាមួយ​ប្រព័ន្ធ​វីដេអូ​ជំនួយការ​អាជ្ញាកណ្តាល VAR ដើម្បី​ពិនិត្យមើល​សុពលភាព​នៃ​អំណះអំណាង​របស់​ពួកគេ។

សហព័ន្ធ​បាល់ទាត់ AFA បាន​និយាយ​នៅលើ​វែបសាយ​របស់ខ្លួន​ថា យើង​មានការ​ខ្វាយខ្វល់​ថា សារព័ត៌មាន​ប្រេ​ស៊ី​ល និង​វែបសាយ​ព័ត៌មាន កំពុងតែ​ជជែក​គ្នា​ពី​បញ្ហា​ដែល​អាច​កើតឡើង និង​ការជ្រៀតជ្រែក​នៅក្នុង​ប្រព័ន្ធ​ទំនាក់ទំនង​រវាង បន្ទប់​ប្រតិបត្តិការ​វីដេអូ និង​ក្រុមមន្ត្រី​នៅលើ​ទីលាន​ប្រកួត។

នេះ​គឺជា​ការតវ៉ា​លើក​ទី​២​ហើយ ធ្វើឡើង​ដោយ AFA​នៅ​ការប្រកួត​វគ្គ​ពាក់កណ្តាល​ផ្តាច់ព្រ័ត្រ​នេះ ដោយ​កាលពី​ថ្ងៃ​ពុធ ពួកគេ​បាន​តវ៉ា​ទៅកាន់​គណៈ​គ្រប់គ្រង​បាល់ទាត់​អាមេរិក​ឡាទីន ពាក់ព័ន្ធ​នឹង​កំហុស​អាជ្ញាកណ្តាល៕

Soccer Football – Copa America Brazil 2019 – Semi Final – Brazil v Argentina – Mineirao Stadium, Belo Horizonte, Brazil – July 2, 2019 Brazil’s President Jair Bolsonaro during the match REUTERS/Pilar Olivares

Related posts

Leave a Comment