ប្រធាន FIFA​ចង់​បង្កើន​ព្រឹ​ត្ត​ការណ៍ Women’s World Cup ដល់​៣២​ក្រុម

ប្រធាន​សហព័ន្ធ​បាល់ទាត់​ពិភពលោក FIFA​លោក Gianni Infantino ចង់​បង្កើន​ចំនួន​ក្រុម​ចូលរួម​ព្រឹ​ត្ត​ការណ៍ Women’s World Cup ឡើងដល់​៣២​ក្រុម ពី​២៤​ក្រុម សម្រាប់​ព្រឹ​ត្ត​ការណ៍​បន្ទាប់​នៅក្នុង​ឆ្នាំ​២០២៣ ហើយ​ក្នុងនោះ​ប្រាក់រ​ង្វ​ន់​នឹង​កើនឡើង​ទ្វេដង​ដែរ​រហូតដល់​ទៅ​៦០​លាន​ដុល្លារ។

មុន​ការប្រកួត​វគ្គ​ផ្តាច់ព្រ័ត្រ Women’s World Cup នា​ថ្ងៃអាទិត្យ​រវាង​ក្រុម​គ្រង​តំណែង​ជើងឯក​សហរដ្ឋអាមេរិក និង​ក្រុម​កីឡាការិនី​ហូ​ឡង់ លោក Infantino បាន​និយាយថា លោក​នឹងដាក់​សំណើរ​នេះ​ទៅកាន់​ក្រុមប្រឹក្សា FIFA និង​សមាគម​ជា​សមាជិក​ឲ្យ​ឯកភាព​លើ​គម្រោង​មួយ​នេះ។

លោក​បាន​និយាយប្រាប់​សន្និសីទកាសែត​ថា លោក​ចង់​បង្កើន​ចំនួន​ក្រុម​នៅ​ការប្រកួត​មួយ​នេះ​ដល់​៣២​ក្រុម។ លោក​បន្តថា យើង​នឹង​ឆាប់​ធ្វើ​វា ដើម្បី​សម្រេចចិត្តថា​តើ យើង​នឹង​បង្កើន​ចំនួន​ក្រុម​ដែរ​ឬ​អត់​នៅក្នុង​ឆ្នាំ​២០២៣​។ បើសិនជា​យើង​ធ្វើ​បែប​ហ្នឹង យើង​នឹង​បើក​ឡើងវិញ​នូវ​ដំណើរការ​ដេញថ្លៃ ដើម្បី​អនុញ្ញាត​ឲ្យ​អ្នក​រាល់គ្នា​មានឱកាស​ធ្វើជា​ប្រទេស​ម្ចាស់ផ្ទះ​។ គ្មានអ្វីៗ​ដែលថា​វា​មិនអាច​ទៅរួច​នោះទេ។

សូមបញ្ជាក់ថា ឱសានវាទ​សម្រាប់​ការដាក់​ឯកសារ​ដេញថ្លៃ​ធ្វើ​ម្ចាស់​ព្រឹ​ត្ត​ការណ៍ Women’s World Cup បាន​ដល់​កាលពី​ខែមេសា ក្នុងនោះ​ប្រទេស​ម្ចាស់ផ្ទះ នឹងត្រូវ​ប្រកាស​ឲ្យ​ដឹង​នៅ​ខែមីនា ឆ្នាំ​២០២០ ដោយ​ក្រុមប្រឹក្សា FIFA ប៉ុន្តែ​បើសិនជា​មានការ​ផ្លាស់ប្តូ​រ​ចំនួន​ក្រុម​មែន​នោះ វា​មានន័យថា ដំណើរការ​នៃ​ការដេញថ្លៃ​នេះ នឹងត្រូវ​ប្រើពេល​យូរ​ជាង​នេះ៕

Related posts

Leave a Comment